ಬೆಂಗಳೂರು: ಡ್ರಗ್ ಮಾಫಿಯಾ ಪ್ರಕರಣದ ಪ್ರಮುಖ ಆರೋಪಿ, ತಲೆಮರೆಸಿಕೊಂಡಿರುವ ಶಾಯಿಕ್ ಫಾಜಿಲ್ನ ಮತ್ತೊಂದು ವಿಡಿಯೋ ಎಲ್ಲೆಡೆ ಹರಿದಾಡುತ್ತಿದೆ. ಅಲ್ಪಸಂಖ್ಯಾತ ಸಮುದಾಯಕ್ಕೆ ಸೇರಿದ್ದ ಫಾಸಿಲ್ ಹಿಂದೂ ದೇವತೆಗಳ ಬಗ್ಗೆ ಕೂಡಾ ಅಭಿಮಾನ ಹೊಂದಿದ್ದ ಎಂಬುದು ಈ ವಿಡಿಯೋ ನೋಡಿದರೆ ತಿಳಿಯುತ್ತದೆ.
ಕಳೆದ ಗಣೇಶ ಹಬ್ಬದಂದು ಫಾಜಿಲ್ ತನ್ನ ಅಪಾರ್ಟ್ಮೆಂಟ್ನಲ್ಲಿ ಹಬ್ಬ ಆಚರಿಸಿದ್ದಾನೆ. ಮನೆಯಲ್ಲಿ ಗಣೇಶ ಕೂರಿಸಿ ಆಪ್ತರನ್ನು ಕರೆದು ಆರತಿ ಮಾಡಿ ಪೂಜೆ ನೆರವೇರಿಸಿದ್ದಾನೆ. ಅದಾದ ನಂತರ ಡ್ರಗ್ಸ್ ಪ್ರಕರಣ ಬೆಳಕಿಗೆ ಬರುತ್ತಿದ್ದಂತೆ ಪಾಜಿಲ್ ಪೊಲೀಸರ ಕೈಗೆ ಸಿಗದೆ ಎಸ್ಕೇಪ್ ಆಗಿದ್ದಾನೆ ಎನ್ನಲಾಗಿದೆ. ಸದ್ಯ ಜಯನಗರದ ತನ್ನ ಅಪಾರ್ಟ್ಮೆಂಟ್ನಲ್ಲಿ ಫಾಜಿಲ್ ಗಣೇಶನ ಮೂರ್ತಿ ಕೂರಿಸಿ ಪೂಜೆ ಮಾಡಿದ್ದ ವಿಡಿಯೋ ವೈರಲ್ ಆಗಿದೆ. ತನ್ನ ಮೇಲೆ ಪೊಲೀಸರು ನಿಗಾ ಇಟ್ಟಿದ್ದಾರೆ ಎಂದು ತಿಳಿದ ಫಾಜಿಲ್ ತಲೆಮರೆಸಿಕೊಂಡಿದ್ದು ಈತನ ಪತ್ತೆಗೆ ಸಿಸಿಬಿ ತಂಡ ಬಲೆ ಬೀಸಿದೆ. ಈ ಫಾಜಿಲ್ ನಟಿ ಸಂಜನಾ ಆಪ್ತನಾಗಿದ್ದು ಡ್ರಗ್ಸ್ ಪ್ರಕರಣದಲ್ಲಿ ಈತ ಕೂಡಾ ಪ್ರಮುಖ ಆರೋಪಿಯಾಗಿದ್ದಾನೆ. ಒಂದು ವೇಳೆ ಈತ ದೊರೆತರೆ ಮತ್ತಷ್ಟು ಹೆಸರುಗಳು ಹೊರಬರುವ ಸಾಧ್ಯತೆ ಇದೆ ಎನ್ನಲಾಗಿದೆ.
