ಮುಂಬೈ(ಮಹಾರಾಷ್ಟ್ರ): 70ನೇ ಆವೃತ್ತಿಯ ಭುವನ ಸುಂದರಿ ಸ್ಪರ್ಧೆಯಲ್ಲಿ ಭಾರತದ ಹರ್ನಾಜ್ ಕೌರ್ ಸಂಧು 'ಮಿಸ್ ಯೂನಿವರ್ಸ್' ಕಿರೀಟ್ ಅಲಂಕರಿಸಿದ್ದು, ಭಾರತಕ್ಕೆ ಬರೋಬ್ಬರಿ 21 ವರ್ಷಗಳ ಬಳಿಕ ಈ ಪ್ರಶಸ್ತಿ ತಂದುಕೊಟ್ಟಿದ್ದಾರೆ.
ಇಸ್ರೇಲ್ನಲ್ಲಿ ಡಿಸೆಂಬರ್ 12ರಂದು ನಡೆದ ಸ್ಪರ್ಧೆಯಲ್ಲಿ ಚಂಡೀಗಢ ಮೂಲಕ 21 ವರ್ಷದ ಮಾಡೆಲ್ ಹರ್ನಾಜ್ ಭುವನ ಸುಂದರಿಯಾಗಿ ಹೊರಹೊಮ್ಮಿದ್ದು, ಈಗಾಗಲೇ ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ಅನೇಕರು ಅಭಿನಂದನೆ ಸಲ್ಲಿಸಿದ್ದಾರೆ.
ಭಾರತಕ್ಕೆ ಬಂದ ಭುವನ ಸುಂದರಿ
ಮಿಸ್ ಯೂನಿವರ್ಸ್ ಆಗಿ ಹೊರಹೊಮ್ಮಿರುವ ಹರ್ನಾಜ್ ಕೌರ್ ಸಂಧು ಇಂದು ಮುಂಬೈ ಏರ್ಪೋರ್ಟ್ಗೆ ಆಗಮಿಸಿದರು. ಈ ವೇಳೆ ಅಭಿಮಾನಿಗಳು, ಕುಟುಂಬದ ಸದಸ್ಯರು ಅದ್ಧೂರಿಯಾಗಿ ಅವರನ್ನ ಬರಮಾಡಿಕೊಂಡರು. ಈ ವೇಳೆ ಭಾರತದ ತ್ರಿವರ್ಣ ಧ್ವಜ ನೀಡಿ, ಸ್ವಾಗತ ಮಾಡಿಕೊಳ್ಳಲಾಯಿತು. ಜೊತೆಗೆ ಇಂಡಿಯಾ... ಇಂಡಿಯಾ ಎಂಬ ಘೋಷಣೆ ಕೇಳಿ ಬಂದವು.
ಇದನ್ನೂ ಓದಿರಿ: ನಾಯಕತ್ವ ಬದಲಾವಣೆ ವಿಚಾರದಲ್ಲಿ ಗಂಗೂಲಿ ಹೇಳಿದ್ದೆಲ್ಲಾ ಸುಳ್ಳಾ?.. ಸುದ್ದಿಗೋಷ್ಠಿಯಲ್ಲಿ ಕೊಹ್ಲಿ ಹೇಳಿದ್ದೇನು?
ಇಸ್ರೇಲ್ನಲ್ಲಿ ನಡೆದ ವಿಶ್ವ ಭುವನ ಸುಂದರಿ ಸ್ಪರ್ಧೆಯಲ್ಲಿ ಒಟ್ಟು 79 ಸ್ಪರ್ಧಾಳುಗಳು ಭಾಗಿಯಾಗಿದ್ದರು. ಇವರನ್ನೆಲ್ಲ ಹಿಂದಿಕ್ಕಿ ಹರ್ನಾಜ್ ಕೌರ್ ಸಂಧು ಕಿರೀಟ ಅಲಂಕಾರ ಮಾಡಿದ್ದಾರೆ. ಜೊತೆಗೆ ಸುಶ್ಮಿತಾ ಸೇನ್ ಹಾಗೂ ಲಾರಾ ದತ್ತ ಬಳಿಕ ಭಾರತಕ್ಕೆ ಈ ಗೌರವ ತಂದುಕೊಟ್ಟಿದ್ದಾರೆ.
