ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ 'ಗಿಮಿಕ್' ಚಿತ್ರ ತೆರೆಗೆ ಬರಲು ಸಿದ್ಧವಾಗಿದೆ. ಮೊನ್ನೆಯಷ್ಟೆ ಈ ಚಿತ್ರದ ಟ್ರೇಲರ್ ರಿಲೀಸ್ ಆಗಿ ಭಾರೀ ಸದ್ದು ಮಾಡ್ತಿದೆ.
- " class="align-text-top noRightClick twitterSection" data="">
ಕಾಮಿಡಿ ಹಾರರ್ ಕಥಾಹಂದರದ ಗಿಮಿಕ್ ಟ್ರೇಲರ್ ಅದ್ಭುತವಾಗಿ ಮೂಡಿ ಬಂದಿದೆ. ಬಂಗ್ಲೋವೊಂದರಲ್ಲಿ ಭೂತಗಳ ಜತೆ ನಟ ಗಣೇಶ್ನ ಕಾಮಿಡಿ ಟಾಕ್ ಮಜವಾಗಿ ಮೂಡಿ ಬಂದಿದೆ. ಈ ಚಿತ್ರದಲ್ಲಿ ದೆವ್ವಗಳ ಅಬ್ಬರವಿದೆ. ಆದರೆ, ಇದರೊಂದಿಗೆ ಹಾಸ್ಯದ ಹೊನಲು ಕೂಡ ಸಿಕ್ಕಾಪಟ್ಟೆಯಿದೆ. ಟ್ರೇಲರ್ನಲ್ಲಿ ಹಾಸ್ಯದ ಜತೆ ಹಾರರ್ ತುಂಬಿರುವ ಚಿತ್ರತಂಡ, ಚಿತ್ರದುದ್ದಕ್ಕೂ ಪ್ರೇಕ್ಷಕರನ್ನು ನಗಿಸುವುದು ನೋ ಡೌಟ್. ಗಿಮಿಕ್ ನಟ ಗಣೇಶ್ ಅವರ ಮೊದಲ ಹಾರರ್ ಮೂವಿ.
- " class="align-text-top noRightClick twitterSection" data="">
ಇನ್ನು ಟ್ರೇಲರ್ ನೋಡಿ ಮೆಚ್ಚಿಕೊಂಡಿರುವ ಪ್ರೇಕ್ಷಕರು ಗಿಮಿಕ್ ಮೇಲೆ ಅಸಾಮಾಧಾನ ಕೂಡ ವ್ಯಕ್ತಪಡಿಸಿದ್ದಾರೆ. ಇದು ತಮಿಳಿನ 'ದಿಲ್ಲುಕ್ಕು ದುಡ್ಡು' ಚಿತ್ರದ ರಿಮೇಕ್. 2016 ರಲ್ಲಿ ತೆರೆ ಕಂಡಿದ್ದ ಈ ಚಿತ್ರ ಸೂಪರ್ ಹಿಟ್ ಆಗಿತ್ತು. ಅದನ್ನೇ ಕನ್ನಡಕ್ಕೆ ತರುವ ಪ್ರಯತ್ನ ಮಾಡಿದೆ ಚಿತ್ರತಂಡ ಎನ್ನುವ ಮಾತುಗಳು ಕೇಳಿ ಬರುತ್ತಿವೆ. ಸದ್ಯ ರಿಲೀಸ್ ಆಗಿರುವ ಗಿಮಿಕ್ ಟ್ರೇಲರ್ ಹಾಗೂ 'ದಿಲ್ಲುಕ್ಕು ದುಡ್ಡು' ಚಿತ್ರದ ಟ್ರೇಲರ್ನಲ್ಲಿ ಸಾಕಷ್ಟು ಸಾಮತ್ಯ ಇದೆ. ಇದನ್ನೇ ಪ್ರಶ್ನಿಸುತ್ತಿರುವ ನೆಟ್ಟಿಗರು, ರಿಮೇಕ್ ಚಿತ್ರ ಯಾಕೆ ಮಾಡ್ತೀರಾ ? ಕನ್ನಡದಲ್ಲಿ ಒಳ್ಳೆ ಪ್ರತಿಭೆಗಳಿವೆ. ಈ ರೀತಿ ರಿಮೇಕ್ ಚಿತ್ರಗಳಿಂದ ಕನ್ನಡ ಚಿತ್ರೋದ್ಯಮ ಬೆಳೆಯಲ್ಲ ಎಂದೆಲ್ಲಾ ಕಾಮೆಂಟ್ ಮಾಡಿದ್ದಾರೆ.
ಇನ್ನು ಕೆಲವರು ಇದು ತಮಿಳು ರಿಮೇಕ್ ಆಗಿದ್ದರು ಕೂಡ ಉತ್ತಮವಾಗಿ ಮೂಡಿ ಬಂದಿದೆ. ಚಿತ್ರಕ್ಕೆ ಒಳ್ಳೆಯದಾಗಲಿ ಎಂದು ವಿಶ್ ಮಾಡಿದ್ದಾರೆ.
