ನಿರ್ಮಾಪಕ ಕೆ.ಮಂಜು ಪುತ್ರ ಚೊಚ್ಚಲ ಸಿನಿಮಾ 'ಪಡ್ಡೆಹುಲಿ' ಇಂದು ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ. ಗುರು ದೇಶಪಾಂಡೆ ಈ ಸಿನಿಮಾವನ್ನು ನಿರ್ದೇಶಿಸಿದ್ದಾರೆ. ಇನ್ನು ಇದು ಶ್ರೇಯಸ್ ಮೊದಲ ಸಿನಿಮಾವಾಗಿರುವುದರಿಂದ ಎಲ್ಲರೂ ಅವರಿಗೆ ವಿಶ್ ಮಾಡುತ್ತಿದ್ದಾರೆ. ಕಿಚ್ಚ ಸುದೀಪ್ ಕೂಡಾ ಶ್ರೇಯಸ್ಗೆ ಶುಭ ಕೋರಿದ್ದಾರೆ. 'ನಿಮ್ಮ ಸಿನಿಮಾ ರಿಲೀಸ್ ಆಗುತ್ತಿದೆ ಎಂದು ನರ್ವಸ್ ಆಗಿರಬಹುದು, ಇದೊಂದು ಗ್ರೇಟ್ ಫೀಲಿಂಗ್, ಎಂಜಾಯ್ ಮಾಡಿ. ಕೆ. ಮಂಜು ಅವರೇ ನೀವೂ ಕೂಡಾ ಟೆನ್ಷನ್ನಲ್ಲಿರಬಹುದು.
ನನ್ನ ಮೊದಲ ಸಿನಿಮಾ ಬಿಡುಗಡೆಯಾಗುವಾಗ ನನಗೂ ಇದೇ ರೀತಿ ಅನುಭವ ಆಗಿತ್ತು. ಸೋಲು-ಗೆಲುವನ್ನು ಬಹಳ ಹತ್ತಿರದಿಂದ ನೋಡಿರುವವರು ನೀವು. ನಿಮಗೆ ಯಾವುದೂ ಹೊಸದಲ್ಲ. ಇಡೀ ಚಿತ್ರತಂಡಕ್ಕೆ ಗುಡ್ ಲಕ್' ಎಂದು ಕಿಚ್ಚ ವಿಶ್ ಮಾಡಿದ್ದಾರೆ. ಸಿನಿಮಾ ಮುಹೂರ್ತದ ವೇಳೆಯೂ ಸುದೀಪ್ ಕ್ಲ್ಯಾಪ್ ಮಾಡಿ ಚಿತ್ತಕ್ಕೆ ಶುಭ ಕೋರಿದ್ದರು.
ಯೂತ್ ಲವ್ ಸ್ಟೋರಿ ಹಾಗೂ ಮ್ಯೂಸಿಕಲ್ ಕಥೆ ಇರುವ ಸಿನಿಮಾವನ್ನು ತೇಜಸ್ವಿನಿ ಎಂಟರ್ಟೈನ್ಮೆಂಟ್ ಬ್ಯಾನರ್ ಅಡಿ ಎಂ.ರಮೇಶ್ ರೆಡ್ಡಿ ನಿರ್ಮಿಸಿದ್ದಾರೆ. ಚಿತ್ರದ ಹಾಡುಗಳಿಗೆ ಅಜನೀಶ್ ಲೋಕನಾಥ್ ಸಂಗೀತ ನೀಡಿದ್ದಾರೆ. ನಿಶ್ವಿಕಾ ನಾಯ್ಡು ಶ್ರೇಯಸ್ಗೆ ಜೊತೆಯಾಗಿ ನಟಿಸಿದ್ದಾರೆ. ಪುನೀತ್ ರಾಜ್ಕುಮಾರ್ ಹಾಗೂ ರಕ್ಷಿತ್ ಶೆಟ್ಟಿ ವಿಶೇಷ ಪಾತ್ರಗಳಲ್ಲಿ ನಟಿಸಿದ್ದಾರೆ.
