ಸ್ಯಾಂಡಲ್ವುಡ್ನ ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಇತ್ತೀಚೆಗೆ ಬಾಲ್ಯದ ಗೆಳತಿ ಪ್ರೇರಣಾ ಜೊತೆ ಸಪ್ತಪದಿ ತುಳಿದಿದ್ದಾರೆ. ಮದುವೆ ಆದ ಕೆಲವೇ ದಿನಗಳಲ್ಲಿ ಧ್ರುವ ಸರ್ಜಾ ಪತ್ನಿಗೆ ಎಂಟು ಎಕರೆ ಜಮೀನು ಹಾಗೂ ಐಶಾರಾಮಿ ಕಾರನ್ನು ಕೊಡಿಸುವ ಮೂಲಕ ಸರ್ಪ್ರೈಸ್ ಕೊಟ್ಟಿದ್ರು.
ಇದೀಗ ತಮ್ಮ ತಾತ ಶಕ್ತಿ ಪ್ರಸಾದ್ ಹುಟ್ಟೂರು ಮಧುಗಿರಿ ಹತ್ತಿರ ಇರುವ ಜಕ್ಕೇನಹಳ್ಳಿಗೆ ಭೇಟಿ ನೀಡಿದ್ದಾರೆ. ಕುಟುಂಬದ ಸಂಪ್ರದಾಯದಂತೆ ಧ್ರುವ ಸರ್ಜಾ ಪತ್ನಿ ಪ್ರೇರಣಾ ಜೊತೆ ಮನೆ ದೇವರು ನರಸಿಂಹಸ್ವಾಮಿಗೆ ವಿಶೇಷ ಪೂಜೆ ಮಾಡಿಸಿದ್ದಾರೆ.
ಪತ್ನಿ ಜೊತೆ ಬೈಕ್ ಸವಾರಿ ಮಾಡಿದ ಧ್ರುವ ಸರ್ಜಾ
ಈ ಸಂದರ್ಭದಲ್ಲಿ ಧ್ರುವ ಸರ್ಜಾ ಪತ್ನಿ ಪ್ರೇರಣಾ ಜೊತೆ ಬೈಕ್ನಲ್ಲಿ ಪ್ರಯಾಣಿಸಿದ್ದಾರೆ. ದಾರಿ ಮಧ್ಯೆ ಬರುವಾಗ ಧ್ರುವ ಸರ್ಜಾ ಪ್ರೇರಣಾಗೆ ತಮ್ಮ ಹಳ್ಳಿಯ ಸೊಗಡನ್ನ ತೋರಿಸಿದ್ದಾರೆ. ಧ್ರುವ ಸರ್ಜಾರ ಈ ಸಿಂಪ್ಲಿಸಿಟಿ ನೋಡಿದ ಊರ ಮಂದಿ ಬೆರಗಾಗಿದ್ದಾರೆ. ಧ್ರುವಾ ಬೈಕ್ ರೈಡಿಂಗ್ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ.
