ಕನ್ನಡಕ್ಕಿಂತ ತೆಲುಗು ಚಿತ್ರಗಳಲ್ಲಿಯೇ ಹೆಚ್ಚು ತೊಡಗಿಸಿಕೊಂಡಿರುವ ಈ ಚಮಕ್ ಚೆಲುವೆಗೆ ಕಾಲಿವುಡ್ನಿಂದಲೂ ಸಿಕ್ಕಾಪಟ್ಟೆ ಕರೆ ಬರುತ್ತಿವೆ. ಈಗಾಗಲೇ ತಮಿಳು ನಟ ಕಾರ್ತಿ ಅವರ ಚಿತ್ರದಲ್ಲಿ ರಶ್ಮಿಕಾ ನಟಿಸುತ್ತಿದ್ದಾರೆ. ಇದೀಗ ದಳಪತಿ ವಿಜಯ್ ಅವರ ಮುಂದಿನ ಚಿತ್ರಕ್ಕೆ ರಶ್ಮಿಕಾ ಅವರನ್ನೇ ಹಾಕಿಕೊಳ್ಳಲು ಚಿತ್ರತಂಡ ಮುಂದಾಗಿದೆಯಂತೆ. ಈ ಬಗ್ಗೆ ಒಂದು ಸುತ್ತಿನ ಮಾತುಕಥೆ ಕೂಡ ನಡೆದಿದೆಯಂತೆ. ಆದರೆ, ಈ ಆಫರ್ಗೆ ನೋ ಎಂದಿದ್ದಾರಂತೆ ರಶ್ಮಿಕಾ.
ಕಾಲಿವುಡ್ ಸೂಪರ್ ಸ್ಟಾರ್ ವಿಜಯ್ ಜತೆ ರಶ್ಮಿಕಾ ಮಂದಣ್ಣ ನಟಿಸಲು ಒಪ್ಪಿಕೊಳ್ಳದಿರಲು ಕಾರಣ ಡೇಟ್ ಹೊಂದಾಣಿಕೆಯ ಸಮಸ್ಯೆಯಂತೆ. ಈ ದಂತದ ಬೊಂಬೆ ಈಗಾಗಲೇ ಟಾಲಿವುಡ್ ಪ್ರಿನ್ಸ್ ಮಹೇಶ್ ಬಾಬು ಅವರ 'ಸರಿಲೇರು ನಿಕ್ಕೆವರು', ನಿತೀನ್ ಅವರ 'ಭೀಷ್ಮ' ಹಾಗೂ ಅಲ್ಲು ಅರ್ಜುನ್ ಅವರ ಹೊಸ ಚಿತ್ರವೊಂದಕ್ಕೆ ಸೈನ್ ಮಾಡಿದ್ದಾರೆ. ಹೀಗೆ ಕೈತುಂಬ ಅವಕಾಶ ಇಟ್ಟಿಕೊಂಡಿರುವ ರಶ್ಮಿಕಾ, ವಿಜಯ್ ಅವರ ಚಿತ್ರಕ್ಕೆ ಒಪ್ಪಿಕೊಂಡಿಲ್ಲವಂತೆ.
ಇನ್ನು ಈ ಹಿಂದೆ ವಿಜಯ್ ಚಿತ್ರಕ್ಕೆ ರಶ್ಮಿಕಾ ನಾಯಕಿಯಾಗಿ ನಟಿಸಲಿದ್ದಾರೆ ಅನ್ನೋ ಸುದ್ದಿ ಕೇಳಿ ಬಂದಿತ್ತು. ಅಂದು ಸ್ವತಃ ರಶ್ಮಿಕಾ ಅವರೇ ಈ ಬಗ್ಗೆ ಸ್ಪಷ್ಟನೆ ನೀಡಿ, ವಿಜಯ್ ಸಿನಿಮಾಗಳಿಂದ ನಂಗೆ ಆಫರ್ ಬಂದಿಲ್ಲ. ಒಂದು ವೇಳೆ ಅವಕಾಶ ಬಂದರೆ ಖಂಡಿತವಾಗಿಯೂ ನಟಿಸುತ್ತೇನೆ ಎಂದಿದ್ದರು.
