ಕೇರಳದಲ್ಲಿ ಆಚರಿಸುವ ಪ್ರಮುಖ ಹಬ್ಬಗಳ ಪೈಕಿ ಓಣಂ ಕೂಡ ಒಂದು. ಓಣಂ ಹಬ್ಬದಂದು ಮಲಯಾಳಂ ಸಮುದಾಯದವರು ರಾಜ ಮಹಾಬಲಿಯ ಮರಳುವಿಕೆಯನ್ನು ನೆನೆಯುತ್ತಾರೆ. ಇದರ ಜೊತೆಗೆ ಪೂಕಳಂ ಕೂಡಾ ಒಣಂ ಹಬ್ಬದ ಕೇಂದ್ರಬಿಂದು ಹೌದು. ಆ ದಿನ ವಿವಿಧ ನಮೂನೆಯ, ವಿವಿಧ ಬಣ್ಣಗಳ ಹೂವುಗಳನ್ನು ಸಂಗ್ರಹಿಸಿ ಮನೆಯ ಮುಂದೆ ಹೂವಿನ ರಂಗೋಲಿಯನ್ನು ಹಾಕುತ್ತಾರೆ.
ಈಗ್ಯಾಕೆ ಓಣಂನ ವಿಚಾರ ಎಂದು ಹೇಳುತ್ತೀರಾ? ಕನ್ನಡ ಕಿರುತೆರೆಯ ನಟಿಮಣಿಯರು ಕೂಡ ಸಾಂಪ್ರದಾಯಿಕ ಹಬ್ಬ ಓಣಂನ ಸಂಭ್ರಮದಲ್ಲಿದ್ದಾರೆ. ಕೇರಳದ ಸಾಂಪ್ರದಾಯಿಕ ಉಡುಗೆಯ ಜೊತೆಗೆ ಪೂಕಳಂ ಸಿದ್ಧ ಮಾಡಿರುವ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ.
ಹಾಡು ಕರ್ನಾಟಕ ಶೋ ನಿರೂಪಕಿಯಾಗಿ ಮನ ಸೆಳೆದಿರುವ ಚಂದನಾ ಅನಂತಕೃಷ್ಣ ಅವರು ಕೇರಳ ಸೀರೆಯಲ್ಲಿ ಮಿಂಚುತ್ತಿದ್ದು ಪೂಕಳಂ ಮಾಡುತ್ತಿರುವ ಫೋಟೋಗಳನ್ನು ಇನ್ ಸ್ಟಾಗ್ರಾಂನಲ್ಲಿ ಶೇರ್ ಮಾಡಿದ್ದಾರೆ.
ಇನ್ನು ನಾಗಿಣಿ 2 ರಲ್ಲಿ ನಾಯಕಿ ಶಿವಾನಿಯಾಗಿ ಅಭಿನಯಸುತ್ತಿರುವ ನಮ್ರತಾ ಗೌಡ ಕೂಡಾ ಕೇರಳ ಸೀರೆಯಲ್ಲಿ ಫೋಟೋಶೂಟ್ ಮಾಡಿಸಿಕೊಂಡಿದ್ದು ಫೋಟೋ ಹಂಚಿಕೊಂಡಿದ್ದಾರೆ. ಕೇರಳ ಸೀರೆಯಲ್ಲಿ ಮುದ್ದಾಗಿ ಕಂಗೊಳಿಸುತ್ತಿರುವ ನಮ್ರತಾ ಗೌಡ ಅವರು ಓಣಂ ಗೆ ಶುಭ ಕೋರಿದ್ದಾರೆ.
ಇದರ ಜೊತೆಗೆ ನಟಿ, ಉದ್ಯಮಿಯಾಗಿರುವ ದೀಪಿಕಾ ದಾಸ್ ಕೂಡಾ ಓಣಂ ಸಲುವಾಗಿ ವಿಭಿನ್ನ ರೀತಿಯ ಫೋಟೋವೊಂದನ್ನು ಹಂಚಿಕೊಂಡಿದ್ದು ಶುಭಾಶಯಗಳನ್ನು ಕೋರಿದ್ದಾರೆ.
