ತಮಿಳುನಾಡಿಗೆ ಅಮ್ಮನಾಗಿದ್ದ ಮಾಜಿ ಮುಖ್ಯಮಂತ್ರಿ ಜಯಲಲಿತಾ ನಿಧನರಾಗಿ ಇಂದಿಗೆ ನಾಲ್ಕು ವರ್ಷಗಳು ಗತಿಸಿವೆ. ಈ ಸಂದರ್ಭದಲ್ಲಿ ಜಯಲಲಿತಾ ಪಾತ್ರ ಮಾಡುತ್ತಿರುವ ಕಂಗನಾ ರಣಾವತ್ ಗೌರವ ನಮನ ಸಲ್ಲಿಸಿ 'ಅಮ್ಮ'ನನ್ನು ನೆನಪಿಸಿಕೊಂಡಿದ್ದಾರೆ.
ಸದ್ಯ ಜಯಲಲಿತಾ ಬಯೋಪಿಕ್ 'ತಲೈವಿ' ಸಿನಿಮಾ ಶೂಟಿಂಗ್ನಲ್ಲಿ ನಿರತರಾಗಿರುವ ನಟಿ ಕಂಗನಾ ರಣಾವತ್ ಶೂಟಿಂಗ್ನ ಕೆಲವು ಚಿತ್ರಾವಳಿಗಳನ್ನು ಹಂಚಿಕೊಂಡಿದ್ದಾರೆ. ಟ್ವೀಟ್ನಲ್ಲಿ ಜಯಲಲಿತಾ ಅವರನ್ನು ಸ್ಮರಿಸಿರುವ ನಟಿ, ಜಯಾ ಅಮ್ಮರ ನಾಲ್ಕನೇ ವರ್ಷದ ಪುಣ್ಯ ಸ್ಮರಣೆ ಮಾಡಿಕೊಳ್ಳುತ್ತ, ತಲೈವಿ ಚಿತ್ರೀಕರಣದ ಕೆಲವು ಫೋಟೋಗಳನ್ನು ಹಂಚಿಕೊಂಡಿದ್ದೇನೆ. ನನ್ನ ತಲೈವಿ ಚಿತ್ರತಂಡದ ಎಲ್ಲರಿದೂ ಧನ್ಯವಾದಗಳು. ಅದರಲ್ಲೂ ನಮ್ಮ ತಂಡದ ಮುಖ್ಯಸ್ಥರಾಗಿರುವ ನಿರ್ದೇಶಕ ವಿಜಯ್ ಸರ್ಗೆ ಧನ್ಯವಾದಗಳು. ವಿಜಯ್ ಸರ್ ಸೂಪರ್ ಹ್ಯೂಮನ್ ರೀತಿ ತಂಡದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಇನ್ನೊಂದು ವಾರದ ಚಿತ್ರೀಕರಣ ಬಾಕಿ ಇದೆ ಎಂದು ಕಂಗನಾ ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ : 'ಸಲಾರ್' ನಿಜಕ್ಕೂ ಅರೇಬಿಯನ್ ಪದಾನಾ....ಅದರ ಅರ್ಥವೇನು...?
ಸದ್ಯ ತಲೈವಿ ಚಿತ್ರೀಕರಣ ಹೈದರಾಬಾದ್ನಲ್ಲಿ ನಡೆಯುತ್ತಿದ್ದು, ಕೇವಲ ಇನ್ನೊಂದು ವಾರ ಮಾತ್ರ ಬಾಕಿ ಇದೆ. ಜಯಲಲಿತಾ ಪಾತ್ರದಲ್ಲಿ ಕಂಗನಾ ರಣಾವತ್ ಕಾಣಿಸಿಕೊಂಡಿದ್ದರೆ, ಎಂಜಿಆರ್ ಪಾತ್ರದಲ್ಲಿ ನಟ ಅರವಿಂದ್ ಸ್ವಾಮಿ, ಕರುಣಾನಿಧಿ ಪಾತ್ರಕ್ಕೆ ಪ್ರಕಾಶ್ ರೈ ಬಣ್ಣ ಹಚ್ಚುತ್ತಿದ್ದಾರೆ.
ಇನ್ನು ಈ ಚಿತ್ರವು ಹಿಂದಿ, ತಮಿಳು, ತೆಲುಗಿನಲ್ಲಿ ತಯಾರಾಗುತ್ತಿದ್ದು, ಜಯಲಲಿತಾರ ಜೀವನ ಚಿತ್ರಣವನ್ನು ಆಧರಿಸಿದೆ. ಸಿನಿಮಾವನ್ನು ವಿಷ್ಣು ವರ್ಧನ ಇಂಧುರಿ ಮತ್ತು ಶೈಲೇಶ್ ಆರ್ ಸಿಂಗ್ ನಿರ್ಮಿಸುತ್ತಿದ್ದಾರೆ.
