ಕನ್ನಡ ಚಿತ್ರ ರಂಗದ ಬುದ್ಧಿವಂತ ಅಂದ್ರೆ ಅದು ಉಪೇಂದ್ರ. ಇವರ ಸಿನಿಮಾನ ದೃಷ್ಟಿಕೋನವೇ ಇವರ ಬುದ್ಧಿವಂತಿಕೆ ಮಟ್ಟವನ್ನು ತೋರಿಸುತ್ತದೆ. ಈಗ ಬುದ್ಧಿವಂತ 2 ಜನರ ಮುಂದೆ ಬರಲು ಸಿದ್ಧವಾಗುತ್ತಿದೆ.
12 ವರ್ಷಗಳ ಬಳಿಕ ಬುದ್ಧಿವಂತ 2 ಚಿತ್ರ 78 ದಿವಸಗಳ ಚಿತ್ರೀಕರಣ ಮುಗಿಸಿಕೊಂಡು ಹಾಡುಗಳ ಚಿತ್ರೀಕರಣ ಬಾಕಿ ಉಳಿಸಿಕೊಂಡಿದೆ. ಹಾಡಿನ ಭಾಗವನ್ನು ಕತಾರ್ ಹಾಗು ಮಲೇಷ್ಯಾದಲ್ಲಿ ಚಿತ್ರೀಕರಣ ಮಾಡಬೇಕು ಎಂದು ನಿರ್ಧರಿಸಲಾಗಿತ್ತು. ಕೊರೊನಾದಿಂದ ವಿದೇಶಿ ಚಿತ್ರೀಕರಣವನ್ನು ಕೈಬಿಡಲಾಗಿದೆ.
ಬುದ್ಧಿವಂತ 2 ಚಿತ್ರ ಈ ಹಿಂದಿನ ಚಿತ್ರದ ಮುಂದುವರಿದ ಭಾಗವಲ್ಲ. ಇದೊಂದು ಮೈಂಡ್ ಗೇಮ್ ಚಿತ್ರ, ಹೆಜ್ಜೆ ಹೆಜ್ಜೆಗೂ ಕುತೂಹಲ ಕಟ್ಟಿಕೊಡಲಾಗಿದೆ. ಸಿನಿಮಾ. ಪ್ರೇಕ್ಷಕ ಸುಲಭವಾಗಿ ಏನನ್ನೂ ನಿರೀಕ್ಷೆ ಮಾಡಲು ಸಾಧ್ಯವಾಗದ ರೀತಿಯಲ್ಲಿ ಬುದ್ಧಿವಂತ 2 ಚಿತ್ರವನ್ನು ಸಿದ್ದ ಮಾಡಿದ್ದಾರೆ ನಿರ್ದೇಶಕ ಭದ್ರಾವತಿ ಜಯರಾಂ.
ಬುದ್ಧಿವಂತ 2 ಚಿತ್ರದಲ್ಲಿ ಉಪೇಂದ್ರ ಅವರ ಸ್ಟೈಲ್, ಮಾತಿನ ಶೈಲಿ ವಿಶೇಷವಾಗಿರಲಿದೆ. ಮೇಘನಾ ರಾಜ್ ಹಾಗೂ ಸೋನಲ್ ಮೊಂಟೆರಿ ನಾಯಕಿಯರು. ಚಂದನವನಕ್ಕೆ ಹೊಸ ಖಳ ನಟನ ಪ್ರವೇಶ ಆಗುತ್ತಿದೆ. ಆ ಹೆಸರನ್ನು ಗೌಪ್ಯವಾಗಿ ಇಡಲಾಗಿದೆ. ಪೋಷಕ ಪಾತ್ರಗಳಲ್ಲಿ ರಾಜೇಶ್ ನಟರಂಗ, ಪ್ರೇರಣ, ಕಡ್ಡಿಪುಡಿ ಚಂದ್ರು ಹಾಗೂ ಇತರರು ಇದ್ದಾರೆ.
