ಸುದೀಪ್ ಅಭಿನಯದ ಫ್ಯಾಂಟಮ್ ಸಿನಿಮಾದ ಟೈಟಲ್ ವಿಕ್ರಾಂತ್ ರೋಣ ಎಂದು ಬದಲಾಗಿರುವುದು ಎಲ್ಲರಿಗೂ ಗೊತ್ತಿದೆ. ಈ ಟೈಟಲ್ ಲಾಂಚ್ ಕಾರ್ಯಕ್ರಮವನ್ನು ಇದೇ 31ರಂದು ದುಬೈನ ಬುರ್ಜ್ ಖಲೀಫಾ ಮೇಲೆ ಮಾಡಲಾಗುತ್ತದೆ ಎಂದು ಚಿತ್ರತಂಡ ಘೋಷಿಸಿದೆ. ಈ ಹಿನ್ನೆಲೆ ಸುದೀಪ್ ದುಬೈಗೆ ಭೇಟಿ ಕೊಟ್ಟಿದ್ದಾರೆ.
ಸುದೀಪ್ ದುಬೈಗೆ ಹೋಗುತ್ತಿದ್ದಂತೆ ಕಿಚ್ಚನನ್ನು ಗ್ರ್ಯಾಂಡ್ ಆಗಿ ಸ್ವಾಗತಿಸಲಾಗಿದೆ. ಹೂವಿನ ಮಾಲೆ ಹಾಕುವ ಮೂಲಕ ಸುದೀಪ್ರನ್ನು ವೆಲ್ಕಮ್ ಮಾಡಲಾಗಿದೆ. ಇನ್ನು, ಕಿಚ್ಚನ ಪತ್ನಿ ಪ್ರಿಯಾ ಸುದೀಪ್ ಹಾಗೂ ಮಗಳು ಸಾನ್ವಿಗೆ ಅಲ್ಲಿನ ಕನ್ನಡಿಗರು ಆರತಿ ಮಾಡುವ ಮೂಲಕ ಸ್ವಾಗತಿಸಿದ್ದಾರೆ.
ಪ್ರಪಂಚದಲ್ಲಿಯೇ ಮೊದಲ ಬಾರಿಗೆ ಬುರ್ಜ್ ಖಲೀಫಾದಲ್ಲಿ ಟೈಟಲ್ ಲಾಂಚ್ ಮಾಡುತ್ತಿರುವ ಸಿನಿಮಾ ವಿಕ್ರಾಂತ್ ರೋಣ. ಆ ಮೂಲಕ ಚಿತ್ರ ಹೊಸ ದಾಖಲೆ ಬರೆಯುತ್ತಿದೆ. ಹಿಂದೆ ಚಿತ್ರದ ನಿರ್ದೇಶನ ಅನೂಪ್ ಭಂಡಾರಿ ಸಿನಿಮಾದ ಎರಡು ಬಿಗ್ ಅಪ್ಡೇಟ್ ನೀಡುತ್ತೇವೆ ಎಂದಿದ್ರು.
ಹೇಳಿದ ರೀತಿಯಲ್ಲೇ ಸಿನಿಮಾದ ಹೆಸರನ್ನು 'ವಿಕ್ರಾಂತ್ ರೋಣ' ಎಂದು ಬದಲಾಯಿಸಲಾಗಿದೆ. ಎರಡನೇ ಪ್ರಕಟಣೆ ಏನಂದ್ರೆ ಈ ಟೈಟಲ್ ಲಾಂಚ್ ಕಾರ್ಯಕ್ರಮ ಇದೇ ತಿಂಗಳ 31ರಂದು ನಡೆಯಲಿದ್ದು, ದುಬೈನ ಬುರ್ಜ್ ಖಲೀಫಾ ಮೇಲೆ ಮಾಡಲಾಗುತ್ತದೆ ಎಂದು ಘೋಷಿಸಲಾಗಿದೆ.
