ಒಂದು ಸಿನಿಮಾಗೆ ಇನ್ವಿಟೇಶನ್ ಅಂದ್ರೆ ಚಿತ್ರದ ಹಾಡುಗಳು. ಈಗ ಇದೇ ಹಾಡುಗಳ ಸಕ್ಸಸ್ನಿಂದ ಇದೇ ವಾರ ತೆರೆಗೆ ಬರೋದಿಕ್ಕೆ ಸಜ್ಜಾಗಿರುವ ಬಹು ನಿರೀಕ್ಷಿತ ಚಿತ್ರ ಕಿಸ್. ನಿರ್ದೇಶಕ ಎ.ಪಿ.ಅರ್ಜುನ್ ಈ ಚಿತ್ರಕ್ಕಾಗಿ ಬರೋಬ್ಬರಿ ಎರಡು ವರ್ಷಗಳ ಪರಿಶ್ರಮ ಹಾಕಿದ್ದಾರೆ.
ಇಂದು ಕಿಸ್ ಸಿನಿಮಾದ ಆಡಿಯೋ ಯಶಸ್ಸು ಕಾರ್ಯಕ್ರಮ ನಡೆದಿದ್ದು, ಚಿತ್ರತಂಡ ಫುಲ್ ಖುಷ್ ಆಗಿದೆ. ಈ ಸಂತಸವನ್ನ ನಿರ್ದೇಶಕ ಎ.ಪಿ ಅರ್ಜುನ್, ಯುವ ನಟ ವಿರಾಟ್, ಕ್ಯೂಟ್ ಗರ್ಲ್ ಶ್ರೀಲೀಲಾ, ಹಿರಿಯ ನಟ ದತ್ತಣ್ಣ, ಸಾಹಸ ನಿರ್ದೇಶಕ ರವಿವರ್ಮ, ನೃತ್ಯ ನಿರ್ದೇಶಕ ಇಮ್ರಾನ್ ಸರ್ದಾರಿಯಾ, ಸಂಗೀತ ನಿರ್ದೇಶಕ ವಿ ಹರಿಕೃಷ್ಣ ಹಾಡುಗಳ ಯಶಸ್ಸಿನ ಬಗ್ಗೆ ಹಂಚಿಕೊಂಡಿದ್ದು.
ಈ ಚಿತ್ರದ ಹಾಡುಗಳ ಹಕ್ಕನ್ನ ಪಡೆದಿರುವ ಶೈಲಜಾ ನಾಗ್, ಮಿಲಿಯನ್ ಗಟ್ಟಲೆ ಪ್ರೇಕ್ಷಕರು ಈ ಚಿತ್ರದ ಹಾಡುಗಳನ್ನ ನೋಡಿದ್ದಾರೆ ಅಂತಾ ಮೆಚ್ಚುಗೆ ವ್ಯಕ್ತಪಡಿಸಿದ್ರು. ಫಸ್ಟ್ ಟೈಮ್ ಹೀರೋ ಆಗಿರುವ ವಿರಾಟ್ ಹಾಗು ನಟಿ ಶ್ರೀಲೀಲಾ ಕಾರ್ಯಕ್ರಮದಲ್ಲಿ ತಮ್ಮ ಸಿಹಿ ನೆನಪುಗಳನ್ನ ಬಿಚ್ಚಿಟ್ರು.
ಈ ಕಿಸ್ ಸಿನಿಮಾ ಇದೇ 27ಕ್ಕೆ ರಾಜ್ಯಾದ್ಯಂತ ತೆರೆ ಕಾಣುತ್ತಿದೆ. ನಿರ್ದೇಶಕ ಎ.ಪಿ ಅರ್ಜುನ್ ಎರಡು ವರ್ಷಗಳ ಪರಿಶ್ರಮಕ್ಕೆ ಫಲ ಸಿಗುತ್ತಾ ಕಾದು ನೋಡಬೇಕಿದೆ.
