ಇಂದು ಕನ್ನಡ ಚಿತ್ರರಂಗದ ರಾಕಿಂಗ್ ಸ್ಟಾರ್ ಯಶ್ ಜನ್ಮದಿನ. ಯಶ್ ಅಭಿಮಾನಿಗಳು ಸೇರಿದಂತೆ ಸಿನಿಮಾರಂಗದವರಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ. ಅಲ್ಲದೇ ನೆಚ್ಚಿನ ನಟನ ಹುಟ್ಟುಹಬ್ಬದಂದು ಫ್ಯಾನ್ಸ್ಗೆ ಕೆಜಿಎಫ್-2 ಚಿತ್ರ ತಂಡದಿಂದ ಭರ್ಜರಿ ಗಿಫ್ಟ್ ಸಿಗಲಿದೆ.
ಈ ಬಗ್ಗೆ ಕೆಜಿಎಫ್-2 ಸಿನಿಮಾ ನಿರ್ಮಾ ಸಂಸ್ಥೆಯಾದ ಹೊಂಬಾಳೆ ತನ್ನ ಅಧಿಕೃತ ಟ್ವಿಟರ್ನಲ್ಲಿ ಘೋಷಣೆ ಮಾಡಿದೆ. 'ಬೆಳಗ್ಗೆ 9 ಗಂಟೆಗೆ ಉಗ್ರ ರಾಕ್ಷಸ ನಿಮ್ಮನ್ನು ಭೇಟಿಯಾಗಲಿದ್ದಾನೆ, ಮಿಂಚಿನದಾಳಿ ಆರಂಭವಾಗಲಿ! ಎಂದು ಹೊಂಬಾಳೆ ಶುಕ್ರವಾರ ಟ್ವೀಟ್ ಮಾಡಿತ್ತು.
ಪ್ಯಾನ್ ಇಂಡಿಯಾ ಚಿತ್ರವಾಗಿ ಸಾಕಷ್ಟು ಹವಾ ಸೃಷ್ಟಿಸಿರುವ ಕನ್ನಡದ ಹೆಮ್ಮೆಯ ಚಿತ್ರ 'ಕೆಜಿಎಫ್ 2' ಬಗ್ಗೆ ಅಭಿಮಾನಿಗಳಿಗೆ ಭಾರಿ ನಿರೀಕ್ಷೆ ಇದೆ. ಚಿತ್ರ ತಂಡದಿಂದ ಅಪ್ಡೇಟ್ಗಳಿಗಾಗಿ ಕಾಯುತ್ತಿದ್ದ ಅಭಿಮಾನಿಗಳು ಇಂದಿನ ದಿನಕ್ಕಾಗಿ ಕಾಯುತ್ತಿದ್ದಾರೆ.
-
The ferocious monster will see you at 9 am tomorrow 🔥
— Hombale Films (@hombalefilms) January 7, 2022 " class="align-text-top noRightClick twitterSection" data="
Let the blitzkrieg begin! @TheNameIsYash #HBDRockingStarYash #KGFChapter2 #KGF2onApr14#NewPosterRelease
">The ferocious monster will see you at 9 am tomorrow 🔥
— Hombale Films (@hombalefilms) January 7, 2022
Let the blitzkrieg begin! @TheNameIsYash #HBDRockingStarYash #KGFChapter2 #KGF2onApr14#NewPosterReleaseThe ferocious monster will see you at 9 am tomorrow 🔥
— Hombale Films (@hombalefilms) January 7, 2022
Let the blitzkrieg begin! @TheNameIsYash #HBDRockingStarYash #KGFChapter2 #KGF2onApr14#NewPosterRelease
ಇಂದು ಯಶ್ ಜನ್ಮ ದಿನದ ನಿಮಿತ್ತ ಹೊಂಬಾಳೆ ತಂಡವು ಚಿತ್ರದ ಹೊಸ ಪೋಸ್ಟರ್ ಬಿಡುಗಡೆ ಮಾಡುವ ಸಾಧ್ಯತೆಯಿದೆ. ಪ್ರಶಾಂತ್ ನೀಲ್ ನಿರ್ದೇಶನದ ಕೆಜಿಎಫ್ ಸಿಕ್ವೆಲ್ಗೆ ಭಾರಿ ಬೇಡಿಕೆ ಇದ್ದು, ಏಪ್ರಿಲ್ 14ರಂದು ಚಿತ್ರ ಬಿಡುಗಡೆ ಆಗಲಿದೆ. ಈಗಾಗಲೇ ಯಶ್ಗೆ ನಿರ್ದೇಶಕ ಪವನ್ ಒಡೆಯರ್, ಖ್ಯಾತ ಗಾಯಕ ರಾಜೇಶ್ ಕೃಷ್ಣನ್ ಸೇರಿದಂತೆ ಹಲವರು ಜನ್ಮದಿನಕ್ಕೆ ಶುಭ ಕೋರಿದ್ದಾರೆ.
ಕಳೆದ ವರ್ಷ ಯಶ್ ಜನ್ಮದಿನಕ್ಕೆ ನಿಗದಿಯಾಗಿದ್ದ ಟೀಸರ್ ಅನ್ನು ಮುನ್ನಾ ದಿನವೇ ಬಿಡುಗಡೆ ಮಾಡಲಾಗಿತ್ತು. ಆ ಟೀಸರ್ 230ಕ್ಕೂ ಹೆಚ್ಚು ಮಿಲಿಯನ್ ವೀಕ್ಷಣೆ ಪಡೆದು ಹೊಸ ದಾಖಲೆ ಬರೆದಿದೆ.
ಇದನ್ನೂ ಓದಿ: ನೇತ್ರಾಣಿಯಲ್ಲಿ ಸ್ಕೂಬಾ ಡೈವ್ ಮಾಡಿ ಕಡಲಾಳದ ಜಗತ್ತಿನ ಅನುಭವ ಪಡೆದ ನಟ ದಿಗಂತ್
