ಇನ್​​ಸ್ಪೆಕ್ಟರ್ ವಿಕ್ರಂ ಸಿನಿಮಾ ಬಳಿಕ ಮತ್ತೆ ಖಾಕಿ ತೊಟ್ಟ ಪ್ರಜ್ವಲ್ ದೇವರಾಜ್..

ಪ್ರಜ್ವಲ್ ದೇವರಾಜ್ ಇನ್​​​ಸ್ಪೆಕ್ಟರ್​ ವಿಕ್ರಂ ಸಿನಿಮಾದ ನಂತರ ಮತ್ತೆ 'ಮಾಫಿಯಾ' ಸಿನಿಮಾದಲ್ಲಿ ಖಾಕಿ ಹಾಕಿ ಅಬ್ಬರಿಸಲು ರೆಡಿಯಾಗುತ್ತಿದ್ದಾರೆ. ಈ ಚಿತ್ರದ ಮೊದಲ ಪೋಸ್ಟರ್​ನ್ನ ಚಿತ್ರತಂಡ ಅನಾವರಣ ಮಾಡಿದೆ. ಡಿ ಸತ್ಯನಾರಾಯಣ ಎಂಬ ಪೊಲೀಸ್ ಅಧಿಕಾರಿ ಪಾತ್ರವನ್ನು ಪ್ರಜ್ವಲ್ ದೇವರಾಜ್ ಈ ಸಿನಿಮಾದಲ್ಲಿ ಮಾಡಲಿದ್ದಾರೆ.

ಜಂಟಲ್​ಮ್ಯಾನ್​, ಇನ್​​​ಸ್ಪೆಕ್ಟರ್​ ವಿಕ್ರಂ ಚಿತ್ರಗಳ ಯಶಸ್ಸಿನ ಬಳಿಕ ಕನ್ನಡ ಚಿತ್ರರಂಗದಲ್ಲಿ ಸ್ಟಾರ್ ವ್ಯಾಲ್ಯೂ ಹೆಚ್ಚಿಸಿಕೊಂಡಿರುವ ನಟ ಪ್ರಜ್ವಲ್ ದೇವರಾಜ್. ಇನ್​​ಸ್ಪೆಕ್ಟರ್ ವಿಕ್ರಂ ಚಿತ್ರದ ನಂತರ, ಪ್ರಜ್ವಲ್ ದೇವರಾಜ್ ಮತ್ತೆ 'ಮಾಫಿಯಾ' ಸಿನಿಮಾದಲ್ಲಿ ಖಾಕಿ ಹಾಕಿ ಅಬ್ಬರಿಸಲು ಸಜ್ಜಾಗುತ್ತಿದ್ದಾರೆ.

ಈ ಚಿತ್ರದ ಮೊದಲ ಪೋಸ್ಟರ್​ನ್ನ ಚಿತ್ರತಂಡ ಅನಾವರಣ ಮಾಡಿದ್ದು, ಡಿ ಸತ್ಯನಾರಾಯಣ ಎಂಬ ಪೊಲೀಸ್ ಅಧಿಕಾರಿ ಪಾತ್ರವನ್ನು ಪ್ರಜ್ವಲ್ ದೇವರಾಜ್ ಮಾಡಿದ್ದಾರೆ. ವೀರಂ ಚಿತ್ರದ ಪಾತ್ರಕ್ಕಾಗಿ ಪ್ರಜ್ವಲ್​ ದೇವರಾಜ್ ಉದ್ದ ಕೂದಲನ್ನು ಸಹ ಬಿಟ್ಟಿದ್ದರು.

'ಮಾಫಿಯಾ ಸಿನಿಮಾ'ದ ಮೊದಲ ಪೋಸ್ಟರ್ ಅನಾವರಣ

'ಮಾಫಿಯಾ' ಚಿತ್ರಕ್ಕಾಗಿ ಶಾರ್ಟ್ ಹೆರ್ ಕಟ್ ಮಾಡಿಸಿ ಪೊಲೀಸ್ ಪಾತ್ರಕ್ಕೆ ರೆಡಿಯಾಗಿದ್ದಾರೆ. ಈ ಹಿಂದೆ ಮಮ್ಮಿ, ದೇವಕಿ ಸಿನಿಮಾಗಳ ಮೂಲಕ ಪ್ರಖ್ಯಾತಿ ಗಳಿಸಿರುವ ನಿರ್ದೇಶಕ ಲೋಹಿತ್. ಎಚ್ ಈ ಮಾಫಿಯಾ ಸಿನಿಮಾಗೆ ಆ್ಯಕ್ಷನ್​ ಕಟ್​ ಹೇಳುತ್ತಿದ್ದಾರೆ. ಇದು ಪ್ರಜ್ವಲ್​ ದೇವರಾಜ್​ ಅವರ ನಟನೆಯ 35ನೇ ಚಿತ್ರವಾಗಿದೆ. ಪ್ರಜ್ವಲ್​ಗೆ​ ಜೋಡಿಯಾಗಿ ಅದಿತಿ ಪ್ರಭುದೇವ ಕಾಣಿಸಿಕೊಳ್ಳಲಿದ್ದಾರೆ. ಕುಮಾರ್ ಫಿಲಂಸ್ ಲಾಂಛನದಲ್ಲಿ ಕುಮಾರ್ ಬಿ. ಅವರು ಈ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದಾರೆ.

ಇದನ್ನೂ ಓದಿ: ಬಹುಕಾಲದ ಗೆಳೆಯನ ಜೊತೆ ಮದುವೆಯಾದ ರತ್ನನ್ ಪ್ರಪಂಚ ಚಿತ್ರದ ಬೆಡಗಿ ರೆಬಾ..

ಅನೂಪ್ ಸೀಳಿನ್ ಸಂಗೀತ ನಿರ್ದೇಶನ ಮಾಡುತ್ತಿದ್ದು, ಟಗರು, ಸಲಗ ಮುಂತಾದ ಚಿತ್ರಗಳಿಗೆ ಸಂಭಾಷಣೆ ಬರೆದು ಗಮನ ಸೆಳೆದಿದ್ದ ಮಾಸ್ತಿ ಅವರು ಮಾಫಿಯಾ ಚಿತ್ರಕ್ಕೂ ಡೈಲಾಗ್​ ಬರೆಯುತ್ತಿದ್ದಾರೆ. ಈ ಸಿನಿಮಾಗೆ ತರುಣ್ ಕ್ಯಾಮರಾ ವರ್ಕ್ ಮಾಡಲಿದ್ದಾರೆ. ಸದ್ಯ ಮಾಫಿಯಾ ಚಿತ್ರದಲ್ಲಿ ಮೊದಲ ಪಾತ್ರದ ಕ್ಯಾರೆಕ್ಟರ್​​ನ್ನ ಚಿತ್ರತಂಡ ಬಿಡುಗಡೆ ಮಾಡಿದೆ. ಇದೇ ಜನವರಿ 24ಕ್ಕೆ ಮಾಫಿಯಾ ಚಿತ್ರದ ಮತ್ತಷ್ಟು ಪಾತ್ರಗಳನ್ನ ಅನಾವರಣ ಮಾಡಲು ಚಿತ್ರತಂಡ ಪ್ಲಾನ್ ಮಾಡಿದೆ.