ಬಿಗ್ಬಾಸ್ ಅಂದ್ರೆ ಹಾಗೆನೇ. ಏನೋ ಒಂಥರಾ ಟೆನ್ಷನ್, ಕುತೂಹಲ, ಹೊಸತನ, ಹೊಸ ಜನ ಎಲ್ಲವೂ ಒಟ್ಟೊಟ್ಟಿಗೆ ಇರುತ್ತದೆ. ಈ ಟೆನ್ಷನ್ ಮತ್ತೆ ಶುರುವಾಗಲಿದ್ದು, ಇದೇ ಭಾರನುವಾರ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಾರಂಭವಾಗಲಿದೆ.
ಈ ಬಿಗ್ಬಾಸ್ನಲ್ಲಿ ಮುಖ್ಯವಾಗಿ ಅಟ್ರ್ಯಾಕ್ಟ್ ಆಗೋದು ಅಂದ್ರೆ ಶನಿವಾರ ಮತ್ತು ಭಾನುವಾರ ಬರುವ ಕಿಚ್ಚ ಸುದೀಪ್, ಇವರ ಮಾತು, ಸ್ಟೈಲ್, ಕಂಟೆಸ್ಟೆಂಟ್ಗಳ ಕಾಲೆಳೆಯುವ ಅವರ ಆ ಶೈಲಿ ಎಲ್ಲರಿಗೂ ಇಷ್ಟವಾಗುತ್ತದೆ.
ಬಿಗ್ ಮನೆಗೆ ಯಾರೇ ಬರಲಿ ಯಾರೇ ಹೊರಗಡೆ ಹೋಗ್ಲಿ. ಆದ್ರೆ ಆ ಮನೆಯಲ್ಲಿ ಯಾವಾಗ್ಲೂ ಒಬ್ಬರು ಇದ್ದೇ ಇರ್ತಾರೆ. ಅವರೇ ಕಿಚ್ಚ ಸುದೀಪ್. ಕಳೆದ ಏಳು ಸೀಸನ್ಗಳಲ್ಲಿಯೂ ಸುದೀಪ್ ಗೈಡ್ ಆಗಿ ಕೆಲಸ ಮಾಡಿದ್ದಾರೆ. ನಮ್ಮ ತಂಡಕ್ಕೆ ಒಳ್ಳೆ ಕ್ರಿಯೇಟಿವ್ ಐಡಿಯಾಗಳನ್ನು ಕೊಟ್ಟು, ಒಬ್ಬ ನಟನಾಗಿ, ನಿರ್ದೇಶಕನಾಗಿ ನಿಂತು ಈ ಶೋ ಚೆನ್ನಾಗಿ ಮೂಡಿ ಬರುಲು ಕಾರಣರಾಗಿದ್ದಾರೆ ಎಂದು ಗುಂಡ್ಕಲ್ ಹೇಳಿದ್ರು. ಇದೇ ವೇಳೆ ತಮ್ಮ ಬಗ್ಗೆಯೂ ಹೇಳಿಕೊಂಡ ಅವರು, ಸುದೀಪ್ ಬಿಟ್ಟರೆ ಎರಡನೇ ಮೋಸ್ಟ್ ಸೀನಿಯರ್ ನಾನೇ ಅಂದ್ರು.
