ಅಮಿತಾ ಬಚ್ಚನ್ ನಡೆಸಿಕೊಡುತ್ತಿದ್ದ ಕೌನ್ ಬನೇಗಾ ಕರೋಡ್ ಪತಿ ಕಾರ್ಯಕ್ರಮದಲ್ಲಿ ಒಂದು ಕೋಟಿ ಗೆದ್ದಿದ್ದ ಬಬಿತಾ ತಡೆ ಚುನಾವಣಾ ಆಯೋಗದ ಸ್ವೀಪ್ ಕಾರ್ಯಕ್ರಮದ ಅಮರಾವತಿ ಜಿಲ್ಲೆಯ ರಾಯಾಭಾರಿಯಾಗಿ ನೇಮಕಗೊಂಡಿದ್ದಾರೆ.
ದಿ ಸಿಸ್ಟಮ್ಯಾಟಿಕ್ ವೋಟರ್ಸ್ ಎಜುಕೇಷನ್ ಅಂಡ್ ಎಲೆಕ್ಟ್ರೋಲ್ ಪಾರ್ಟಿಸಿಪೇಷನ್(ಸ್ವೀಪ್)- ಈ ಕಾರ್ಯಕ್ರಮವನ್ನು ಚುನಾವಣಾ ಆಯೋಗ ನಡೆಸುತ್ತಿದ್ದು, ಇದರ ಉದ್ದೇಶ ಜನರಿಗೆ ಮತದಾನದ ಅರಿವು ಮೂಡಿಸುವುದಾಗಿದೆ.
ಇನ್ನು ಬಬಿತಾ ತಡೆ, ಅಮರಾವತಿ ಜಿಲ್ಲೆಯ ಅಂಜನಾಗೌನ್ ಸುರ್ಜಿ ಹಳ್ಳಿಯ ನಿವಾಸಿ. ಇವರು ಸರ್ಕಾರಿ ಶಾಲೆಯ ಮಧ್ಯಹ್ನದ ಬಿಸಿ ಊಟ ತಯಾರಿ ಮಾಡುವ ಕೆಲಸ ಮಾಡುತ್ತಿದ್ದರು. ಕೌನ್ ಬನೇಗಾ ಕರೋಡ್ ಪತಿಯಲ್ಲಿ ಒಂದು ಕೋಟಿ ಗೆದ್ದಿದ್ದರು.
ಈ ಬಗ್ಗೆ ಮಾತನಾಡಿರುವ ಬಬಿತಾ, ನಾನು ಮತದಾನದ ಬಗ್ಗೆ ಮಾಹಿತಿ ನೀಡಲು ಎಲ್ಲರನ್ನು ಸಂಪರ್ಕಿಸಲು ಪ್ರಯತ್ನಿಸುತ್ತೇನೆ. ಅದರಲ್ಲೂ ಹಳ್ಳಿ ಜನರಿಗೆ ತಮ್ಮ ಅಮೂಲ್ಯವಾದ ಹಕ್ಕನ್ನು ಚಲಾಯಿಸುವಂತೆ ಅರಿವು ಮೂಡಿಸುತ್ತೇನೆ ಎಂದಿದ್ದಾರೆ.
