ಸಿನಿ ರಸಿಕರಿಗೆ ನಿರಾಸೆ​​: ರಾಜಮೌಳಿಯ 'RRR' ಚಿತ್ರ ಬಿಡುಗಡೆ ಮತ್ತೊಮ್ಮೆ ಮುಂದೂಡಿಕೆ!

ಬಹುನಿರೀಕ್ಷಿತ ಆರ್​ಆರ್​ಆರ್​​​ ಚಿತ್ರ ಬಿಡುಗಡೆಯ ದಿನಾಂಕ ಮತ್ತೊಮ್ಮೆ ಮುಂದೂಡಿಕೆಯಾಗಿದ್ದು, ಹೊಸ ದಿನಾಂಕ ಶೀಘ್ರವಾಗಿ ಪ್ರಕಟಿಸುವುದಾಗಿ ಚಿತ್ರತಂಡ ಹೇಳಿಕೊಂಡಿದೆ.

ಮುಂಬೈ: ಬಾಹುಬಲಿ ಖ್ಯಾತಿಯ ರಾಜಮೌಳಿಯ ಬಹುನಿರೀಕ್ಷಿತ ಚಿತ್ರ RRR ಬಿಡುಗಡೆ ದಿನಾಂಕ ಮತ್ತೊಮ್ಮೆ ಮುಂದೂಡಿಕೆಯಾಗಿದೆ. ಇದರಿಂದ ಸಿನಿ ಪ್ರೀಯರಿಗೆ ಮತ್ತಷ್ಟು ನಿರಾಸೆಯಾಗಿದೆ. ಈಗಾಗಲೇ ಲಭ್ಯವಾಗಿದ್ದ ಮಾಹಿತಿ ಪ್ರಕಾರ ಚಿತ್ರ ಮುಂದಿನ ತಿಂಗಳು ಅಕ್ಟೋಬರ್​ 21ಕ್ಕೆ ರಿಲೀಸ್​ ಆಗಲಿದೆ ಎನ್ನಲಾಗಿತ್ತು. ಆದರೆ, ಇದಕ್ಕೆ ಸಂಬಂಧಿಸಿದಂತೆ ಚಿತ್ರತಂಡ ಇಂದು ಟ್ವೀಟ್ ಮಾಡಿ ಮಾಹಿತಿ ಹಂಚಿಕೊಂಡಿದೆ.

• Post production nearly done to have #RRRMovie ready by October’21.
  But as known to many, we are postponing the release but cannot announce a new date with theatres indefinitely closed.
  We will release at the earliest possible date when the world cinema markets are up and running.

  — RRR Movie (@RRRMovie) September 11, 2021 " class="align-text-top noRightClick twitterSection" data="

  Post production nearly done to have #RRRMovie ready by October’21.
  But as known to many, we are postponing the release but cannot announce a new date with theatres indefinitely closed.
  We will release at the earliest possible date when the world cinema markets are up and running.

  — RRR Movie (@RRRMovie) September 11, 2021

  ">

  Post production nearly done to have #RRRMovie ready by October’21.
  But as known to many, we are postponing the release but cannot announce a new date with theatres indefinitely closed.
  We will release at the earliest possible date when the world cinema markets are up and running.

  — RRR Movie (@RRRMovie) September 11, 2021

ಈಗಾಗಲೇ ಶೂಟಿಂಗ್​ ಹಾಗೂ ನಿರ್ಮಾಣಕ್ಕೆ ಸಂಬಂಧಿಸಿರುವ ಎಲ್ಲ ಕೆಲಸ ಮುಗಿಸಿರುವ ಆರ್​ಆರ್​ಆರ್​​​, ಅಕ್ಟೋಬರ್​ 21ರಂದು ರಿಲೀಸ್ ಮಾಡುವುದಾಗಿ ಹೇಳಿಕೊಂಡಿತ್ತು. ಆದರೆ, ಇದೀಗ ಮಾಹಿತಿ ಹಂಚಿಕೊಂಡಿರುವ ಚಿತ್ರತಂಡ, ಅಕ್ಟೋಬರ್​ ತಿಂಗಳಲ್ಲಿ ಆರ್​ಆರ್​ಆರ್​​ ಚಿತ್ರ ರಿಲೀಸ್ ಮಾಡಲು ಎಲ್ಲ ರೀತಿಯ ಸಿದ್ಧತೆ ಮಾಡಿಕೊಳ್ಳಲಾಗಿತ್ತು.

