ಕೇವಲ ಇನ್ನೆರಡು ವಾರ ಉಳಿದಿರುವ ಕನ್ನಡದ ಬಿಗ್ ಪ್ರೇಕ್ಷಕರಿಗೆ ಕುತೂಹಲದ ಆಗರವಾಗಿದೆ. ಅದ್ರಲ್ಲೂ ಇತ್ತೀಚೆಗೆ ನಡೆಯುತ್ತಿರುವ ಟಾಸ್ಕ್ಗಳು ಕೂಡ ಬಿಗ್ ಬಾಸ್ ಸ್ಪರ್ಧಿಗಳಿಗೆ ಒತ್ತಡದ ಮೇಲೆ ಒತ್ತಡ ತರುತ್ತಿವೆ.
ನಿನ್ನೆ ವಾರದ ಕಥೆ ಕಿಚ್ಚನ ಜೊತೆ ಕಾರ್ಯಕ್ರಮಕ್ಕಾಗಿ ಕಾದು ಕುಳಿತಿದ್ದ ಪ್ರೇಕ್ಷಕರಿಗೆ ಒಳ್ಳೊಳ್ಳೆ ಸುದ್ದಿ ಸಿಕ್ಕಿವೆ. ಮೊದಲನೆಯದಾಗಿ ನೋಡೋದಾದ್ರೆ, ಈ ವಾರದ ಕಿಚ್ಚನ ಚಪ್ಪಾಳೆ ಪ್ರಿಯಾಂಕಾಗೆ ಸಿಕ್ಕಿದೆ.
ಈ ವಾರದ ಕಿಚ್ಚನ ಚಪ್ಪಾಳೆ ಒಂಚೂರು ವಿಶೇಷವಾಗಿತ್ತು. ಯಾಕಂದ್ರೆ, ಯಾರು ಕಿಚ್ಚನ ಚಪ್ಪಾಳೆ ಪಡೆಯುತ್ತಾರೋ ಅವರಿಗೆ ಸುದೀಪನಿಂದ ಒಂದು ಸರ್ಪ್ರೈಸ್ ಗಿಫ್ಟ್ ಸಿಗಲಿದೆ ಎಂದು ಈ ಹಿಂದಿನ ಸಂಚಿಕೆಯಲ್ಲಿ ಹೇಳಲಾಗಿತ್ತು. ಅದ್ರಂತೆ ಈ ವಾರದ ಕಿಚ್ಚನ ಚಪ್ಪಾಳೆ ಜೊತೆ ಕಿಚ್ಚನ ಜಾಕೆಟ್ ಕೂಡ ಪ್ರಿಯಾಂಕಾಗೆ ಸಿಕ್ಕಿದೆ. ಎಲಿಮಿನೇಷನ್ ವಿಚಾರ ನೋಡುವುದಾದ್ರೆ ಈ ವಾರ ಬಿಗ್‌ಬಾಸ್ ಮನೆಯಿಂದ ಕಿಶನ್ ಔಟ್ ಆಗಿದ್ದಾರೆ. ಇನ್ನೊಂದು ವಿಶೇಷ ಅಂದ್ರೆ ಕಿಶನ್ ಬಿಗ್‌ಬಾಸ್ ಮನೆಯಿಂದ ಬಿಗ್‌ಬಾಸ್ ವೇದಿಕೆಗೆ ಹೋದಾಗ ಅಲ್ಲಿ ಕಿಚ್ಚನಿಂದ ಒಂದು ಜಾಕೆಟ್ ಕೂಡ ಸಿಕ್ಕಿದೆ.
