ಈಗಾಗಲೇ ಹಿಂದಿ, ತೆಲುಗು ಹಾಗೂ ತಮಿಳು ಭಾಷೆಗೆ ಈ ಚಿತ್ರ ಡಬ್ ಆಗುತ್ತಿದೆ. ಇವುಗಳಿಗೆ ಆಯಾ ಭಾಷೆಯ ಹೆಸರಾಂತ ನಟ-ನಟಿಯರು ಧ್ವನಿ ನೀಡಿದ್ದಾರೆ. ಹಿಂದಿ ಆವತರಣಿಕೆಯ ಬಾಲಿವುಡ್ ಬಾದ್ಷಾ ಶಾರುಖ್ ಖಾನ್ ಹಾಗೂ ಅವರ ಪುತ್ರ ಆರ್ಯನ್ ಖಾನ್ ಡಬ್ ಮಾಡಿದ್ದಾರೆ. ಟಾಲಿವುಡ್ನಲ್ಲಿ ನಟ ನಾಣಿ, ಜಗಪತಿ ಬಾಬು, ಆರ್ಮುಗಂ ಖ್ಯಾತಿಯ ರವಿಶಂಕರ್ ಕಂಠದಾನ ಮಾಡಿದ್ದಾರೆ. ಅದರಂತೆ ಕನ್ನಡದ ನಟರು ಈ ಚಿತ್ರಕ್ಕೆ ಡಬ್ ಮಾಡಲಿ ಎಂದು ಕನ್ನಡ ಪರ ಸಂಘಟನೆಗಳು, ಡಬ್ಬಿಂಗ್ ಪರ ಹೋರಾಟಗಾರರು ಒಕ್ಕೂರಲಿನಿಂದ ಒತ್ತಾಯಿಸಿ ಇಂದು ಸಂಜೆ 6.30ಕ್ಕೆ ಟ್ವಿಟರ್ಲ್ಲಿ 'ನಿಮ್ಮ ಧ್ವನಿ ಕನ್ನಡಕ್ಕೆ ಹೆಮ್ಮೆ' ಹ್ಯಾಷ್ ಟ್ಯಾಗ್ನಡಿ ಅಭಿಯಾನ ಪ್ರಾರಂಭಿಸುತ್ತಿದ್ದಾರೆ.
ಇನ್ನು 'ದಿ ಲಯನ್ ಕಿಂಗ್' ಸಿನಿಮಾ ಕನ್ನಡಕ್ಕೆ ಡಬ್ ಆಗಬೇಕೆಂದು ಒತ್ತಾಯಿಸುತ್ತಿರುವ ಕನ್ನಡ ಸಿನಿಪ್ರೇಮಿಗಳು, ಅಭಿನಯ ಚಕ್ರವರ್ತಿ ಸುದೀಪ್, ನಟ ಆದಿತ್ಯಾ, ಆರ್ಮುಗಂ ಖ್ಯಾತಿಯ ರವಿಶಂಕರ್, ಚಿಕ್ಕಣ್ಣ, ಸಾಧು ಕೋಕಿಲಾ ಹಾಗೂ ರಾಧಿಕಾ ಪಂಡಿತ್ ಧ್ವನಿ ನೀಡಲಿ ಎಂದು ಸಲಹೆ ನೀಡುತ್ತಿದ್ದಾರೆ.
ಈಗಾಗಲೇ ಕನ್ನಡ ಚಿತ್ರರಂಗಕ್ಕೆ ಡಬ್ಬಿಂಗ್ ಕಾಲಿಟ್ಟಿದೆ. ಈಗಾಗಲೇ ತಮಿಳು ಹಾಗು ಮಲಯಾಳಂನ ಕೆಲ ಸಿನಿಮಾಗಳು ಕನ್ನಡಕ್ಕೆ ಡಬ್ ಆಗಿವೆ. ಹಾಲಿವುಡ್ನ ಫಾಸ್ಟ್ ಆ್ಯಂಡ್ ಪ್ಯೂರಿಯಸ್ ಹೊಸ ಸರಣಿ ಕೂಡ ಕನ್ನಡಕ್ಕೆ ಡಬ್ ಆಗಿ ಬಿಡುಗಡೆಯಾಗುತ್ತಿದೆ. ಇದೀಗ ದಿ ಲಿಯನ್ ಕಿಂಗ್ ಸಿನಿಮಾವನ್ನೂ ಮಾತೃ ಭಾಷೆಯಲ್ಲೇ ಕಣ್ತುಂಬಿಕೊಳ್ಳಬೇಕೆಂಬುದು ಕನ್ನಡಿಗರ ಆಶಯವಾಗಿದೆ.
