ನಿರ್ದೇಶಕ ಗುರುಪ್ರಸಾದ್ ಮಾತಿನ ಮಲ್ಲ, ಸಮಯಕ್ಕೆ ಸರಿಯಾಗಿ ಯಾರದಾದ್ರೂ ಕಾಲೆಳೆಯುತ್ತಾರೆ. ‘ಮಠ’ ಚಿತ್ರದಿಂದ ಖ್ಯಾತಿ ಪಡೆದ ಗುರುಪ್ರಸಾದ್ಗೆ ನಂತರ ‘ಎದ್ದೇಳು ಮಂಜುನಾಥ’ ಸಿನಿಮಾ ಕೂಡಾ ಹೆಸರು ತಂದುಕೊಟ್ಟಿತು. ಇದೀಗ ನಟ ಜಗ್ಗೇಶ್ ಜೊತೆ 'ರಂಗನಾಯಕ' ಎಂಬ ಸಿನಿಮಾ ಮಾಡುತ್ತಿದ್ದಾರೆ.
ಬಹಳ ವರ್ಷಗಳಿಂದ ದೂರವಿದ್ದ ಜಗ್ಗೇಶ್ ಹಾಗೂ ಗುರುಪ್ರಸಾದ್ ಮನಸ್ತಾಪ ಮರೆತು ಮತ್ತೆ ಒಂದಾಗಿದ್ದಾರೆ. ನಿನ್ನೆ ವಿಜಯ ದಶಮಿ ಅಂಗವಾಗಿ ಚಿತ್ರದ ಟೀಸರ್ ಕೂಡಾ ಬಿಡುಗಡೆಯಾಗಿದೆ. ಅಂದಹಾಗೆ ಗುರುಪ್ರಸಾದ್ ನಿರ್ಮಾಪಕ ಕನಕಪುರ ಶ್ರೀನಿವಾಸ್ ಕಾಲೆಳೆದಿದ್ದು ಏಕೆ ಎಂಬುದನ್ನು ಮುಂದೆ ಓದಿ. 'ಮಠ' ಸಿನಿಮಾ ಬಿಡುಗಡೆಯಾದಾಗ ಥಿಯೇಟರ್ನಲ್ಲಿ ಸಿನಿಮಾ ನೋಡಿ ನನಗೆ ಸಿನಿಮಾನೇ ಅರ್ಥ ಆಗಲಿಲ್ಲ ಎಂದಿದ್ದರಂತೆ ನಿರ್ಮಾಪಕ ಕನಕಪುರ ಶ್ರೀನಿವಾಸ್. ಅಲ್ಲದೆ ಬೇರೆ ನಿರ್ಮಾಪಕರ ಸಿನಿಮಾವೊಂದನ್ನು ನೋಡಿ ಬಂದು ಒಂದೇ ಎಳೆಯಲ್ಲಿ ಆ ಸಿನಿಮಾ ಗುಟ್ಟನ್ನು ಶ್ರೀನಿವಾಸ್ ಹೊರಗೆ ಹೇಳಿಬಿಟ್ಟರು. ಇಂತಹ ನಿರ್ಮಾಪಕರ ಮಧ್ಯೆ ನಾವು ಈ ಗಾಂಧಿನಗರದಲ್ಲಿ ಬದುಕಬೇಕಾಗಿದೆ' ಎಂದು ಕನಕಪುರ ಶ್ರೀನಿವಾಸ್ ಬಗ್ಗೆ ಗುರುಪ್ರಸಾದ್ ನಿನ್ನೆ ಆಡಿಯೋ ಬಿಡುಗಡೆ ಕಾರ್ಯಕ್ರಮದಲ್ಲಿ ಮಾತನಾಡಿದರು.
ಆದರೆ ಇದು ಅಲ್ಲಿದ್ದವರಿಗೆ ಸರಿ ಎನಿಸಲಿಲ್ಲ. ಆಗ ನಡೆದ ಘಟನೆಯನ್ನು ಈಗ ಹೇಳುವ ಅಗತ್ಯ ಏನಿತ್ತು. ಅಲ್ಲದೆ ಕನಕಪುರ ಶ್ರೀನಿವಾಸ್ ದುಡ್ಡು ಹಾಕಿ 'ಮಠ' ಸಿನಿಮಾ ಮಾಡಿದ್ದರಿಂದಲೇ 14 ವರ್ಷಗಳ ನಂತರವೂ ಗುರುಪ್ರಸಾದ್ಗೆ ಈ ಜನಪ್ರಿಯತೆ ಇರುತ್ತಿತ್ತಾ ಎಂಬುದು ಎಲ್ಲರ ಪ್ರಶ್ನೆ.
