ಸ್ಯಾಂಡಲ್ವುಡ್ ಬಣ್ಣದ ಲೋಕದಲ್ಲಿ ಹಲವು ಯಶಸ್ವಿ ನಿರ್ಮಾಪಕರು ಅತ್ಯುತ್ತಮ ಸಿನಿಮಾ ನೀಡುವ ಮೂಲಕ ಕನ್ನಡ ಸಿನಿಲೋಕಕ್ಕೆ ಸಾಕಷ್ಟು ಕೊಡುಗೆಗಳನ್ನು ನೀಡಿದ್ದಾರೆ. ಇದೀಗ ಕನ್ನಡ ಸಿನಿಮಾ ಲೋಕಕ್ಕೆ 'ಮುಂದಿನ ನಿಲ್ದಾಣ' ಎಂಬ ಸಿನಿಮಾ ಎಂಟ್ರಿಯಾಗುತ್ತಿದೆ. ನ.29ಕ್ಕೆ ಬಿಡುಗಡೆಯಾಗಲಿರುವ ಈ ಸಿನಿಮಾ ನಿರ್ಮಾಣ ಮಾಡಿರೋದು ಪರಿಣಿತರಲ್ಲ. ಸಿನಿಮಾ ಲೋಕದ ಸ್ಪರ್ಶವೇ ಇಲ್ಲದ ಇಬ್ಬರು ಸಿಂಗಾಪುರದ ಸ್ಟಾರ್ಟ್ ಅಪ್ ಕಂಪನಿ ಮಾಲೀಕರು, ಇಂಗ್ಲೆಂಡ್ನ ಉದ್ಯಮಿಯೊಬ್ಬರು.
ಸಿಂಗಾಪುರದಲ್ಲಿ ಸ್ಟಾರ್ಟ್ ಅಪ್ ಕಂಪನಿ ಮಾಡಿರುವ ಸಾಫ್ಟ್ವೇರ್ ಇಂಜಿಯರ್ ಮುರಳೀಧರ್, ಶೇಷಾದ್ರಿ ಉಡುಪ, ಇಂಗ್ಲೆಂಡ್ನಲ್ಲಿ ವೈದ್ಯರಾಗಿರುವ ಸುರೇಶ್ ಕುಮಾರ್ ಮತ್ತು ಯುಎಇ ಶೇರ್ ಬ್ಯುಸಿನೆಸ್ ನೋಡಿಕೊಳ್ಳುತ್ತಿರುವ ತಾರನಾಥ್ ರೈ ಈ ಸಿನಿಮಾದ ನಿರ್ಮಾಪಕರಾಗಿದ್ದಾರೆ. ಈ ನಾಲ್ವರು ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲೆಯವರಾಗಿದ್ದು, ಕನ್ನಡ ಸಿನಿಮಾ ನಿರ್ಮಿಸುವ ಕನಸನ್ನು ಹೊತ್ತುಕೊಂಡು ಈ ಸಿನಿಮಾ ಮಾಡಿದ್ದಾರೆ.
ಕಾರ್ಪೊರೇಟ್ ಜಗತ್ತಿನ ನಾಲ್ವರು ಕನ್ನಡ ಸಿನಿಮಾವನ್ನು ನಿರ್ಮಾಣ ಮಾಡುವ ಪ್ರಯತ್ನಕ್ಕೆ ಆರಂಭದಲ್ಲಿಯೇ ಶ್ಲಾಘನೆ ವ್ಯಕ್ತವಾಗಿದೆ. ಈ ಸಿನಿಮಾದ ಮೂಲಕ ಕನ್ನಡ ಚಿತ್ರರಂಗದಲ್ಲಿ ಮೊದಲ ಬಾರಿಗೆ ಶಾರುಖ್ ಖಾನ್ ಒಡೆತನದ ರೆಡ್ ಚಿಲ್ಲಿಸ್ ಬಣ್ಣ ವಿನ್ಯಾಸ ಮಾಡಿದೆ. ಸಿನಿಮಾ ಹಾಡನ್ನು ಖ್ಯಾತ ಸಂಗೀತ ನಿರ್ದೇಶಕ ಎ.ಆರ್ ರೆಹಮಾನ್ ಮತ್ತು ಪುನೀತ್‌ರಾಜ್ ಕುಮಾರ್ ಮೆಚ್ಚಿ ಟ್ವೀಟ್ ಮಾಡಿದ್ದಾರೆ.
ಸಿನಿಮಾವನ್ನು ಬೆಲ್ಜಿಯಂ, ಹಾಲೆಂಡ್, ಹಿಮಾಚಲಪ್ರದೇಶ, ಮಂಗಳೂರಿನಲ್ಲಿ ಶೂಟ್ ಮಾಡಲಾಗಿದೆ. ಈ ಚಿತ್ರ ಇದೇ ನ.29ಕ್ಕೆ ಪ್ರಪಂಚದಾದ್ಯಂತ ತೆರೆಗೆ ಬರಲಿದೆ ಎಂದು ಚಿತ್ರತಂಡ ತಿಳಿಸಿದೆ. ಸಿನಿಮಾದಲ್ಲಿ ಸಿಂಪಲ್ಲಾಗ್ ಇನ್ನೊಂದ್‌ ಒಂದು ಲವ್ ಸ್ಟೋರಿಯ ಪ್ರವೀಣ್ ತೇಜ್ ಮತ್ತು ರಂಗಿತರಂಗ ಖ್ಯಾತಿಯ ರಾಧಿಕಾ ನಾರಾಯಣ್ ನಾಯಕ ನಾಯಕಿಯಾಗಿ ನಟಿಸಿದ್ದಾರೆ.
- " class="align-text-top noRightClick twitterSection" data="">
