ಹೌದು ಉಗ್ರಂ ಚಿತ್ರದ ಮೂಲಕ ಶ್ರೀ ಮುರುಳಿಗೆ ಬಿಗ್ ಬ್ರೇಕ್ ನೀಡಿದ್ದ ನಿರ್ದೇಶಕ ಪ್ರಶಾಂತ್ ನೀಲ್, ಕೆಜಿಎಫ್ 2 ನಂತರ ಶ್ರೀ ಮುರುಳಿ ಜೊತೆ "ಉಗ್ರಂ ವೀರಂ" ಚಿತ್ರ ಮಾಡುವುದಾಗಿ ಹೇಳಿದ್ರು. ಆದ್ರೆ, ಉಗ್ರಂ ವೀರಂಗೂ ಮೊದಲೇ ಭಾವ ಬಾಮೈದ ಮತ್ತೆ ಒಂದಾಗ್ತಿದ್ದಾರೆ. ಬಾವ ಶ್ರೀಮುರುಳಿಗಾಗಿ ಪ್ರಶಾಂತ್ ನೀಲ್ ಚಿತ್ರ ನಿರ್ಮಾಣಕ್ಕೆ ಮುಂದಾಗಿದ್ದಾರೆ. ವಿಶೇಷ ಅಂದ್ರೆ ಈ ಚಿತ್ರಕ್ಕೆ ಪ್ರಶಾಂತ್ ನೀಲ್ ಕಥೆ ಬರೆದಿದ್ದಾರೆ. ಆದರೆ, ಈ ಚಿತ್ರಕ್ಕೆ ಈ ಹಿಂದೆ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಲಕ್ಕಿ ಚಿತ್ರಕ್ಕೆ ನಿರ್ದೇಶನ ಮಾಡಿದ್ದ ಡಾ.ಸೂರಿ ಆ್ಯಕ್ಷನ್ ಕಟ್ ಹೇಳಲಿದ್ದಾರೆ.
ಸ್ವರ್ಣಲತಾ ಪ್ರೊಡಕ್ಷನ್ನಲ್ಲಿ ನಿರ್ದೇಶಕ ಪ್ರಶಾಂತ ನೀಲ್ ಚಿತ್ರ ನಿರ್ಮಾಣ ಮಾಡುತ್ತಿದ್ದು, ಅಧಿಕೃತವಾಗಿ ಡಿ.17ಕ್ಕೆ ಶ್ರೀಮುರುಳಿ ಹುಟ್ಟು ಹಬ್ಬದಂದು ಅನೌನ್ಸ್ ಮಾಡಲು ಪ್ಲಾನ್ ಮಾಡಿದ್ದಾರೆ. ಚಿತ್ರಕ್ಕೆ ಟೈಟಲ್ ಇನ್ನೂ ಫಿಕ್ಸ್ ಆಗಿಲ್ಲ ಎಂದು ನಿರ್ದೇಶಕ ಸೂರಿ ತಿಳಿಸಿದ್ದಾರೆ. ಇನ್ನೂ 2021ಕ್ಕೆ ಚಿತ್ರ ಸೆಟ್ಟೆರೋ ಸಾಧ್ಯತೆ ಇದೆ. ಸದ್ಯ ಶ್ರೀ ಮುರುಳಿ ಅಯೋಗ್ಯ ಚಿತ್ರದ ನಿರ್ದೇಶಕ ಮಹೇಶ್ ಚಿತ್ರಕ್ಕಾಗಿ ರೆಡಿಯಾಗ್ತಿದ್ದಾರೆ. ಈ ಚಿತ್ರ ಕಂಪ್ಲೀಟ್ ಆದ ಮೇಲೆ ಪ್ರಶಾಂತ್ ನೀಲ್ ಚಿತ್ರ ಶುರುವಾಗಲಿದೆ. ಇದಾದ ಬಳಿಕ ಶ್ರೀ ಮುರುಳಿ ಹಾಗೂ ಪ್ರಶಾಂತ್ ನೀಲ್ ಕಾಂಬಿನೇಷನ್ ನಲ್ಲಿ 'ಉಗ್ರಂ ವೀರಂ' ರೆಡಿಯಾಗಲಿದೆ.
