'ಆ ದೃಶ್ಯ' ಚಿತ್ರಕ್ಕೆ ಶುಭ ಕೋರಿದ ಸೆಂಚುರಿ ಸ್ಟಾರ್​​​​

ಡಾ. ರವಿಚಂದ್ರನ್ ನಟಿಸಿರುವ ಸಸ್ಪೆನ್ಸ್​ ಹಾಗೂ ಥ್ರಿಲ್ಲರ್ ಕಥೆ ಹೊಂದಿರುವ 'ಆ ದೃಶ್ಯ' ಸಿನಿಮಾಗೆ ಸೆಂಚುರಿ ಸ್ಟಾರ್ ಶಿವರಾಜ್​ಕುಮಾರ್ ಶುಭ ಕೋರಿದ್ದಾರೆ.

ಕ್ರೇಜಿಸ್ಟಾರ್ ರವಿಚಂದ್ರನ್ ಅಭಿನಯದ 'ಆ ದೃಶ್ಯ' ಸಿನಿಮಾ ಇದೇ ನವೆಂಬರ್ 8 ಕ್ಕೆ ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ. ಚಿತ್ರದಲ್ಲಿ ರವಿಚಂದ್ರನ್ ಎರಡು ಶೇಡ್​​ಗಳಲ್ಲಿ ನಟಿಸಿದ್ದು, ಸುಮಾರು 150 ಥಿಯೇಟರ್​​​ಗಳಲ್ಲಿ ಸಿನಿಮಾ ತೆರೆ ಕಾಣಲಿದೆ.

ಸಸ್ಪೆನ್ಸ್​ ಹಾಗೂ ಥ್ರಿಲ್ಲರ್ ಕಥೆ ಹೊಂದಿರುವ 'ಆ ದೃಶ್ಯ' ಸಿನಿಮಾವನ್ನು ಶಿವ ಗಣೇಶನ್ ನಿರ್ದೇಶಿಸಿದ್ದಾರೆ. ರವಿಚಂದ್ರನ್, ರಮೇಶ್ ಭಟ್, ಅಚ್ಯುತ್ ರಾವ್​​​​​​​​​​​​​​ ಹೊರತುಪಡಿಸಿ ಉಳಿದೆಲ್ಲಾ ನಟರು ರಂಗಭೂಮಿ ಹಿನ್ನೆಲೆ ಉಳ್ಳವರು. ಗೌತಮ್ ಶ್ರೀವತ್ಸ ಈ ಚಿತ್ರಕ್ಕೆ ಸಂಗೀತ ನೀಡಿದ್ದಾರೆ.

ಇನ್ನು ಸೆಂಚುರಿ ಸ್ಟಾರ್ ಶಿವರಾಜ್​ಕುಮಾರ್ 'ಆ ದೃಶ್ಯ' ಚಿತ್ರಕ್ಕೆ ಶುಭ ಕೋರಿದ್ದಾರೆ. 'ಎಲ್ಲರಿಗೂ ರಾಜ್ಯೋತ್ಸವದ ಶುಭಾಶಯಗಳು. ಇದೇ 8 ನೇ ತಾರೀಖು ಕೆ.ಮಂಜು ನಿರ್ಮಾಣದ 'ಆ ದೃಶ್ಯ' ಸಿನಿಮಾ ಬಿಡುಗಡೆಯಾಗುತ್ತಿದೆ. ಡಾ. ರವಿಚಂದ್ರನ್, ಅಚ್ಯುತ್ ರಾವ್ ಹಾಗೂ ಎಲ್ಲಾ ಹೊಸ ಪ್ರತಿಭೆಗಳಿಗೂ ಆಲ್ ದಿ ಬೆಸ್ಟ್​. 8ನೇ ತಾರೀಖು ಸಿನಿಮಾ ನೋಡುವುದನ್ನು ಮರೆಯಬೇಡಿ. ನಾನೂ ಸಿನಿಮಾ ನೋಡುತ್ತೇನೆ ' ಎಂದು ಶಿವರಾಜ್​ಕುಮಾರ್ ಸೆಲ್ಫಿ ವಿಡಿಯೋ ಮೂಲಕ ಹೇಳಿದ್ದಾರೆ.