ಬೆಂಗಳೂರು: ಬಹುನಿರೀಕ್ಷಿತ 'ಕುರುಕ್ಷೇತ್ರ' ಚಿತ್ರ ಇಂದು ಕನ್ನಡ ಮತ್ತು ತೆಲುಗು ಭಾಷೆಗಳಲ್ಲಿ ತೆರೆಗೆ ಅಪ್ಪಳಿಸಿದೆ. ಚಿತ್ರಕ್ಕಾಗಿ ವರ್ಷಗಳಿಂದ ಕಾದುಕುಳಿತಿದ್ದ 'ಡಿ ಬಾಸ್' ಅಭಿಮಾನಿಗಳು ಮೊದಲ ಶೋ ನೋಡಿ ಫುಲ್ ಖುಷ್ ಆಗಿದ್ದಾರೆ.
ದರ್ಶನ್ ಅಭಿಮಾನಿಗಳಿಗಾಗಿ ಇಂದು ತಡರಾತ್ರಿ12:30ರಿಂದ ವಿಶೇಷ ಫ್ಯಾನ್ಸ್ ಶೋ ಏರ್ಪಡಿಸಲಾಗಿತ್ತು. ಚಿತ್ರ ನೋಡಿದ ಪ್ರತಿಯೊಬ್ಬ ಪ್ರೇಕ್ಷಕನೂ ಸಿನಿಮಾಕ್ಕೆ ಫುಲ್ ಮಾರ್ಕ್ಸ್ ನೀಡಿದ್ದಾನೆ. ಜೊತೆಗೆ ಚಿತ್ರ ದೊಡ್ಡ ಯಶಸ್ಸು ಕಾಣುತ್ತೆ, ದರ್ಶನ್ ತೂಗುದೀಪ್ ಅವರು ತುಂಬಾ ಅದ್ಭುತವಾಗಿ ಅಭಿನಯಿಸಿದ್ದಾರೆ ಎಂದೆಲ್ಲಾ ಸಂತಸ ವ್ಯಕ್ತಪಡಿಸಿದ್ದಾರೆ.
ತೆರೆಗೆ ಅಪ್ಪಳಿಸಿದ 'ಕುರುಕ್ಷೇತ್ರ', ಅಭಿಮಾನಿಗಳ ದಿಲ್ ಖುಷ್!
ಚಿತ್ರದಲ್ಲಿ ಸ್ಟಾರ್ ನಟರ ದಂಡೇ ನಟಿಸಿದೆ. ದಿವಂಗತ ರೆಬೆಲ್ ಸ್ಟಾರ್ ಅಂಬರೀಶ್ ಅವರನ್ನು ಅಭಿಮಾನಿಗಳು ಸ್ಮರಿಸಿದ್ದಾರೆ. ಅರ್ಜುನ್ ಸರ್ಜಾ, ನಿಖಿಲ್ ಕುಮಾರಸ್ವಾಮಿ, ರವಿಶಂಕರ್, ಶ್ರೀನಾಥ್, ರಮೇಶ್ ಭಟ್ ಹೀಗೆ ಎಲ್ಲರೂ ಈ ಒಂದು ಪೌರಾಣಿಕ ಸಿನಿಮಾದಲ್ಲಿ ಮನೋಜ್ಞವಾಗಿ ಆ್ಯಕ್ಟ್‌ ಮಾಡಿದ್ದಾರೆ ಎಂದು ಫಿಲಂ ನೋಡಿದ ಪ್ರೇಕ್ಷಕರು ಬಹುಪರಾಕ್ ಹೇಳಿದ್ದಾರೆ.
