ಸರ್ಜಾ ಮತ್ತು ಸುಂದರ್ ರಾಜ್ ಕುಟುಂಬದಲ್ಲಿ ಹಲವು ತಿಂಗಳ ಬಳಿಕ ಸಂತಸ ಮನೆ ಮಾಡಿದೆ. ಜೂ.ಚಿರು ಆಗಮನದಿಂದಾಗಿ ಎರಡು ಕುಟುಂಬಗಳಲ್ಲಿ ಸಂತೋಷ ಮೂಡಿದೆ. ನಟ ಚಿರಂಜೀವಿಯನ್ನು ಕಳೆದುಕೊಂಡಿದ್ದ ಮೇಘನಾ ಕುಟುಂಬ ಇದೀಗ ಕೊಂಚ ಮಟ್ಟಿಗೆ ಆ ಕೆಟ್ಟ ಗಳಿಗೆಯಿಂದ ಹೊರ ಬಂದಿದೆ.
ಕಳೆದ ಅಕ್ಟೋಬರ್ 22ರಂದು ಮೇಘನಾ ರಾಜ್ ಮುದ್ದಾದ ಗಂಡು ಮಗುವಿಗೆ ಜನ್ಮ ನೀಡಿದ್ದರು. ಜೂ. ಚಿರು ಆಗಮನದಿಂದ ಇಡೀ ಕರ್ನಾಟಕದ ಅಭಿಮಾನಿ ಬಳಗ ಸಂತೋಷ ಕಂಡಿದ್ದರು. ಇದೀಗ ಚಿರು ಅಭಿಮಾನಿಗಳಿಗೆ ಮತ್ತೊಂದು ಸಿಹಿ ಸುದ್ದಿ ಸಿಕ್ಕಿದೆ.
ಮೇಘನಾ ರಾಜ್ ಗಂಡು ಮಗುವಿಗೆ ಜನ್ಮ ನೀಡಿದ 20 ದಿನಕ್ಕೆ ಆ ಮಗುವಿನ ತೊಟ್ಟಿಲ ಶಾಸ್ತ್ರ ಮಾಡುವುದಾಗಿ ಹಿರಿಯ ನಟ, ಮೇಘನಾ ತಂದೆ ಸುಂದರ್ ರಾಜ್ ತಿಳಿಸಿದ್ದಾರೆ. ನಾಳೆ ಅಂದ್ರೆ ನವೆಂಬರ್ 12ರಂದು ಮೇಘನಾ ಮತ್ತು ಚಿರು ಮಗನ ತೊಟ್ಟಿಲ ಶಾಸ್ತ್ರ ನಡೆದಯಲಿದೆ. ಜೆಪಿ ನಗರದಲ್ಲಿರುವ ತಮ್ಮ ನಿವಾಸದಲ್ಲಿ ಈ ಕಾರ್ಯಕ್ರಮವನ್ನು ಆಯೋಜಿಸಿರುವುದಾಗಿ ಹೇಳಲಾಗಿದೆ.
ಚಿರು ಮರಣದ ನಂತ್ರ ಸುಂದರ್ ರಾಜ್ ಫ್ಯಾಮಿಲಿಗೆ ಮೊಮ್ಮಗನ ರೂಪದಲ್ಲಿ ಚಿರು ಬಂದಿದ್ದಾನೆ. ಅಭಿಮಾನಿಗಳಿಗೆ ಇದೀಗ ಕುತೂಹಲ ಮೂಡಿದ್ದು ಆ ಗಂಡು ಮಗುವಿಗೆ ಏನೆಂದು ನಾಮಕರಣ ಮಾಡುತ್ತಾರೆ ಎಂದು ಕಾತುದಿಂದ ಇದ್ದಾರೆ. ಈಗಗಲೇ ತಾತ ಸುಂದರ್ ರಾಜ್ ತಮ್ಮ ಮೊಮ್ಮಗನನ್ನು ಚಿಂಟು ಎಂದು ಪ್ರೀತಿಯಿಂದ ಕರೆಯುತ್ತಿದ್ದು, ಅಭಿಮಾನಿಗಳು ಜೂ.ಚಿರು ಎಂದು ಕರೆಯುತ್ತಿದ್ದಾರೆ. ಆದ್ರೆ ಅಧಿಕೃತವಾಗಿ ಯಾವ ಹೆಸರನ್ನು ಇಡುತ್ತಾರೆ ಎಂಬುದನ್ನು ಕಾದು ನೋಡಬೇಕಿದೆ.
