ಹಬ್ಬಗಳು ಬಂತು ಅಂದ್ರೆ ಎಲ್ಲಾ ಮನೆಯಲ್ಲಿ ಸಡಗರ ಸಂಭ್ರಮದ ಜೊತೆ ಸಿಹಿ ಭಕ್ಷ್ಯಗಳ ಭೋಜನ ಇದ್ದೇ ಇರುತ್ತದೆ. ಸಿನಿ ತಾರೆಯರ ಮನೆಯಲ್ಲಂತೂ ಕೇಳಂಗೇ ಇಲ್ಲ. ಹೊಸ ಉಡುಪು ತೊಟ್ಟು, ಸಿಹಿ ಹಂಚಿ, ಮನೆ ಮಂದಿ ಎಲ್ಲ ನಲಿದು ಹಬ್ಬದ ಮೆರುಗನ್ನು ಹೆಚ್ಚಿಸುತ್ತಾರೆ. ಆದ್ರೆ, ಈ ದೀಪಾವಳಿಯಂದು ನಟಿ ರಶ್ಮಿಕಾ ಮಂದಣ್ಣಗೆ ರಾಮ್ ಚರಣ್ ಪತ್ನಿ ಉಪಾಸನಾ ಕಾಮಿನೇನಿ ಹಲ್ವಾ ತಿನ್ನಿಸಿದ್ದಾರೆ.
ಅರೇ ಏನಿದು ಹಲ್ವಾ ತಿನ್ಸಿದ್ರಾ ಅಂತಾ ಶಾಕ್ ಆಗ್ಬೇಕಿಲ್ಲ.. ಉಪಾಸನಾ ತಮ್ಮ ಯೂಟ್ಯೂಬ್ ಚಾನೆಲ್ನಲ್ಲಿ ಕ್ಯಾರೆಟ್ ಹಲ್ವಾ ಮಾಡೋದನ್ನ ವೀಕ್ಷಕರಿಗೆ ಹೇಳಿಕೊಟ್ಟಿದ್ದಾರೆ. ದೀಪಾವಳಿ ಹಿನ್ನೆಲೆಯಲ್ಲಿ ಉಪಾಸನ ಯೂಟ್ಯೂಬ್ ಕಾರ್ಯಕ್ರಮಕ್ಕೆ ಅತಿಥಿಯಾಗಿ ಆಗಿಮಿಸಿದ್ದ ರಶ್ಮಿಕಾ ಮಂದಣ್ಣ, ಉಪಾಸನಾ ಜೊತೆ ಸೇರಿ ಹಲ್ವಾ ಮಾಡಿ ತಿಂದು ಎಂಜಾಯ್ ಮಾಡಿದ್ದಾರೆ.
ಹಲ್ವಾ ಮಾಡುತ್ತ ಮಾತನಾಡಿರುವ ರಶ್ಮಿಕಾ, ತಮ್ಮ ವರ್ಕೌಟ್ ಬಗ್ಗೆ ತಿಳಿಸಿದ್ದಾರೆ. ವಾರಪೂರ್ತಿ ಜಿಮ್ನಲ್ಲಿ ವರ್ಕೌಟ್ ಮಾಡಿ ಭಾನುವಾರ ತಮಗೆ ಇಷ್ಟಾವಾದದ್ದನ್ನೆಲ್ಲ ತಿನ್ನುತ್ತಾರಂತೆ. ಉಳಿದ ದಿನ ಡಯಟ್ನಲ್ಲಿದ್ದು, ಭಾನುವಾರ ತಿಂದಿದ್ದನ್ನು ಕರಗಿಸುತ್ತಾರಂತೆ.
ಈ ಇಬ್ಬರು ಸೆಲೆಬ್ರಿಟಿಗಳು ಕ್ಯಾರೆಟ್ ಹಲ್ವಾ ಮಾಡಿದ್ದು, ಆ ಹಲ್ವಾವನ್ನು ಉಪಾಸನಾ ರಶ್ಮಿಕಾಗೆ ತಿನ್ನಿಸಿದ್ದು ದೀಪಾವಳಿ ಶುಭಾಶಯ ತಿಳಿಸಿದ್ದಾರೆ.
