ಎಂಆರ್ಪಿ ಎನ್ನುವ ಕ್ಯಾಚಿ ಟೈಟಲ್ ಇಟ್ಟುಕೊಂಡು ಪ್ರೇಕ್ಷಕರ ಎದುರು ನಗಿಸಲು ಬರುತ್ತಿದ್ದಾರೆ ನಟ ಹರಿ. ಸಹಜವಾಗಿ ಎಂಆರ್ಪಿ ಅನ್ನೋದು ವಸ್ತುಗಳ ಬೆಲೆ ಸೂಚಿಸುತ್ತದೆ. ಆದರೆ, ಇಲ್ಲಿ ಎಂಆರ್ಪಿ ಅಂದ್ರೆ 'ಮೋಸ್ಟ್ ರೆಸ್ಪಾನ್ಸಿಬಲ್ ಪರ್ಸನ್' ಅಂತೆ.
ನಿನ್ನೆ ಮಾಧ್ಯಮಗಳ ಎದುರು ಹಾಜರಾಗಿದ್ದ ನಿರ್ದೇಶಕ ಬಾಹುಬಲಿ, ನಿರ್ಮಾಪಕರಾದ ಎಂ.ಡಿ. ಶ್ರೀಧರ್, ಕೃಷ್ಣ ಕುಮಾರ್, ಮೋಹನ್ ಕುಮಾರ್ ಹಾಗು ರಂಗಸ್ವಾಮಿ, ಸಂಗೀತ ನಿರ್ದೇಶಕ ಹೆಚ್.ಆರ್.ವಿ ಹರ್ಷವರ್ಧನ್ ರಾಜ್, ನಾಯಕನ ಪಾತ್ರದಾರಿ ಹರಿ, ವಿಜಯ್ ಚೆಂಡೂರ್ ಹಾಗು ಬಾಲ್ ರಾಜ್ವಾಡಿ ಈ ಚಿತ್ರದ ಕುರಿತು ಸಾಕಷ್ಟು ವಿಚಾರಗಳನ್ನು ಹಂಚಿಕೊಂಡ್ರು.
ಈ ಚಿತ್ರದಲ್ಲಿ ನಟ ಹರಿ ದಡೂತಿ ಕಾಯದ ಸ್ಟಾಫ್ಟ್ವೇರ್ ಉದ್ಯೋಗಿ. ವಿಜಯ್ ಚೆಂಡೂರ್ ಇದೇ ಮೊದಲ ಬಾರಿಗೆ ಏಳು ಅವತಾರಗಳಲ್ಲಿ ಈ ಚಿತ್ರದ ಕಾಣಿಸಿಕೊಳ್ಳಲಿದ್ದಾರೆ. ’ನನ್ನ ಮಗಳೆ ಹೀರೋಯಿನ್’ ಚಿತ್ರವನ್ನ ಮಾಡಿದ ನಿರ್ದೇಶಕ ಬಾಹುಬಲಿ ಈ ಬಾರಿ ಔಟ್ ಅಂಡ್ ಔಟ್ ಕಾಮಿಡಿ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ನಿರ್ದೇಶಕ ಎಂ.ಡಿ. ಶ್ರೀಧರ್, ಕ್ಯಾಮರಾಮ್ಯಾನ್ ಆಗಿರೋ ಕೃಷ್ಣಕುಮಾರ್ ಹಾಗೂ ಮೋಹನ್ ಮತ್ತು ರಂಗಸ್ವಾಮಿ ಸೇರಿ ಈ ಸಿನಿಮಾ ಮಾಡಿದ್ದಾರೆ. ಎಲ್.ಎಂ. ಸೂರಿ ಈ ಚಿತ್ರಕ್ಕೆ ಕ್ಯಾಮರಾ ವರ್ಕ್ ಮಾಡಿದ್ದಾರೆ.
ಇನ್ನು ಹರಿ ಫಸ್ಟ್‌ ಟೈಮ್ ಆ್ಯಕ್ಷನ್ ಜೊತೆಗೆ ಯುವ ನಟಿ ಚೈತ್ರಾರೆಡ್ಡಿ ಜೊತೆ ರೊಮ್ಯಾನ್ಸ್ ಕೂಡ ಮಾಡಿದ್ದಾರೆ. ಬಹುತೇಕ ಶೂಟಿಂಗ್ ಮುಗಿಸಿರೋ ಎಂಆರ್ಪಿ ಚಿತ್ರ ಸದ್ಯದಲ್ಲೇ ಟ್ರೇಲರ್ ಬಿಡುಗಡೆ ಮಾಡಿ, ಆಗಸ್ಟ್ನಲ್ಲಿ ಸಿನಿಮಾ ತೆರೆಗೆ ತರಲು ಪ್ಲ್ಯಾನ್ ಮಾಡಿದೆ.
