ವಾಷಿಂಗ್ಟನ್ ಡಿ.ಸಿ : ಹಂಪ್‌ಡೇ, ಯುವರ್ ಸಿಸ್ಟರ್ಸ್ ಸಿಸ್ಟರ್ ಸೇರಿದಂತೆ ಹಾಸ್ಯ ಚಿತ್ರಗಳ ನಿರ್ದೇಶನಕ್ಕೆ ಹೆಸರುವಾಸಿಯಾಗಿದ್ದ ನಿರ್ದೇಶಕಿ ಮತ್ತು ನಿರ್ಮಾಪಕಿ ಲಿನ್ ಶೆಲ್ಟನ್ (54) ಶುಕ್ರವಾರ ವಿಧಿವಶರಾಗಿದ್ದಾರೆ.
ರಕ್ತ ಸಂಬಂಧಿ ಕಾಯಿಲೆಯಿಂದ ಬಳಲುತ್ತಿದ್ದ ಅವರು, ಲಾಸ್ ಏಂಜಲೀಸ್ನ ಮನೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ. ಶೆಲ್ಟನ್ ನಿಧನಕ್ಕೆ ಹಲವು ದಿಗ್ಗಜರು ಸಂತಾಪ ಸೂಚಿಸಿದ್ದು, ಟ್ವೀಟ್ ಮೂಲಕ ಸಂತಾಪ ಸೂಚಿಸಿರುವ ಸೂಸೈಡ್ ಸ್ಕ್ವಾಡ್ ಚಲನಚಿತ್ರದ ನಿರ್ಮಾಪಕ ಗೇಮ್ಸ್ ಗನ್, ಶೆಲ್ಟನ್ ಆತ್ಮಕ್ಕೆ ಶಾಂತಿ ಕೋರುತ್ತೇನೆ. ಅವರು ಅತ್ಯುತ್ತಮ ಪ್ರತಿಭೆಯಾಗಿದ್ದರು, ಅವರ ವಿದಾಯ ಬಹಳ ದುಖಃ ತಂದಿದೆ ಎಂದಿದ್ದಾರೆ.
- " class="align-text-top noRightClick twitterSection" data="
">
ಇನ್ಸ್ಟಾಗ್ರಾಂನಲ್ಲಿ ಸಂತಾಪ ಸೂಚಿಸಿರುವ ಹಾಸ್ಯ ನಟಿ ಮಿಂಡಿ ಕಾಲಿಂಗ್, ಶೆಲ್ಟನ್ ನಟರನ್ನು ತುಂಬಾ ಪ್ರೀತಿಸುತ್ತಿದ್ದರು. ನಾವು ಅವರನ್ನು ಪ್ರೀತಿಸುತ್ತಿದ್ದೆವು. ಅವರಲ್ಲಿ ಅಗಾಧವಾದ ಒಂದು ಶಾಂತ ಶಕ್ತಿಯಿತ್ತು. ನಾವು ಅವರನ್ನು ಕಳೆದುಕೊಂಡಿದ್ದೇವೆ. ರೆಸ್ಟ್ ಇನ್ ಪೀಸ್.. ಲವ್ ಯೂ ಎಂದು ಬರೆದುಕೊಂಡಿದ್ದಾರೆ.
