ತಮ್ಮ ಬಹುಕಾಲದ ಗೆಳೆಯ ಗೌತಮ್ ಜೊತೆ 2020ರ ಅಕ್ಟೋಬರ್ನಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದ ದಕ್ಷಿಣ ಭಾರತ ಚಿತ್ರರಂಗದ ಖ್ಯಾತ ನಟಿ ಕಾಜಲ್ ಅಗರ್ವಾಲ್ ತಮ್ಮ ಮೊದಲನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಈ ವಿಚಾರವನ್ನು ಅವರು 2022ರ ಹೊಸ ವರ್ಷದಂದು ಬಹಿರಂಗಪಡಿಸಿದ್ದರು.
ಇತ್ತೀಚೆಗೆಷ್ಟೇ ಸಾಂಪ್ರಾದಯಕವಾಗಿ ಸೀಮಂತ ಕಾರ್ಯ ನಡೆದಿದ್ದು, ಪತಿ ಜೊತೆಗಿನ ಫೋಟೋಗಳನ್ನು ನಟಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಇದಕ್ಕೆ 'ಭರಾಯಿ ಗೋಧ್' (ಬಯಕೆ ಶಾಸ್ತ್ರ) ಎಂದು ಶೀರ್ಷಿಕೆ ನೀಡಿದ್ದಾರೆ.
ಈ ಪೋಟೋಗಳಲ್ಲಿ ಕೆಂಪು ಬಣ್ಣದ ಬನಾರಸ್ ಸೀರೆ ಹಾಗೂ ಆಭರಣಗಳನ್ನು ತೊಟ್ಟು ಕಾಜಲ್ ರೆಡಿಯಾಗಿದ್ದು, ಗೌತಮ್ ಕೂಡ ಬಿಳಿ ಕುರ್ತಾ-ಪೈಜಾಮಾ ಮತ್ತು ಕೆಂಪು ಬ್ಲೇಜರ್ ಹಾಕಿಕೊಂಡು ಕಾಜಲ್ಗೆ ಮ್ಯಾಚ್ ಮಾಡಿಕೊಂಡಿದ್ದಾರೆ.
ಇದನ್ನೂ ಓದಿ: ನಿಜ ಜೀವನದಲ್ಲೂ ಜೋಡಿಯಾಗಲಿದ್ದಾರಾ ಗೀತ-ಗೋವಿಂದಂ..?
ಇತ್ತ ನಟಿ ಕಾಜಲ್ ನಟನೆಯ ಮಲಯಾಳಂ ಚಿತ್ರ 'ಹೇ ಸಿನಾಮಿಕಾ' ಟ್ರೈಲರ್ನಿಂದ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದ್ದು, ಮಾರ್ಚ್ 3ರಂದು ತೆರೆಗೆ ಬರಲಿದೆ. ಇನ್ನು ಟಾಲಿವುಡ್ ಮೆಗಾಸ್ಟಾರ್ ಚಿರಂಜೀವಿ ಜೊತೆಗೆ ಮುಂಬರುವ ತೆಲುಗು ಚಲನಚಿತ್ರ 'ಆಚಾರ್ಯ'ದಲ್ಲಿ ಕಾಜಲ್ ಕಾಣಿಸಿಕೊಳ್ಳಲಿದ್ದಾರೆ.
