ಕಂಗನಾ ರಣಾವತ್ ಅಂದ್ರೆ ಪಡ್ಡೆ ಹುಡುಗರಿಗೆ ಅದೇನೋ ಒಂಥಾರಾ ಕ್ರಶ್. ಇವರಂತೂ ಬೋಲ್ಡ್ನೆಸ್ನಿಂದಲೇ ಎಲ್ಲರ ಗಮನ ಸೆಳೆಯುತ್ತಿದ್ದಾರೆ. ಈ ಬಾಲಿವುಡ್ ತಾರೆ 'ತಲೈವಿ' ಎಂಬ ತಮಿಳು ಸಿನಿಮಾದಲ್ಲಿ ನಟಿಸುತ್ತಾ ಸುದ್ದಿಯಲ್ಲಿದ್ದಾರೆ. ಆದ್ರೆ ಲೆಟೆಸ್ಟ್‌ ವಿಷಯ ಏನಪ್ಪ ಅಂದ್ರೆ, ಕಂಗನಾಗೆ ತಮಿಳು ಕಲಿಯಲು ತುಂಬಾನೆ ಕಷ್ಟ ಆಗ್ತಿದ್ಯಂತೆ.
ತಮಿಳು, ಹಿಂದಿ ಮತ್ತು ತೆಲುಗಿನಲ್ಲಿ ಈ ಸಿನಿಮಾ ತೆರೆಗೆ ಬರುತ್ತಿದ್ದು, ತಮಿಳು ಭಾಷೆಯಲ್ಲಿ 'ತಲೈವಿ'ಯಾಗಿ ಮತ್ತು ಹಿಂದಿಯಲ್ಲಿ 'ಜಯ' ಎಂಬ ಹೆಸರಿನಲ್ಲಿ ಈ ಸಿನಿಮಾ ಸಿದ್ದಗೊಳ್ತಿದೆ.
ಸಿನಿಮಾ ಶೂಟಿಂಗ್ ಮಾಡುವಾಗ ಕಂಗನಾಗೆ ತಮಿಳು ಭಾಷೆ ಕಲಿಕೆ ಸ್ವಲ್ಪ ಕಷ್ಟ ಅನ್ನೋ ಅರಿವಾಗಿದೆ. ಈ ಬಗ್ಗೆ ಮಾತನಾಡಿರುವ ಅವರು, ನನಗೆ ತಮಿಳು ಕಲಿಯಲು ತುಂಬಾ ಕಷ್ಟ ಆಗ್ತಿದೆ. ಯಾಕಂದ್ರೆ ಅದು ಕಷ್ಟದ ಭಾಷೆ. ಇನ್ನು ಕೆಲವು ಬಾರಿ ಡೈಲಾಗ್ಗಳನ್ನು ಕಂಠಪಾಟ ಮಾಡಿ ಹೇಳಿದ್ದೂ ಉಂಟು. ಆದ್ರೆ, ಸ್ಕ್ರಿಪ್ಟ್ ಡಿಮ್ಯಾಂಡ್ ಮಾಡ್ತಾ ಇರೋದ್ರಿಂದ ತಮಿಳನ್ನು ಕಲಿಯಲು ಪ್ರಯತ್ನಿಸುತ್ತಿದ್ದೇನೆ. ಈ ಹಿಂದೆ ಇಂಗ್ಲಿಷ್ ಕಲಿಯಲು ಕೂಡ ಕಷ್ಟಪಟ್ಟಿದ್ದೆ ಎಂದು 'ಮಣಿಕರ್ಣಿಕಾ' ನಟಿ ಹೇಳಿಕೊಂಡಿದ್ದಾರೆ.
ತಲೈವಿ ಸಿನಿಮಾ ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ದಿವಂಗತ ಜಯಲಲಿತಾ ಜೀವನಾಧಾರಿತ ನಿರ್ಮಿತಿಯಾಗಿದೆ. ಚಿತ್ರಕ್ಕೆ ಎ.ಎಲ್. ಅಜಯ್ ನಿರ್ದೇಶನವಿದ್ದು, 2020ಕ್ಕೆ ತೆರೆ ಮೇಲೆ ನಲಿಯುವ ಸಾಧ್ಯತೆಗಳಿವೆ.
