ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ನಗು ಕೇವಲ ಭಾರತದಲ್ಲಿ ಮಾತ್ರ ಜನಜನಿತವಾಗಿಲ್ಲ. ಇದೀಗ ದೇಶದ ಗಡಿ ದಾಟಿ ಹೋಗಿ ಗ್ರೀಕ್ ದೇಶದ ರಾಜಧಾನಿ ಅಥೆನ್ಸ್ನಲ್ಲಿಯೂ ದೀಪಿಕಾ ಸ್ಮೈಲ್ ಸಖತ್ ಫೇಮಸ್ ಆಗಿದೆ.
ಅಥೆನ್ಸ್ನ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಪ್ರದರ್ಶನ ಏರ್ಪಡಿಸಿದ್ದು, ಅದರಲ್ಲಿ ದೀಪಿಕಾ ಪಡುಕೋಣೆ ನಗುವಿರುವ ಪ್ರತಿಮೆ ಅನಾವರಣ ಮಾಡಲಾಗಿದೆ. ಅಲ್ಲದೆ 'ದೀಪಿಕಾರ ನಗುವನ್ನು ನಿಖರವಾದ ನಗು' ಎಂದು ಘೋಷಿಸಲಾಗಿದೆ. ಈ ಬಗ್ಗೆ ಸ್ವತಃ ದೀಪಿಕಾ ಪಡುಕೋಣೆಯೇ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ.
ಈ ನಗುವಿನ ಪ್ರದರ್ಶನದಲ್ಲಿ ದೀಪಿಕಾ ಜತೆಗೆ ಆಫ್ರಿಕಾ, ಅಮೆರಿಕಾ, ಚೀನಾ ಸೇರಿದಂತೆ ಪ್ರಪಂಚದ ನಾನಾ ದೇಶಗಳ ಪ್ರಮುಖರ ನಗುವನ್ನು ಇಲ್ಲಿ ಅನಾವರಣ ಮಾಡಲಾಗಿದೆ.
ಆ ಪ್ರತಿಮೆಯಲ್ಲಿ ನಗುಮುಖದ ದೀಪಿಕಾ ತಲೆ ಕೂದಲಿ ತುರುಬು ಕಟ್ಟಿದ್ದು, ಕೊರಳಿಗೆ ದೊಡ್ಡದಾದ ನೆಕ್ಲೆಸ್ ಹಾಕಿದ್ದಾರೆ. 'ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ನಗು' ಎಂದು ಪ್ರತಿಮೆಯ ಕೆಳಗೆ ಬರೆಯಲಾಗಿದೆ.
ಅಥೆನ್ಸ್ ವಿಮಾನ ನಿಲ್ದಾಣವು ಕೊರೊನಾ ಲಾಕ್ಡೌನ್ ನಂತ್ರ ತೆರೆಯಲಾಗುತ್ತಿದ್ದು, ಪ್ರವಾಸಿಗರನ್ನು ಸ್ವಾಗತಿಸಲು ಈ ರೀತಿಯ ಪ್ರದರ್ಶನಗಳನ್ನು ಮಾಡುತ್ತಿದೆ.
- " class="align-text-top noRightClick twitterSection" data="
">
- " class="align-text-top noRightClick twitterSection" data="
">
