ಬಾಲಿವುಡ್ ಬೆಡಗಿ ದಿಶಾ ಪಟಾಣಿ ಕೊನೆಯದಾಗಿ ತೆರೆ ಮೇಲೆ ಕಾಣಿಸಿಕೊಂಡಿದ್ದು 'ಮಲಾಂಗ್' ಸಿನಿಮಾದಲ್ಲಿ. ಬಳಿಕ ಯಾವ ಸಿನಿಮಾದಲ್ಲೂ ಕಾಣಿಸಿಕೊಂಡಿಲ್ಲ. ಹಾಗಂತ ಅವರು ಸಿನಿಮಾದಲ್ಲೇ ನಟಿಸಿಲ್ವಾ ಅಂತ ಅಲ್ಲ. ನಟಿಸಿರುವ ಯಾವ ಸಿನಿಮಾಗಳೂ ಇನ್ನೂ ರಿಲೀಸ್ ಆಗಿಲ್ಲ. ಈ ನಡುವೆಯೇ ನಟಿ ಮತ್ತೊಂದು ಚಿತ್ರದಲ್ಲಿ ನಟಿಸಲು ತಯಾರಿ ನಡೆಸುತ್ತಿದ್ದಾರೆ.
ಹೌದು, ಮಲಾಂಗ್ ನಿರ್ದೇಶಕರಾದ ಮೋಹಿತ್ ಸೂರಿ 'ಏಕ್ ವಿಲನ್ 2' ಸಿನಿಮಾ ಮಾಡುತ್ತಿದ್ದು, ಈ ಚಿತ್ರದಲ್ಲಿ ದಿಶಾ ಪಟಾಣಿ ಬಣ್ಣ ಹಚ್ಚುತ್ತಿದ್ದಾರೆ. ಇನ್ನು ಈ ಸಿನಿಮಾದಲ್ಲಿ ನಟಿಸಲು ಹಲವು ದಿನಗಳಿಂದ ತಯಾರಿ ನಡೆಸುತ್ತಿರುವ ದಿಶಾ ಸಾಕಷ್ಟು ಪುಸ್ತಕಗಳನ್ನು ಅಧ್ಯಯನ ಮಾಡಿದ್ದಾರಂತೆ.
ಲಾಕ್ಡೌನ್ ವೇಳೆ ಫ್ರೀ ಇದ್ದ ನಟಿ ಸಾಕಷ್ಟು ಕಥೆಗಳನ್ನು ಓದಿದ್ದಾರಂತೆ. ಅಲ್ಲದೆ ಆನ್ಲೈನ್ನಲ್ಲಿ ಸಿಗುವ ಕಥೆಗಳನ್ನು ಓದುತ್ತ ಸಮಯ ಕಳೆದಿದ್ದಾರೆ. ದಿಶಾ ಅಭಿನಯದ ಏಕ್ ವಿಲನ್ 2 ಸಿನಿಮಾ ಅತೀ ಶೀಘ್ರದಲ್ಲಿ ಸೆಟ್ಟೇರುತ್ತಿದೆ.
ದಿಶಾ ಅಭಿನಯದ ರಾಧೆ ಸಿನಿಮಾ ರೆಡಿಯಾಗಿದ್ದು, ಮುಂಬರುವ ಈದ್ ಹಬ್ಬಕ್ಕೆ ತೆರೆ ಕಾಣುತ್ತಿದೆ. ಈ ಚಿತ್ರದಲ್ಲಿ ಸಲ್ಮಾನ್ ಖಾನ್ ಜೊತೆ ದಿಶಾ ನಟಿಸಿದ್ದಾರೆ.
