ಡಲ್ಗೋನಾ ಕಾಫಿ ಸವಾಲು ಸ್ವೀಕರಿಸಿದ ರಾಕೇಶ್ ಮಯ್ಯ... ಏನೀ ಚಾಲೆಂಜ್​​​​​

ಲಾಕ್​​ಡೌನ್ ನಿಂದಾಗಿ ಎಲ್ಲರೂ ಮನೆಯಲ್ಲಿ ಕೂರುವಂತಾಗಿದೆ. ಆದರೆ ಈ ಸಮಯದಲ್ಲಿಯೂ ನಾನಾ ಬಗೆಯ ಚಾಲೆಂಚ್ ಮಾಡುವುದರ ಮೂಲಕ ಜನರು ಸಾಮಾಜಿಕ ಜಾಲತಾಣದಲ್ಲಿ ಆ್ಯಕ್ಟೀವ್ ಆಗಿದ್ದಾರೆ. ಇತ್ತೀಚೆಗೆ ಸುದ್ದಿಯಾದ ಚಾಲೆಂಜ್ ಗಳ ಪೈಕಿ ಡಲ್ಗೋನಾ ಕಾಫಿಯೂ ಒಂದು.

ಬೆಂಗಳೂರು: ಡಲ್ಗೋನಾ ಕಾಫಿಯನ್ನು ಮಾಡಿ ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್ ಲೋಡ್ ಮಾಡಿದರೆ ಚಾಲೆಂಜ್ ಗೆದ್ದಂತೆ! ಅಂದ ಹಾಗೇ ಮಗಳು ಜಾನಕಿ ಧಾರಾವಾಹಿಯ ನಿರಂಜನ್ ಪಾತ್ರಧಾರಿ ರಾಕೇಶ್ ಮಯ್ಯ ಅವರು ಕೂಡಾ ಇದೀಗ ಡಲ್ಗೋನಾ ಕಾಫಿ ಮಾಡಿದ್ದಾರೆ‌. ಕಾಮಿಡಿ ವರ್ಷನ್ ನಲ್ಲಿ ರಾಕೇಶ್ ಅವರು ಕಾಫಿ ಮಾಡಿದ್ದು ಇಡೀ ಯೂ ಟ್ಯೂಬ್ ನಲ್ಲಿ ಹರಿದಾಡುತ್ತಿದೆ.

https://youtu.be/ieG5NU4pmAo

ಲಾಲ್ಬಾಗ್​ ಎಂಬ ಸ್ಟಾಂಡ್ ಅಪ್ ಕಾಮಿಡಿ ತಂಡದೊಂದಿಗೆ ಸೇರಿದ ರಾಕೇಶ್ ಮಯ್ಯ ಡಲ್ಗೋನಾ ಕಾಫಿ ಮಾಡಿರುವ ವಿಡಿಯೋ ಈಗಾಗಲೇ ಹನ್ನೊಂದು ಸಾವಿರಕ್ಕೂ ಹೆಚ್ಚು ವೀಕ್ಷಣೆ ಪಡೆದಿದೆ. ಈ ವಿಡಿಯೋ ವೀಕ್ಷಕರ ಮೆಚ್ಚುಗೆಗೆ ಕೂಡಾ ಪಾತ್ರವಾಗಿದ್ದು, ಲಾಕ್ ಡೌನ್​ನಲ್ಲಿ ನೆಟ್ಟಿಗರಿಗೆ ಸಾಕಷ್ಟು ಮನರಂಜನೆ ನೀಡಿದೆ‌.

ಡಲ್ಗೊನಾ ಕಾಫಿ ಚಾಲೆಂಜ್ ಅಕ್ಸೆಪ್ಪ್​​ ಮಾಡಿದ ರಾಕೇಶ್ ಮಯ್ಯ

ಡಲ್ಗೋನಾ ಕಾಫಿ ತಯಾರಿಸುವಾಗ ಕಾಫಿ ಪುಡಿ ಹಾಕಿದಾಗ ನೊರೆ ಬಾರದ ಕಾರಣ ಶೇವಿಂಗ್ ಕ್ರೀಮ್ ರಾಕೇಶ್ ಮಯ್ಯ ಹಾಕಿದ್ದು ಹಾಸ್ಯಮಯವಾದ ವಿಡಿಯೋವನ್ನ ವೀಕ್ಷಕರು ಒಪ್ಪಿಕೊಂಡಿದ್ದಾರೆ‌.