ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅಭಿನಯದ ಕೋಟಿಗೊಬ್ಬ 3 ಚಿತ್ರಕ್ಕೆ ಮತ್ತೊಂದು ಸಿಹಿ ಸುದ್ದಿ ಸಿಕ್ಕಿದೆ. ಲಾಕ್ಡೌನ್ ಮಧ್ಯೆಯೂ ದಾಖಲೆ ಬರೆದದ್ದು ಹೇಗೆ ಅಂತೀರಾ.
‘ಕೋಟಿಗೊಬ್ಬ 3’ ಕನ್ನಡ ಸಿನಿಮಾದ ಟಿವಿ ರೈಟ್ಸ್ 9 ಕೋಟಿ ರೂಪಾಯಿಗೆ ಮಾರಾಟವಾಗಿದೆ. ಈ ಚಿತ್ರ ಇದೇ ಕಾರ್ಮಿಕರ ದಿನಾಚರಣೆ ಮೇ 1 ರಂದು ಬಿಡುಗಡೆ ಆಗಬೇಕಿತ್ತು. ನಮ್ಮ ಸಿನಿಮಾ ಬಿಡುಗಡೆ ಆಗುವುದಕ್ಕೆ ಈಗ ಆ ದೇವರ ಕೃಪೆ ತೋರಬೇಕು ಎಂದು ಸೂರಪ್ಪ ಬಾಬು ಹೇಳುತ್ತಾರೆ.
ಸದ್ಯಕ್ಕೆ ‘ಕೋಟಿಗೊಬ್ಬ 3’ ಚಿತ್ರಕ್ಕೆ ಫೈನಲ್ ಟಚ್ ಬೇಕಾಗಿದೆಯಷ್ಟೆ. ಒಂದು ತಿಂಗಳಾದ ಮೇಲೆ ಚಿತ್ರ ಬಿಡುಗಡೆ ಮಾಡಲಾಗುವುದು ಎಂದು ನಿರ್ಮಾಪಕರು ತಿಳಿಸಿದ್ದಾರೆ.
ಶಿವ ಕಾರ್ತಿಕ್ ನಿರ್ದೇಶನದ ಕೋಟಿಗೊಬ್ಬ 3 ಚಿತ್ರಕ್ಕೆ ಅರ್ಜುನ್ ಜನ್ಯ ಸಂಗೀತ ಇದೆ. ಮಡೋನ್ನ ಸೆಬಸ್ಟೀನ್, ಶ್ರದ್ದಾ ದಾಸ್, ಅಫ್ತಾಬ್ ಶಿವದಾಸನಿ, ರವಿಶಂಕರ್ ಹಾಗೂ ಇತರರು ಅಭಿನಯಿಸಿದ್ದಾರೆ.
