ಡ್ರಗ್ಸ್​ ಪ್ರಕರಣದಲ್ಲಿ ಟಾಲಿವುಡ್ ತಾರೆಯರಿಗೆ ಕ್ಲೀನ್ ಚಿಟ್​

ಈ ಪ್ರಕರಣದಲ್ಲಿ ನಟ ರವಿತೇಜ, ಪೂರಿ ಜಗನ್ನಾಥ್​, ನಟಿ ಚಾರ್ಮಿ , ಮುಮೈತಾ ಖಾನ್​ ಸೇರಿದಂತೆ ಹಲವು ತಾರೆಯರ ಹೆಸರುಗಳು ತಳುಕು ಹಾಕಿಕೊಂಡಿತ್ತು. ಈ ಸೆಲಬ್ರಿಟಿಗಳಿಗೆ ನೋಟಿಸ್​ ನೀಡಿದ್ದ ತನಿಖಾ ತಂಡ, ವಿಚಾರಣೆಗೊಳಪಡಿಸಿತ್ತು.

ಟಾಲಿವುಡ್​ನಲ್ಲಿ ಸಂಚಲನ ಮೂಡಿಸಿದ್ದ ಡ್ರಗ್ಸ್​ ಪ್ರಕರಣ ಕೊನೆಗೂ ಸುಖಾಂತ್ಯ ಕಂಡಿದೆ. ಈ ಪ್ರಕರಣದಲ್ಲಿ ಕೇಳಿ ಬಂದಿದ್ದ ದೊಡ್ಡ ನಟ-ನಟಿಯರಿಗೆ ಕ್ಲೀನ್ ಚಿಟ್​ ಸಿಕ್ಕಿದೆ.

ಹೈದರಾಬಾದ್​ ಪೊಲೀಸರು 2017ರ ಜುಲೈನಲ್ಲಿ ಡ್ರಗ್ಸ್​​ ಜಾಲ ಭೇದಿಸಿದ್ದರು. ಈ ಪ್ರಕರಣದಲ್ಲಿ ನಟ ರವಿತೇಜ, ಪೂರಿ ಜಗನ್ನಾಥ್​, ನಟಿ ಚಾರ್ಮಿ ​, ಮುಮೈತಾ ಖಾನ್​ ಸೇರಿದಂತೆ ಹಲವು ತಾರೆಯರ ಹೆಸರುಗಳು ತಳುಕು ಹಾಕಿಕೊಂಡಿತ್ತು. ಈ ಸೆಲಬ್ರಿಟಿಗಳಿಗೆ ನೋಟಿಸ್​ ನೀಡಿದ್ದ ತನಿಖಾ ತಂಡ, ವಿಚಾರಣೆಗೊಳಪಡಿಸಿತ್ತು.

ಇದೀಗ ಎರಡು ವರ್ಷಗಳ ಈ ಬಳಿಕ ಪ್ರಕರಣಕ್ಕೆ ಸೆಲಬ್ರಿಟಿಗಳ ಲಿಂಕ್​ ಇಲ್ಲದಿರುವುದು ವಿಚಾರಣೆಯಿಂದ ಸಾಬೀತಾಗಿದೆ. ಕೊನೆಗೂ ನಟ-ನಟಿಯರು ನಿರಾಳರಾಗಿದ್ದಾರೆ.