ಆದರೆ, ಸದ್ಯದ ಪರಿಸ್ಥಿತಿಯಲ್ಲಿ ಕೊರೊನಾ ವೈರಸ್​ನಿಂದ ಅನೇಕ ರೀತಿಯ ತೊಂದರೆಯಾಗಿದ್ದು, ಹೀಗಾಗಿ ಸಿನಿಮಾ ರಿಲೀಸ್ ಮುಂದೂಡಿಕೆ ಮಾಡಲಾಗಿದೆ ಎಂದು ತಿಳಿಸಿದೆ. ಮುಂದಿನ ದಿನಾಂಕ ಆದಷ್ಟ ಬೇಗ ತಿಳಿಸುವುದಾಗಿ ಟ್ವಿಟರ್​​​​ನಲ್ಲಿ ಮಾಹಿತಿ ಹಂಚಿಕೊಂಡಿದೆ.

ಕೋವಿಡ್ ಕಾರಣ ಸದ್ಯ ಬಹುತೇಕ ಎಲ್ಲ ಚಿತ್ರ ಮಂದಿರಗಳು ಬಂದ್​​ ಆಗಿದ್ದು, ಇಂತಹ ಪರಿಸ್ಥಿತಿಯಲ್ಲಿ ಸಿನಿಮಾ ರಿಲೀಸ್ ಮಾಡಲು ಸಾಧ್ಯವಿಲ್ಲ. ಚಿತ್ರ ರಿಲೀಸ್​ ಆಗುವ ಮುಂದಿನ ದಿನಾಂಕ ಈಗಲೇ ನಾವು ಪ್ರಕಟಿಸುತ್ತಿಲ್ಲ. ಎಲ್ಲವೂ ಸಹಜ ಸ್ಥಿತಿಗೆ ಬಂದ ಬಳಿಕ ಚಿತ್ರ ಬಿಡುಗಡೆಯ ದಿನಾಂಕದ ಬಗ್ಗೆ ಮಾಹಿತಿ ಹಂಚಿಕೊಳ್ಳುವುದಾಗಿ ತಿಳಿಸಿದೆ.

ಎಲ್ಲವೂ ಸರಿಯಾಗಿದಿದ್ದರೆ ಚಿತ್ರ ಜುಲೈ 30, 2020ರಲ್ಲೇ ಸಿನಿಮಾ ರಿಲೀಸ್​ ಆಗಬೇಕಾಗಿತು. ಆದರೆ, ಕೊರೊನಾ ಕಾರಣ ರಿಲೀಸ್ ದಿನಾಂಕ ಮುಂದೂಡಿಕೆ ಮಾಡಲಾಗಿತು.

ತೆಲುಗು ಸ್ವಾತಂತ್ರ್ಯ ಹೋರಾಟಗಾರರಾದ ಅಲ್ಲೂರಿ ಸೀತಾರಾಮ ರಾಜು ಮತ್ತು ಕೊಮರಾಮ್ ಭೀಮ್ ಅವರ ಜೀವನ ಆಧಾರಿತ ಚಿತ್ರ ಇದಾಗಿದೆ. ಬರೋಬ್ಬರಿ 450 ಕೋಟಿ ರೂ.ಗಳ ಬಜೆಟ್‌ನಲ್ಲಿ ಈ ಚಿತ್ರ ನಿರ್ಮಾಣ ಮಾಡಲಾಗುತ್ತಿದೆ. ತೆಲುಗು, ಹಿಂದಿ, ತಮಿಳು, ಕನ್ನಡ ಮತ್ತು ಮಲಯಾಳಂ ಭಾಷೆಗಳಲ್ಲಿ ಈ ಚಿತ್ರ ಬಿಡುಗಡೆಯಾಗಲಿದೆ. ಅತ್ಯಂತ ನಿರೀಕ್ಷೆ ಮೂಡಿಸಿರುವ ಚಿತ್ರವನ್ನ ಇದೇ ಅಕ್ಟೋಬರ್​​​​​ 21 ರಂದು ಬಿಡುಗಡೆ ಮಾಡಲು ಚಿತ್ರ ತಂಡ ನಿರ್ಧರಿಸಿತ್ತು.