ತಮಿಳು ಸೂಪರ್ ಸ್ಟಾರ್ ರಜನಿ ಕಾಂತ್ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ 'ದರ್ಬಾರ್'. ಈ ಸಿನಿಮಾದ ವಿಶೇಷ ಪೋಸ್ಟರ್ ಅನ್ನು ಇಂದು ಚಿತ್ರತಂಡ ರಿಲೀಸ್ ಮಾಡಿದೆ.
ರಜನಿಕಾಂತ್ ಹುಟ್ಟುಹಬ್ಬದ ಪ್ರಯುಕ್ತ ಈ ಪೋಸ್ಟರ್ ರಿಲೀಸ್ ಮಾಡಲಾಗಿದೆ. ಪೋಸ್ಟರ್ನಲ್ಲಿ ರಜನಿಕಾಂತ್ ಖಡಕ್ ಲುಕ್ ಮತ್ತು ಸಿಟ್ಟಿನಿಂದ ನಡೆದು ಬರುತ್ತಿದ್ದಾರೆ.
ಇನ್ನು ಈ ಸಿನಿಮಾದಲ್ಲಿ ರಜನಿಕಾಂತ್ ಪೊಲೀಸ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಬರೋಬ್ಬರಿ 25 ವರ್ಷಗಳ ನಂತ್ರ ಮತ್ತೆ ಪೊಲೀಸ್ ಬಟ್ಟೆ ಹಾಕಿದ್ದಾರೆ. 'ತಲೈವಾ' ಈ ಹಿಂದೆ ಅಂದ್ರೆ 1992ರಲ್ಲಿ 'ಪಾಂಡಿಯನ್' ಸಿನಿಮಾದಲ್ಲಿ ಪೊಲೀಸ್ ಪಾತ್ರ ಮಾಡಿದ್ರು. ಮತ್ತು 1982ರಲ್ಲಿ ತೆರೆ ಕಂಡಿದ್ದ 'ಮೂಂಡ್ರು ಮುಗಮ್' ಸಿನಿಮಾದಲ್ಲಿಯೂ ಪೊಲೀಸ್ ಪಾತ್ರ ನಿರ್ವಹಿಸಿದ್ರು.
'ದರ್ಬಾರ್' ಚಿತ್ರಕ್ಕೆ ಎ.ಆರ್ ಮುರುಘದಾಸ್ ನಿರ್ದೇಶನವಿದ್ದು, ಹೊಸ ವರ್ಷದ ಜನವರಿ 15ರಂದು ತೆರೆಗೆ ಬರಲಿದೆ.
