ಕೋವಿಡ್ ನಿಯಮ ಮೀರಿ 'ಬಿಗ್​ಬಾಸ್' ಶೂಟಿಂಗ್​​​​: ಸೆಟ್​ ಸೀಜ್ ಮಾಡಿದ ಅಧಿಕಾರಿಗಳು

ಕೋವಿಡ್ ನಿಯಮ ಮೀರಿ ಶೂಟಿಂಗ್​ ನಡೆಸಲಾಗುತ್ತಿದ್ದ ಬಿಗ್​ಬಾಸ್​ ಸೆಟ್​ ಮೇಲೆ ದಾಳಿ ನಡೆಸಿರುವ ಕಂದಾಯ ಇಲಾಖೆ ಅಧಿಕಾರಿಗಳು ಸೆಟ್​ ಸೀಜ್ ಮಾಡಿದ್ದಾರೆ.

ಚೆನ್ನೈ: ಕೋವಿಡ್ ನಿಯಮ, ಮೀರಿ ಬಿಗ್​​ಬಾಸ್​​ ಶೂಟಿಂಗ್​ ನಡೆಸುತ್ತಿದ್ದ ಕಾರಣ ಚೆನ್ನೈನ ಇವಿಪಿ ಫಿಲ್ಮ್​ ಸಿಟಿಯಲ್ಲಿನ ಬಿಗ್​ಬಾಸ್​​ ಸೆಟ್​​ ಸೀಜ್​ ಮಾಡಲಾಗಿದೆ.

ಕಂದಾಯ ಅಧಿಕಾರಿಗಳು ಮಲಯಾಳಂ ಬಿಗ್​​ಬಾಸ್​ ಸೆಟ್​​ನ್ನ ಸಿಜ್​ ಮಾಡಿದ್ದಾರೆ. ತಮಿಳುನಾಡಿನಲ್ಲಿ ಎರಡನೇ ಹಂತದ ಕೋವಿಡ್​ ಅಲೆ ಜೋರಾಗಿರುವ ಕಾರಣ ಲಾಕ್​ಡೌನ್​ ಘೋಷಣೆ ಮಾಡಲಾಗಿದೆ. ಮೇ. 31ರವರೆಗೆ ರಾಜ್ಯದಲ್ಲಿ ಯಾವುದೇ ರೀತಿಯ ಶೂಟಿಂಗ್​ ಚಟುವಟಿಕೆ ನಡೆಸದಂತೆ ಈಗಾಗಲೇ ಘೋಷಣೆ ಮಾಡಲಾಗಿದೆ. ಇದರ ಮಧ್ಯೆ ಸಹ ಇದು ನಡೆಯುತ್ತಿತ್ತು ಎಂದು ತಿಳಿದು ಬಂದಿದೆ.

ಕೋವಿಡ್​ ಮಧ್ಯೆ ಕೂಡ ಮಲಯಾಳಂ ಬಿಗ್​ ಬಾಸ್​​ ಶೂಟಿಂಗ್​​ ನಡೆಸಲಾಗುತ್ತಿತ್ತು. ಈಗಾಗಲೇ ಸೆಟ್​​ನಲ್ಲಿದ್ದ ಆರು ಕಾರ್ಮಿಕರಿಗೆ ಕಳೆದ ವಾರ ಕೋವಿಡ್​ ಸೋಂಕು ತಗುಲಿತ್ತು. ಇದೀಗ ಅಧಿಕಾರಿಗಳು ಸೀಜ್​ ಮಾಡಿದ್ದು, ಸ್ಥಳದಲ್ಲಿದ್ದ ಕಾರ್ಮಿಕರನ್ನ ಸೆಟ್​​ನಿಂದ ಸ್ಥಳಾಂತರಿಸಿದ್ದಾರೆ.

ಕೋವಿಡ್​ ಸೋಂಕು ದೃಢಗೊಂಡಿದ್ದರ ಮಧ್ಯೆ ಕೂಡ ಮಲಯಾಳಂ ಬಿಗ್​ಬಾಸ್​ ಮುಂದುವರೆಯಲಿದೆ ಎಂದು ಚಾನೆಲ್​ ಹೇಳಿಕೊಂಡಿತ್ತು. ಇದರ ಮಧ್ಯೆ ಅಧಿಕಾರಿಗಳು ಈ ಕ್ರಮ ಕೈಗೊಂಡಿದ್ದಾರೆ. ಇದನ್ನ ನಟ ಮೋಹನ್​ಲಾಲ್​ ನಡೆಸಿಕೊಡುತ್ತಿದ್ದರು. 14 ಸ್ಪರ್ಧಿಗಳ ಪೈಕಿ ಸದ್ಯ ಮನೆಯಲ್ಲಿ 8 ಅಭ್ಯರ್ಥಿಗಳು ಉಳಿದುಕೊಂಡಿದ್ದರು.