ಹೈದ್ರಾಬಾದ್(ತೆಲಂಗಾಣ) : ಮದುವೆ ವಿಚ್ಛೇದನದಿಂದ ಸಾಕಷ್ಟು ಸುದ್ದಿಯಾಗಿದ್ದ ಖ್ಯಾತ ನಟಿ ಸಮಂತಾ ರುತ್ ಪ್ರಭು ಈಗ ತಮ್ಮ ಮನೆಯಿಂದ ಹೊರ ಬಂದಿದ್ದಾರೆ. ಮನೆ ಬಿಟ್ಟು ಅವರು ಸಿನಿಮಾ ಸೆಟ್ನಲ್ಲೇ ವಾಸ ಮಾಡಲು ಮುಂದಾಗಿದ್ದಾರೆ.
ಸಮಂತಾ ಸದ್ಯ ತಮ್ಮ ಮುಂದಿನ ಬಹುಭಾಷಾ ಚಿತ್ರ 'ಯಶೋದಾ' ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ. ಆದರೆ, ಅವರು ಮನೆಗೆ ಹೋಗದೇ ಸೆಟ್ನಲ್ಲಿ ತಾತ್ಕಾಲಿಕವಾಗಿ ಉಳಿದುಕೊಳ್ಳಲು ನಿರ್ಧರಿಸಿದ್ದಾರಂತೆ.
ಇದಕ್ಕೆ ಪ್ರಮುಖ ಕಾರಣ ಸಿನಿಮಾದ ಸೆಟ್. ಯಶೋಧ ಚಿತ್ರೀಕರಣಕ್ಕಾಗಿ ಹಾಕಿರುವ ಸೆಟ್ ನೋಡಿಯೋ ಮಾರು ಹೋಗಿದ್ದು, ತಾವು ಸೆಟ್ನಲ್ಲೇ ಇರುವುದಾಗಿ ಹೇಳಿಕೊಂಡಿದ್ದಾರೆ ಎನ್ನಲಾಗುತ್ತಿದೆ.
ಏನಿದೆ ಆ ಸೆಟ್ನಲ್ಲಿ?: ಶ್ರೀದೇವಿ ಮೂವೀಸ್ ಬ್ಯಾನರ್ ಅಡಿಯಲ್ಲಿ ತಯಾರಾಗುತ್ತಿರುವ 'ಯಶೋದಾ' ಚಿತ್ರವನ್ನು ಶಿವಲೆಂಕ ಕೃಷ್ಣಪ್ರಸಾದ್ ನಿರ್ಮಿಸುತ್ತಿದ್ದಾರೆ. ಈ ಚಿತ್ರಕ್ಕಾಗಿ 3 ಕೋಟಿ ರೂ. ವೆಚ್ಚದ ಬೃಹತ್ ಸೆಟ್ ನಿರ್ಮಿಸಲಾಗಿದೆಯಂತೆ. ಅದರಲ್ಲೂ, ಐಷಾರಾಮಿಯಾದ ಸೆವೆನ್ ಸ್ಟಾರ್ ಹೋಟೆಲ್ ಮಾದರಿಯಲ್ಲೇ ಅದ್ದೂರಿ ಸೆಟ್ ಕೂಡ ಇದೆ. ಇದು ಚಿತ್ರದ ಪ್ರಮುಖ ಆಕರ್ಷಣೆಗಳಲ್ಲೇ ಒಂದಾಗಿದೆ ಎಂದು ಮೂಲಗಳ ಹೇಳುತ್ತಿವೆ.
'ಯಶೋದಾ' ಚಿತ್ರಕ್ಕಾಗಿ ನಿರ್ಮಿಸಲಾದ ಹೋಟೆಲ್ ರೂಪದ ಸೆಟ್ ನೋಡಿ ಸಮಂತಾ ನಿಜಕ್ಕೂ ಆಶ್ಚರ್ಯಚಕಿತರಾದ್ದಾರೆ. ಬೃಹತ್ ಸೆಟ್ ನೋಡಿದ ಸಮಂತಾ ನಾನು ಸೆಟ್‌ನಲ್ಲಿಯೇ ಇರಲು ಬಯಸುತ್ತೇನೆ ಎಂದು ಹೇಳಿದ್ದಾರಂತೆ. ಅಲ್ಲದೇ, ಒಂದೆರಡು ದಿನಗಳ ಕಾಲ ಚಿತ್ರದ ಚಿತ್ರೀಕರಣವನ್ನು ಸೆಟ್ನಲ್ಲಿ ಉಳಿದುಕೊಂಡು ಮಾಡುತ್ತೇನೆ ಎಂದಿರುವ ಸಮಂತಾ, ಮನೆಯಂತೆ ಅದ್ದೂರಿಯಾದ ಸೆಟ್ಗೆ ಬ್ಯಾಗ್ಗಳನ್ನೂ ಶಿಫ್ಟ್ ಮಾಡಿದ್ದಾರೆ ಅಂತೆ.
'ಯಶೋದಾ' ಚಿತ್ರಕ್ಕಾಗಿ ಸೆಟ್ ಹಾಕಲು ಕಲಾನಿರ್ದೇಶಕ ಅಶೋಕ್ ಕೊರಾಳತ್ ಸುಮಾರು 200 ಜನರೊಂದಿಗೆ ಮೂರು ತಿಂಗಳ ಕಾಲ ಹಗಲಿರುಳು ಶ್ರಮಿಸಿದ್ದಾರೆ. ಥ್ರಿಲ್ಲರ್ ಸಿನಿಮಾ ಎಂದು ಹೇಳಲಾಗುತ್ತಿರುವ ಈ ಚಿತ್ರದಲ್ಲಿ ಸಮಂತಾ, ಉನ್ನಿ ಮುಕುಂದನ್ ಮತ್ತು ವರಲಕ್ಷ್ಮಿ ಶರತ್‌ಕುಮಾರ್ ನಟಿಸಿದ್ದಾರೆ.
ಪ್ಯಾನ್-ಇಂಡಿಯಾ ಹಾಗೂ ಮಹಿಳಾ ಪ್ರಧಾನ ಚಿತ್ರವಾದ ಇದನ್ನು ನಿರ್ದೇಶಕರಾದ ಹರಿ ಶಂಕರ್ ಮತ್ತು ಹರೀಶ್ ನಿರ್ದೇಶನ ಮಾಡುತ್ತಿದ್ದಾರೆ. ಸಂಗೀತ ಸಂಯೋಜನೆಯನ್ನು ಮಣಿ ಶರ್ಮಾ ಮತ್ತು ಛಾಯಾಗ್ರಾಹಣವನ್ನು ಎಂ.ಸುಕುಮಾರ್ ಮಾಡುತ್ತಿದ್ದಾರೆ.
ಇದನ್ನೂ ಓದಿ: ಕೆಜಿಎಫ್ ಸಿನಿಮಾ ದಾಖಲೆಯನ್ನ ಮುರಿದ ಜೇಮ್ಸ್ ಸಿನಿಮಾ!
