ನಿಖಿಲ್ ಕುಮಾರಸ್ವಾಮಿ ಅಭಿನಯದ ಜಾಗ್ವಾರ್ ಸಿನಿಮಾ ಮೂಲಕ ಕನ್ನಡಿಗರಿಗೆ ಹತ್ತಿರವಾಗಿದ್ದ ನಟಿ ದೀಪ್ತಿ ಸತಿ ಸದ್ಯ ಸ್ಯಾಂಡಲ್ವುಡ್ನಲ್ಲಿ ಬ್ಯುಸಿಯಾಗಿದ್ದಾರೆ. ತಮ್ಮ ಎರಡನೇ ಸಿನಿಮಾ 'ರಾಜ ಮಾರ್ತಾಂಡ'ದ ಚಿತ್ರೀಕರಣದ ಹಂತದಲ್ಲಿರುವಾಗಲೇ ಮೂರನೇ ಚಿತ್ರ 'ಲೆಗಸಿ'ಗೆ ಓಕೆ ಅಂದಿದ್ದು ಪಂಚತಂತ್ರ ಚಿತ್ರ ನಾಯಕ ವಿಹಾನ್ಗೆ ಜೊತೆಯಾಗಿದ್ದಾರೆ.
ಗ್ರೇಟ್ ಬ್ರೋಸ್ ಪಿಕ್ಚರ್ ಅಡಿಯಲ್ಲಿ ‘ಲೆಗಸಿ’ ಚಿತ್ರ ಮುಹೂರ್ತ ಆಚರಿಸಿಕೊಂಡು ಮುಂದಿನ ವಾರದಿಂದ ಚಿತ್ರೀಕರಣ ಪ್ರಾರಂಭಿಸಲಿದೆ. ಬೆಂಗಳೂರು, ಮದ್ದೂರು, ದೊಡ್ಡಬಳ್ಳಾಪುರ, ಮಡಿಕೇರಿ ಹಾಗೂ ರಾಮನಗರದಲ್ಲಿ ಚಿತ್ರೀಕರಣ ನಡೆಯಲಿದೆ. ಇದೊಂದು ಬರಹಗಾರನ ಕುರಿತಾದ ಚಿತ್ರವಾಗಿದ್ದು, 1990 ರಿಂದ 2019 ರ ವರೆಗೆ ಚಿತ್ರಕಥೆ ಹರಿದು ಬರಲಿದೆ. ಆ್ಯಕ್ಷನ್, ಥ್ರಿಲ್ ಅಂಶಗಳನ್ನು ಚಿತ್ರ ಒಳಗೊಂಡಿದೆ. ಜೊತೆಗೆ ತಂದೆ ಹಾಗೂ ಮಗನ ಸೆಂಟಿಮೆಂಟ್ ಎಳೆಯೂ ಸಹ ಇದೆಯಂತೆ.
ಸುರೇಶ್ ರಾಜ್ ಸಂಗೀತ, ಸುಂದರ್ ಪಿ.ಛಾಯಾಗ್ರಹಣ, ಶಿವ-ಪ್ರೇಮ್ ಸಾಹಸ, ಸುನಿಲ್ ಎಸ್.ಎಲ್.ಆರ್ ಸಂಕಲನ, ಜಯಂತ್ ಕಾಯ್ಕಿಣಿ ಹಾಗೂ ನಾಗೇಂದ್ರ ಪ್ರಸಾದ್ ಗೀತೆಗಳನ್ನು ಬರೆದಿದ್ದಾರೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ಕೆಲವು ಸಿನಿಮಾಗಳಲ್ಲಿ ಸಹಾಯಕ ನಿರ್ದೇಶಕ ಆಗಿದ್ದ ಎಂ.ಸುಭಾಷ್ ಚಂದ್ರ ‘ಲೆಗಸಿ’ ಮೂಲಕ ಸ್ವತಂತ್ರ ನಿರ್ದೇಶಕ ಆಗುತ್ತಿದ್ದಾರೆ.
