ನೀನಾಸಂ ಸತೀಶ್ ಪಾಲಿಗೆ 'ಚಂಬಲ್' ವಿಶೇಷವಾದ ಸಿನಿಮಾ ಎನಿಸಿದೆ. ಈ ಸಿನಿಮಾದಲ್ಲಿ ಸತೀಶ್ ಹಿಂದೆಂದೂ ಅಭಿನಯಿಸಿರದ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಸಿನಿಮಾ ಇದೇ ಶುಕ್ರವಾರ ತೆರೆ ಕಾಣುತ್ತಿದ್ದು, ಪೊಗರು ಹುಡುಗ ಧ್ರುವಸರ್ಜಾ ಚಿತ್ರತಂಡಕ್ಕೆ ಶುಭ ಕೋರಿದ್ದಾರೆ. 'ಇದೇ 22 ರಂದು ಚಂಬಲ್ ಸಿನಿಮಾ ಬಿಡುಗಡೆಯಾಗುತ್ತಿದೆ. ನನ್ನ ಸ್ನೇಹಿತ ಸತೀಶ್ ಈ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ. ಇಡೀ ಚಿತ್ರತಂಡಕ್ಕೆ ಆಲ್ ದಿ ಬೆಸ್ಟ್. ಎಲ್ಲರೂ ಸಿನಿಮಾ ನೋಡಿ ಆಶೀರ್ವಾದ ಮಾಡಿ' ಎಂದು ಧ್ರುವ ಮನವಿ ಮಾಡಿದ್ದಾರೆ.
ಚಂಬಲ್ ಚಿತ್ರಕ್ಕೆ ಧ್ರುವಸರ್ಜಾ ವಿಶ್
ಇದುವರೆಗೂ ಹಳ್ಳಿ ಸೊಗಡಿನ ಚಿತ್ರಗಳಲ್ಲಿ ಹೆಚ್ಚು ಕಾಣಿಸಿಕೊಂಡಿದ್ದ ಸತೀಶ್ ಇದೇ ಮೊದಲ ಬಾರಿಗೆ ಖಡಕ್ ಐಎಎಸ್ ಅಧಿಕಾರಿಯಾಗಿ ನಟಿಸಿರುವುದು ಸಿನಿಮಾದ ವಿಶೇಷ. ಇದರಲ್ಲಿ ಅವರ ಮ್ಯಾನರಿಸಂ ಸಂಪೂರ್ಣ ಡಿಫರೆಂಟ್ ಆಗಿದೆ ಎನ್ನಲಾಗಿದೆ. 'ಸವಾರಿ' ಹಾಗೂ 'ಪೃಥ್ವಿ' ಚಿತ್ರಗಳನ್ನು ನಿರ್ದೇಶಿಸಿದ್ದ ಜೇಕಬ್ ವರ್ಗೀಸ್ 'ಚಂಬಲ್' ಸಿನಿಮಾವನ್ನು ನಿರ್ದೇಶಿಸಿದ್ದಾರೆ.
