ಇಂದು ಬಾಕ್ಸ್ ಆಫೀಸ್ ಸುಲ್ತಾನ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಬರ್ತ್ ಡೇ. ಪ್ರಾಣಿ ಪ್ರಿಯ ದಾಸನ ಹುಟ್ಟು ಹಬ್ಬ ಹಾರ ತುರಾಯಿ, ಕೇಕ್, ಪಟಾಕಿಗಳಿಲ್ಲದೆ ನೆರವೇರಿದೆ. ಇನ್ನು ಪ್ರಾಣಿಪ್ರಿಯ ದರ್ಶನ್ ಹುಟ್ಟುಹಬ್ಬದಂದೇ ಮಂಡ್ಯದ ಮಹಾಲಕ್ಷ್ಮಿ ದರ್ಶನ್ ಮನೆ ಸೇರಿದ್ದಾಳೆ.
ಹುಟ್ಟುಹಬ್ಬದಂದೇ ದರ್ಶನ್ ಮನೆ ಸೇರಿದಳು ಮಹಾಲಕ್ಷ್ಮಿ!
ಹೌದು ಅಭಿಮಾನಿಗಳ ಅರಾಧ್ಯದೈವ ದಚ್ಚುಗೆ ಮಂಡ್ಯದ ಅಭಿಮಾನಿ ಶಿವು ಹೆಚ್ಎಫ್ ತಳಿಯ ಕರುವನ್ನು ಉಡುಗೊರೆ ನೀಡಿದ್ದಾರೆ. ವಿಶೇಷ ಅಂದ್ರೆ ಆ ಕರುವಿಗೆ ಮಹಾಲಕ್ಷ್ಮಿ ಎಂದು ಹೆಸರಿಟ್ಟಿದ್ದು, ದರ್ಶನ್ ಹುಟ್ಟು ಹಬ್ಬದಂದೆ ಮಹಾಲಕ್ಷ್ಮಿ ದಾಸನ ಮನೆ ಸೇರಿದ್ದಾಳೆ.
ಕಳೆದ ಮೂರು ವರ್ಷಗಳಿಂದ ದರ್ಶನ್ ಹುಟ್ಟು ಹಬ್ಬಕ್ಕೆ ಕರುಗಳನ್ನು ಉಡುಗೊರೆಯಾಗಿ ನೀಡ್ತಿರುವ ಮಂಡ್ಯದ ಅಭಿಮಾನಿ ಶಿವು, ಪ್ರಾಣಿಗಳನ್ನು ಅಪಾರವಾಗಿ ಪ್ರೀತಿಸುವ ನಮ್ಮ ಬಾಸ್ಗೆ ನಾನು ಬದುಕಿರುವ ತನಕ ಕರುಗಳನ್ನೇ ಗಿಫ್ಟ್ ನೀಡುತ್ತೇನೆ ಎಂದಿದ್ದಾರೆ.
