ಗೌರವದ ಸಂಕೇತವಾಗಿ ಸೆಲಬ್ರಿಟಿಗಳ ಮೇಣದ ಪ್ರತಿಮೆ ಮೇಡಮ್ ಟುಸ್ಸಾಡ್ ಮ್ಯೂಸಿಯಂನಲ್ಲಿ ಸ್ಥಾಪನೆಯಾಗುವುದು ಸಹಜ. ಆದರೆ ಇದೇ ಮೊದಲ ಬಾರಿಗೆ ಕರಣ್ ಜೋಹರ್ ಅವರಂತಹ ಚಿತ್ರೋದ್ಯಮಿಯೊಬ್ಬರ ಮೇಣದ ಪ್ರತಿಮೆ ಸ್ಥಾಪನೆಯಾಗಿದೆ.
ಸಿಂಗಾಪುರ್ನ ಮೇಡಮ್ ಟುಸ್ಸಾಡ್ ವ್ಯಾಕ್ಸ್ ಮ್ಯೂಸಿಯಂನಲ್ಲಿ ತನ್ನ ತಾಯಿಯೊಂದಿಗೆ ಕರಣ್ ಇಂದು ತಮ್ಮದೇ ಮೇಣದ ಪ್ರತಿಮೆಯನ್ನು ಲೋಕಾರ್ಪಣೆ ಮಾಡಿದ್ದಾರೆ. ಬಾಲಿವುಡ್ನ ಪ್ರಮುಖ ಚಿತ್ರೋದ್ಯಮಿಗಳಲ್ಲಿ ಕರಣ್ ಜೋಹರ್ ಕೂಡಾ ಒಬ್ಬರು. ಹಿಂದಿ ಚಿತ್ರೋದ್ಯಮಕ್ಕೆ ಕರಣ್ ಬಹಳಷ್ಟು ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. ಸೆಲ್ಫಿ ಕ್ಲಿಕ್ಕಿಸಿಕೊಳ್ಳುತ್ತಿರುವ ಪೋಸ್ನಲ್ಲಿರುವ ಮೇಣದ ಪ್ರತಿಮೆಯನ್ನು ಅನಾವಣ ಮಾಡಿದ ಬಳಿಕ ಅದೇ ಪ್ರತಿಮೆಯೊಂದಿಗೆ ಕರಣ್ ಹಾಗೂ ತಾಯಿ ಸೆಲ್ಫಿ ತೆಗೆಸಿಕೊಂಡಿದ್ದಾರೆ. ತಮಗೆ ಈ ಗೌರವ ಲಭಿಸಿರುವುದಕ್ಕೆ ಕರಣ್ ಸಂತೋಷ ವ್ಯಕ್ತಪಡಿಸಿದ್ದಾರೆ.
ಕುಚ್ ಕುಚ್ ಹೋತಾ ಹೈ, ಕಭಿ ಖುಷಿ ಕಭಿ ಗಮ್, ಕಬಿ ಅಲ್ವಿದ ನಾ ಕೆಹನಾ, ಮೈ ನೇಮ್ ಇಸ್ ಖಾನ್, ಕೇಸರಿ, ಕಳಂಕ್ , ಬ್ರಹ್ಮಾಸ್ತ್ರ ಹಾಗೂ ಇನ್ನಿತರ ಸಿನಿಮಾಗಳು ಕರಣ್ ಜೋಹರ್ ನಿರ್ಮಾಣದ ಸಿನಿಮಾಗಳಲ್ಲಿ ಕೆಲವು. ಇವರ ಕನಸಿನ ಕೂಸಾದ 'ಕಳಂಕ್' ಇದೇ ತಿಂಗಳ 17 ರಂದು ಬಿಡುಗಡೆಯಾಗುತ್ತಿದೆ.
