ಕೊರೊನಾ ಭೀತಿಗೆ ಉಪ್ಪಿ ಅಭಿನಯದ 'ಕಬ್ಜ' ಚಿತ್ರದ ಶೂಟಿಂಗ್ ಒಂದು ವಾರದ ಮಟ್ಟಿಗೆ ಕ್ಯಾನ್ಸಲ್ ಆಗಿದೆ. ಸರ್ಕಾರ ಆದೇಶ ನೀಡಿರುವ ಹಿನ್ನೆಲೆ ಮುನ್ನೆಚರಿಕೆಯಾಗಿ 'ಕಬ್ಜ' ಚಿತ್ರತಂಡ ಶೂಟಿಂಗ್ ಕ್ಯಾನ್ಸಲ್ ಮಾಡಿದೆ. ಇಂದಿನಿಂದ ಒಂದು ವಾರಗಳ ಕಾಲ ಚಿತ್ರದ ಶೂಟಿಂಗನ್ನು ನಿರ್ದೇಶಕ ಆರ್. ಚಂದ್ರು ರದ್ದು ಮಾಡಿದ್ದಾರೆ.
ಹೆಚ್ಚು ಜನರು ಒಂದು ಸ್ಥಳದಲ್ಲಿ ಸೇರಬಾರದು ಎಂಬ ಕಾರಣಕ್ಕೆ ಶೂಟಿಂಗ್ ರದ್ದು ಮಾಡಲಾಗಿದೆ. 'ಕಬ್ಜ' ನಿಗಾಗಿ ಚಿತ್ರತಂಡ ಮಿನರ್ವ ಮಿಲ್ನಲ್ಲಿ ಅದ್ದೂರಿ ಸೆಟ್ ಹಾಕಿ ಚಿತ್ರತಂಡ ಕಳೆದ ಒಂದು ವಾರದಿಂದ ಶೂಟಿಂಗ್ ನಡೆಸುತ್ತಿತ್ತು. ಇದೀಗ ಕೊರೊನಾ ಭೀತಿಯಿಂದ ಚಿತ್ರದ ಶೂಟಿಂಗ್ ಕ್ಯಾನಲ್ಸ್ ಮಾಡಲಾಗಿದೆ. ಇನ್ನು ಸರ್ಕಾರ ಹೊರಡಿಸಿರುವ ಆದೇಶದ ಹಿನ್ನೆಲೆ ನಾವು ಮುನ್ನೆಚರಿಕೆಯಾಗಿ ಒಂದು ವಾರಗಳ ಕಾಲ ಶೂಟಿಂಗ್ ನಿಲ್ಲಿಸಿದ್ದೇವೆ ಎಂದು 'ಕಬ್ಜ' ಚಿತ್ರದ ನಿರ್ದೇಶಕ ಆರ್. ಚಂದ್ರು ಈಟಿವಿ ಭಾರತದೊಂದಿಗೆ ಹೇಳಿದ್ದಾರೆ.
