ರಾಘವೇಂದ್ರ ರಾಜ್​​​ಕುಮಾರ್ 'ರಾಜತಂತ್ರ'ಕ್ಕೆ 'ಯುವರತ್ನ'ನ ಸಾಥ್

'ರಾಜತಂತ್ರ' ಚಿತ್ರದ ಟೀಸರ್ ​​ರಿಲೀಸ್​ ಆಗಿದ್ದು, ಪುನೀತ್​​ ರಾಜ್​ಕುಮಾರ್​​ ಟೀಸರ್​​​ ಬಿಡುಗಡೆ​​​​​ ಮಾಡಿದ್ದಾರೆ.

'ಅಮ್ಮನ ಮನೆ' ಸಿನಿಮಾ ಮೂಲಕ ಕನ್ನಡ ಚಿತ್ರರಂಗದಲ್ಲಿ ಬೇಡಿಕೆ ಹೆಚ್ಚಿಸಿಕೊಂಡಿರುವ ನಟ ರಾಘವೇಂದ್ರ ರಾಜ್ ಕುಮಾರ್ ಸದ್ಯ 'ರಾಜತಂತ್ರ' ಚಿತ್ರದಲ್ಲಿ ಬ್ಯುಸಿ ಇದ್ದಾರೆ. ರಾಜತಂತ್ರ ಚಿತ್ರದ ಟೀಸರ್ ​​ರಿಲೀಸ್​ ಆಗಿದ್ದು, ಪುನೀತ್​​ ರಾಜ್​ಕುಮಾರ್​​ ಲಾಂಚ್​​​​​ ಮಾಡಿದ್ದಾರೆ.

ಬಳಿಕ ಮಾತನಾಡಿರುವ ಅಪ್ಪು, ರಾಜತಂತ್ರ ಚಿತ್ರದಲ್ಲಿ ರಾಘವೇಂದ್ರ ರಾಜ್‌ಕುಮಾರ್ ಫೈಟ್ ಮಾಡಿರೋ ಸನ್ನಿವೇಶ ನನಗೆ ತುಂಬಾ ಇಷ್ಟ ಆಯ್ತು ಎಂದಿದ್ದಾರೆ. ಈ ಸಿನಿಮಾ ಮೂಲಕ ರಾಘವೇಂದ್ರ ರಾಜ್​​ಕುಮಾರ್ ಮೊದಲ ಬಾರಿಗೆ ನಿವೃತ್ತ ಯೋಧನ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ರಾಘಣ್ಣನ ಜೊತೆ ಹಿರಿಯ ನಟಿ ಭವ್ಯ, ಶ್ರೀನಿವಾಸ್ ಮೂರ್ತಿ, ದೊಡ್ಡಣ್ಣ, ಶಂಕರ್ ಅಶ್ವಥ್, ನೀನಾಸಂ ಅಶ್ವಥ್ ಸೇರಿದಂತೆ ಬಹುದೊಡ್ಡ ತಾರಾಬಳಗವೇ ಇದೆ.

ಜೆ.ಎಂ.ಪ್ರಹ್ಲಾದ್ ಈ ಚಿತ್ರಕ್ಕೆ ಕಥೆ ಮತ್ತು ಚಿತ್ರಕಥೆ ಬರೆದಿದ್ದಾರೆ. ವಿಶ್ವಂ ಡಿಜಿಟಲ್ ಮೀಡಿಯಾ ಬ್ಯಾನರ್‌ನಲ್ಲಿ ಸಿನಿಮಾ ನಿರ್ಮಾಣವಾಗುತ್ತಿದೆ. ಚಿತ್ರಕ್ಕೆ ಪಿವಿಆರ್ ಸ್ವಾಮಿ ನಿರ್ದೇಶನ ಮಾಡಿದ್ದಾರೆ. ಇನ್ನು ಹೊಸ ವರ್ಷಕ್ಕೆ ರಾಜತಂತ್ರ ಸಿನಿಮಾ ಬಿಡುಗಡೆ ಆಗಲಿದೆ‌.

• " class="align-text-top noRightClick twitterSection" data="">