ಭಾರತದ ಚಿತ್ರರಂಗದಲ್ಲಿ ಕೆಜಿಎಫ್ 2 ಟೀಸರ್ ಹೊಸ ದಾಖಲೆ ನಿರ್ಮಿಸಿದೆ. ಬಿಡುಗಡೆಗೊಂಡ 24 ಗಂಟೆಗಳಲ್ಲಿ ಈ ಟೀಸರ್ 78 ಮಿಲಿಯನ್ಗೂ ಹೆಚ್ಚು ವೀಕ್ಷಣೆ ಪಡೆದಿತ್ತು. ಈ ಮೂಲಕ ಅತಿ ಕಡಿಮೆ ಅವಧಿಯಲ್ಲಿ ಅಧಿಕ ವೀಕ್ಷಣೆ ಪಡೆದ ಸಿನಿಮಾ ಟೀಸರ್ ಇದಾಗಿತ್ತು. ಈಗ ಮತ್ತೊಂದು ದಾಖಲೆ ಬರೆದಿದೆ. ಯೂಟ್ಯೂಬ್ನಲ್ಲಿ ‘ಕೆಜಿಎಫ್-2’ ಚಿತ್ರದ ಟೀಸರ್ನ್ನು 150 ಮಿಲಿಯನ್ ಜನ ವೀಕ್ಷಿಸಿದ್ದಾರೆ.
ಯಶ್ ಅಭಿನಯದ 'ಕೆಜಿಎಫ್ 2' ಚಿತ್ರದ ಟೀಸರ್ ಕೆಲ ದಿನಗಳ ಹಿಂದಷ್ಟೇ ಬಿಡುಗಡೆಯಾಗಿತ್ತು. ಭಾರತೀಯ ಚಿತ್ರರಂಗದ ಎಲ್ಲಾ ಹಳೆಯ ದಾಖಲೆಗಳನ್ನು ಈ ಚಿತ್ರದ ಟೀಸರ್ ಪುಡಿಪುಡಿ ಮಾಡಿದೆ.
- " class="align-text-top noRightClick twitterSection" data="">
ಶನಿವಾರ ಸಂಜೆ ವೇಳೆಗೆ ಯೂಟ್ಯೂಬ್ನಲ್ಲಿ 'ಕೆಜಿಎಫ್ 2' ಚಿತ್ರದ ಟೀಸರ್ ಅನ್ನು 100 ಮಿಲಿಯನ್ಗೂ ಅಧಿಕ ಮಂದಿ ವೀಕ್ಷಿಸಿದ್ದಾರೆ. ಈ ಮೂಲಕ 'ಸೂರ್ಯವಂಶಿ', 'ಮಾಸ್ಟರ್', 'ದಿಲ್ ಬೇಚಾರಾ' ಮುಂತಾದ ಚಿತ್ರಗಳ ಹಿಂದಿನ ದಾಖಲೆಗಳನ್ನು ಮುರಿದು ಹಾಕಿತ್ತು.
ಭಾರತೀಯ ಚಿತ್ರರಂಗದಲ್ಲೇ ಅತಿ ಹೆಚ್ಚು ವೀಕ್ಷಣೆಗೆ ಒಳಗಾದ ಟ್ರೈಲರ್ ಎಂಬ ಹೆಗ್ಗಳಿಕೆಗೆ 'ಬಾಹುಬಲಿ 2' ಪಾತ್ರವಾಗಿದೆ. ಈ ಟ್ರೈಲರ್ ಅನ್ನು 11 ಕೋಟಿ 80 ಲಕ್ಷ ಮಂದಿ ವೀಕ್ಷಣೆ ಮಾಡಿದ್ದರು. ಈಗಾಗಲೇ 'ಕೆಜಿಎಫ್ 2' ಚಿತ್ರದ ಟೀಸರ್ ಅನ್ನು 11 ಕೋಟಿ 70 ಲಕ್ಷ ಜನರು ವೀಕ್ಷಣೆ ಮಾಡಿದ್ದು, 'ಬಾಹುಬಲಿ 2' ಚಿತ್ರದ ಟ್ರೈಲರ್ ದಾಖಲೆಯನ್ನು ಸಹ ಕೆಜಿಎಫ್-2 ಚಿತ್ರ ಮುರಿದಿದೆ.
ಮೂರು ವರ್ಷಗಳಲ್ಲಿ ಭಾರತದಲ್ಲಿ ಅತ್ಯಂತ ಹೆಚ್ಚು ವೀಕ್ಷಣೆಯಾದ ಟೀಸರ್ ಎಂಬ ಹೆಗ್ಗಳಿಕೆಗೆ 'ಬಾಹುಬಲಿ- 2' ಪಾತ್ರವಾಗಿತ್ತು. ಆದರೆ 'ಕೆಜಿಎಫ್ 2' ಆ ದಾಖಲೆಯನ್ನು ಮೂರೇ ದಿನಗಳಲ್ಲಿ ಮುರಿದಿದೆ.
