'ಮುಂದಿನ ನಿಲ್ದಾಣ' ಕ್ಯಾಚಿ ಟೈಟಲ್ನಿಂದಲೇ ಸ್ಯಾಂಡಲ್ವುಡ್ನಲ್ಲಿ ಟಾಕ್ ಆಫ್ ದಿ ಟೌನ್ ಎನಿಸಿರುವ ಸಿನಿಮಾ. ಕೆಲವು ದಿನಗಳ ಹಿಂದೆ ಪೋಸ್ಟರೊಂದನ್ನು ಬಿಡುಗಡೆಗೊಳಿಸಿ ಸಿನಿಪ್ರಿಯರಲ್ಲಿ ಕುತೂಹಲ ಹುಟ್ಟಿಸಿದ್ದ 'ಮುಂದಿನ ನಿಲ್ದಾಣ' ಚಿತ್ರದ ಮತ್ತೊಂದು ಪೋಸ್ಟರನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ.
ಚಿತ್ರದ ನಾಯಕ ಪ್ರವೀಣ್ ತೇಜ, ರಂಗಿತರಂಗ ಖ್ಯಾತಿಯ ರಾಧಿಕಾ ಚೇತನ್ ಹಾಗೂ ಯುವ ನಟಿ ಅನನ್ಯ ಕಶ್ಯಪ್, ನಿರ್ದೇಶಕ ವಿನಯ್ ಭಾರದ್ವಾಜ್, ಹಾಗೂ ಕೋಸ್ಟಲ್ ಫ್ರೀಜ್ ಪ್ರೊಡಕ್ಷನ್ ಸಮ್ಮುಖದಲ್ಲಿ ನಟ, ನಿರ್ದೇಶಕ ರಿಷಭ್ ಶೆಟ್ಟಿ ಚಿತ್ರದ ಹೊಸ ಪೋಸ್ಟರನ್ನು ಅನಾವರಣ ಮಾಡಿದರು. ಚಿತ್ರದ ಪೋಸ್ಟರ್ ಹಾಗೂ ತಂಡದ ಬಗ್ಗೆ ರಿಷಭ್ ಶೆಟ್ಟಿ ಮೆಚ್ಚುಗೆ ವ್ಯಕ್ತಪಡಿಸಿದರು. ಚಿತ್ರದಲ್ಲಿ ಮೂವರು ಪ್ರಮುಖ ಪಾತ್ರಧಾರಿಗಳಿದ್ದು ಈ ಮೂವರ ಸುತ್ತ ಚಿತ್ರಕಥೆ ಸುತ್ತಲಿದೆ ಎಂದು ಚಿತ್ರತಂಡ ಹೇಳಿದೆ. ಸ್ಟ್ರೈಕರ್ ಖ್ಯಾತಿಯ ಪ್ರವೀಣ್ ತೇಜ ಐಟಿ ಉದ್ಯೋಗಿ ಜೊತೆಗೆ ಪ್ರೋಟೋಗ್ರಾಫರ್ ಆಗಿ ನಟಿಸಿದ್ದಾರೆ. ರಂಗಿತರಂಗ ಚಿತ್ರದ ರಾಧಿಕಾ ಚೇತನ್ ಆರ್ಟ್ ಕ್ಯುರೇಟರ್ ಮೀರಾ ಎಂಬ ಪಾತ್ರ ಮಾಡಿದ್ದು, ಯುವನಟಿ ಅನನ್ಯ ಕಶ್ಯಪ್ ಡಾಕ್ಟರ್ ಪಾತ್ರದಲ್ಲಿ ನಟಿಸಿದ್ದಾರೆ.
ಈ ಚಿತ್ರದ ಪೋಸ್ಟರನ್ನು ಆ್ಯಂಗ್ರಿ ಹನುಮಾನ್ ಖ್ಯಾತಿಯ ಕರಣ್ ಆಚಾರ್ಯ ವಿನ್ಯಾಸ ಮಾಡಿದ್ದು, ಬಾಲಿವುಡ್ ನಟ ಶಾರುಖ್‌ ಖಾನ್‌ ಅವರ ರೆಡ್ ಚಿಲ್ಲೀಸ್ ಪ್ರೊಡಕ್ಷನ್ ಸಂಸ್ಥೆಯಲ್ಲಿರುವ, ಸಿದ್ಧಾರ್ಥ್ ಎಂಬುವರು ಈ ಚಿತ್ರದ ಕಲರ್ ಕರೆಕ್ಷನ್‌ ಮಾಡಿರೋದು ವಿಶೇಷ. ಇಂಜಿನಿಯರಿಂಗ್ ಪದವೀಧರ ಹಾಗೂ ರಿಯಾಲಿಟಿ ಶೋಗಳನ್ನು ಹೋಸ್ಟ್‌ ಮಾಡುತ್ತಿದ್ದ, ವಿನಯ್ ಭಾರದ್ವಾಜ್ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಇನ್ನು ಈ ಚಿತ್ರಕ್ಕೆ 7 ಜನ ಸಂಗೀತ ನಿರ್ದೇಶಕರು ಕೆಲಸ ಮಾಡಿದ್ದು, ಪಿಆರ್ಕೆ ಸಂಸ್ಥೆ ಧ್ವನಿಸುರುಳಿ ಹಕ್ಕುಗಳನ್ನು ಪಡೆದಿದೆ. ಚಿತ್ರಕ್ಕೆ ಅಭಿಮನ್ಯು ಸದಾನಂದ ಛಾಯಾಗ್ರಹಣವಿದೆ. ಸದ್ಯದಲ್ಲೇ ಈ ಚಿತ್ರದ ಟ್ರೇಲರನ್ನು ಚಿತ್ರತಂಡ ಬಿಡುಗಡೆ ಮಾಡಲಿದ್ದು ಅಕ್ಟೋಬರ್ನಲ್ಲಿ ಚಿತ್ರವನ್ನು ಬಿಡುಗಡೆ ಮಾಡಲಿದೆ.
