ರಾಜ ರವಿವರ್ಮನ ಹೆಸರನ್ನು ಯಾರು ತಾನೇ ಕೇಳಿಲ್ಲ...? ಸುಮಾರು 200 ವರ್ಷಗಳ ಹಿಂದೆ ಕೇರಳದ ತಿರುವನಂತಪುರಂ ಪ್ರಾಂತ್ಯವನ್ನು ಆಳಿದ ರವಿವರ್ಮ, ಚಿತ್ರಕಲೆಯಲ್ಲಿ ಎತ್ತಿದ ಕೈ. ಮೈಸೂರಿನ ಜಗನ್ಮೋಹನ ಅರಮನೆಯಲ್ಲಿ ರವಿವರ್ಮ ಬರೆದ 'ಗ್ಲೋ ಆಫ್ ಹೋಪ್' ಚಿತ್ರಕಲೆಯನ್ನು ನೀವು ಇಂದಿಗೂ ನೋಡಬಹುದು.
ಇದೀಗ ರಾಜ ರವಿವರ್ಮನ ಚಿತ್ರಕಲೆಗಳಿಗೆ ಮತ್ತೆ ಜೀವ ಬಂದಿದೆ. ಹೌದಾ.. ಅದು ಹೇಗೆ ಅಂತೀರಾ..? ತಮಿಳಿನ ಖ್ಯಾತ ಫೋಟೋಗ್ರಾಫರ್ ಜಿ. ವೆಂಕಟ್ರಾಮ್ ಅವರ ಪರಿಕಲ್ಪನೆಯಿಂದ ಮತ್ತೊಮ್ಮೆ ಎಲ್ಲರೂ ರವಿವರ್ಮನನ್ನು ನೆನಪಿಸಿಕೊಳ್ಳುವಂತಾಗಿದೆ. ಖ್ಯಾತ ನಟಿಯರಾದ ಸಮಂತಾ ಅಕ್ಕಿನೇನಿ, ಖಷ್ಬೂ, ಶೃತಿ ಹಾಸನ್, ಐಶ್ವರ್ಯ ರಾಜೇಶ್, ಲಕ್ಷ್ಮಿ ಮಂಚು, ಶೋಭನಾ, ರಮ್ಯಕೃಷ್ಣನ್ ಹಾಗೂ ಇನ್ನಿತರರು ರವಿವರ್ಮನ ಚಿತ್ರಕಲೆಯ ಜೀವಂತ ಗೊಂಬೆಗಳಾಗಿ ಮಾರ್ಪಟ್ಟಿದ್ದಾರೆ. ರವಿವರ್ಮನ ಖ್ಯಾತ ಪೇಯ್ಟಿಂಗ್ಗಳಾದ ದೇರ್ ಕಮ್ಸ್ ಪಾಪಾ, ಮಹಾರಾಣಿ ಭರಣಿ ತಿರುನಲ್ ಲಕ್ಷ್ಮಿಬಾಯಿ, ದಮಯಂತಿ ಟಾಕಿಂಗ್ ಟು ಸ್ವಾನ್, ದಿ ಮಹಾರಾಷ್ಟ್ರಿಯನ್ ಲೇಡಿ, ವುಮನ್ ಹೋಲ್ಡಿಂಗ್ ಎ ಫ್ರೂಟ್ ಹಾಗೂ ಇನ್ನಿತರ ಪೇಯ್ಟಿಂಗ್ಗಳನ್ನು ಜಿ. ವೆಂಕಟ್ರಾಮ್ ಅವರು ಪೋಟೋಗ್ರಫಿ ಮೂಲಕ ಮರುಸೃಷ್ಟಿಸಿದ್ದಾರೆ.
ನಟಿಯರ ಹೇರ್ಸ್ಟೈಲ್, ಮುಖಭಾವ, ಪೋಟೋಶೂಟ್ಗಾಗಿ ಹಾಕಲಾಗಿರುವ ಸೆಟ್ ಎಲ್ಲವೂ ರವಿವರ್ಮನ ಚಿತ್ರಕಲೆಯನ್ನು ಹೋಲುತ್ತಿದೆ. 2020 ರ ಕ್ಯಾಲೆಂಡರ್ಗಾಗಿ ಜಿ. ವೆಂಕಟರಾಮ್ ಈ ಫೋಟೋಗ್ರಫಿ ಮಾಡಿದ್ದು ಶೀಘ್ರದಲ್ಲೇ ಈ ಕ್ಯಾಲೆಂಡರ್ ಬಿಡುಗಡೆಯಾಗಲಿದೆ. ಜಿ. ವೆಂಕಟರಾಮ್ ಅವರ ಈ ಐಡಿಯಾಗೆ ಚಿತ್ರರಂಕಕ್ಕೆ ಚಿತ್ರರಂಗವೇ ಫಿದಾ ಆಗಿದ್ದು ಈ ಫೋಟೋಗಳು ಇದೀಗ ಇಂಟರ್ನೆಟ್ನಲ್ಲಿ ಹರಿದಾಡುತ್ತಿವೆ.
