ಸೆಪ್ಟೆಂಬರ್​​ನಲ್ಲಿ 'ದಿ ಬ್ಯಾಟ್​ಮ್ಯಾನ್'​ ಚಿತ್ರೀಕರಣ ಪುನಾರಂಭ

ಕಾಮಿಕ್ ಬುಕ್​ ಆಧಾರಿತ ಹಾಲಿವುಡ್​ನ ಬಹು ನಿರೀಕ್ಷಿತ ದಿ ಬ್ಯಾಟ್​ಮ್ಯಾನ್​ ಚಿತ್ರದ ಚಿತ್ರೀಕರಣ ಸೆಪ್ಟೆಂಬರ್​ನಲ್ಲಿ ಪುನಾರಂಭವಾಗಲಿದೆ ಎಂದು ದಿ ವೆರೈಟಿ ವರದಿ ಮಾಡಿದೆ.

ವಾಷಿಂಗ್ಟನ್ ಡಿಸಿ : ರಾಬರ್ಟ್ ಪ್ಯಾಟಿನ್ಸನ್ ಅವರ ಮುಂಬರುವ ಚಿತ್ರ 'ದಿ ಬ್ಯಾಟ್​ಮ್ಯಾನ್' ಚಿತ್ರೀಕರಣ ಸೆಪ್ಟೆಂಬರ್​​ನಲ್ಲಿ ಪುನಾರಂಭಗೊಳ್ಳಲಿದೆ.

ವೆರೈಟಿ ನಿಯತಕಾಲಿಕೆ ಪ್ರಕಾರ, ಚಿತ್ರದ ಚಿತ್ರೀಕರಣ ಯುನೈಟೆಡ್ ಕಿಂಗ್‌ಡಂನ ಲೀವ್ಸ್‌ಡೆನ್‌ನಲ್ಲಿರುವ ವಾರ್ನರ್ ಬ್ರದರ್ಸ್ ಸ್ಟುಡಿಯೋದಲ್ಲಿ ನಡೆಯಲಿದೆ. ಕಾಮಿಕ್ ಬುಕ್ ಅಡ್ವೆಂಚರ್ ಫ್ಲಿಕ್​ ಆಧಾರಿತ ಬ್ಯಾಟ್​ಮ್ಯಾನ್​ ಚಿತ್ರದ ಚಿತ್ರೀಕರಣ ಕೊರೊನಾ ಹಿನ್ನೆಲೆ ಸ್ಥಗಿತಗೊಂಡಿತ್ತು.

ಮ್ಯಾಟ್ ರೀವ್ಸ್ ನಿರ್ದೇಶನದ ಬ್ಯಾಟ್​ಮ್ಯಾನ್ ಚಿತ್ರೀಕರಣ ಕಳೆದ ಮೂರು ತಿಂಗಳಿನಿಂದ ಸ್ಥಗಿತಗೊಂಡಿತ್ತು ಎಂದು ದಿ ವೆರೈಟಿ ವರದಿ ಮಾಡಿದೆ. ಈ ವರ್ಷದ ಅಂತ್ಯದ ವೇಳೆಗೆ ಚಿತ್ರೀಕರಣ ಮುಗಿಯುವ ಸಾಧ್ಯತೆಯಿದೆ. ​

ಚಿತ್ರ ನಿರ್ಮಾಣ ಸ್ಥಗಿತಗೊಂಡ ಹಿನ್ನೆಲೆ ಚಿತ್ರದ ಥಿಯರೆಟಿಕಲ್ ಬಿಡುಗಡೆ ದಿನಾಂಕವನ್ನು ವಾರ್ನರ್ ಬ್ರದರ್ಸ್ ಸ್ಟುಡಿಯೋಸ್ ಜೂನ್ 2021 ರಿಂದ 1 ಅಕ್ಟೋಬರ್ 2021ಕ್ಕೆ ಮುಂದೂಡಿದೆ. ಬ್ಯಾಟ್‌ಮ್ಯಾನ್ ಚಿತ್ರದಲ್ಲಿ ಪಾಲ್ ಡಾನೊ, ಜಾನ್ ಟರ್ಟುರೊ, ಆಂಡಿ ಸೆರ್ಕಿಸ್, ಕಾಲಿನ್ ಫಾರೆಲ್, ಮತ್ತು ಜೊ ಕ್ರಾವಿಟ್ಜ್ ನಟಿಸಿದ್ದಾರೆ.