ಸಿಂಪಲ್ ಸ್ಟಾರ್ ಜನಪ್ರಿಯತೆಯ ರಕ್ಷಿತ್ ಶೆಟ್ಟಿ ಅಭಿನಯದ 'ಅವನೇ ಶ್ರೀಮನ್ನಾರಾಯಣ' ಚಿತ್ರದ ಟ್ರೇಲರ್ ಹೊಸ ಟ್ರೆಂಡ್ ಕ್ರಿಯೆಟ್ ಮಾಡಿದ್ದು, ಸಿನಿಮಾ ಕಣ್ತುಂಬಿಕೊಳ್ಳಲು ಕಾಯ್ತಿದ್ದ 'ಚಾರ್ಲಿ' ಅಭಿಮಾನಿಗಳಿಗೆ ಇಲ್ಲಿದೆ ಗುಡ್ ನ್ಯೂಸ್. ಸಿನಿ ಪ್ರೇಮಿಗಳು ಕಾತರದ ಕಣ್ಣುಗಳಿಂದ ಕಾಯುತ್ತಿರುವ ಈ ಸಿನಿಮಾ ಡಿಸೆಂಬರ್ 27ಕ್ಕೆ ಬೆಳ್ಳಿಪರದೆಯಲ್ಲಿ ಕಾಣಿಸಿಕೊಳ್ಳಲಿದೆ.
ಸಿನಿಮಾದ ಚಿತ್ರೀಕರಣ ಆರಂಭಕ್ಕೂ ಮುನ್ನವೇ ಬಿಡುಗಡೆಯ ದಿನಾಂಕವನ್ನು ಚಿತ್ರತಂಡ ನಿಗದಿ ಮಾಡಿತ್ತು.
2016 ಡಿಸೆಂಬರ್ 30ಕ್ಕೆ ರಕ್ಷಿತ್ ಶೆಟ್ಟಿ ಅಭಿನಯದ 'ಕಿರಿಕ್ ಪಾರ್ಟಿ' ಸಿನಿಮಾ ರಿಲೀಸ್ ಆಗಿತ್ತು. ಈಗ ಡಿಸೆಂಬರ್ ತಿಂಗಳಲ್ಲೇ ಅವರದ್ದೇ ಮುಖ್ಯಭೂಮಿಕೆಯ ಮತ್ತೊಂದು ಸಿನಿಮಾ ತೆರೆಗೆ ಬರುತ್ತಿದೆ.
ಅಂದಹಾಗೆ, ಈ ಚಿತ್ರದಲ್ಲಿ ರಕ್ಷಿತ್ ನಟನೆಯ ಜೊತೆಗೆ ನಿರ್ಮಾಣದ ಜವಾಬ್ದಾರಿಯನ್ನೂ ನಿಭಾಯಿಸಿದ್ದಾರೆ. ಪುಷ್ಕರ ಮಲ್ಲಿಕಾರ್ಜುನಯ್ಯ ಮತ್ತು 'ರಂಗಿತರಂಗ' ಖ್ಯಾತಿಯ ಪ್ರಕಾಶ್ ಜೊತೆ ಸೇರಿ ರಕ್ಷಿತ್ ಚಿತ್ರಕ್ಕೆ ಬಂಡವಾಳ ಹಾಕಿದ್ದಾರೆ. ಕಿರಿಕ್ ಪಾರ್ಟಿ ಚಿತ್ರದಲ್ಲಿ ಸಹಾಯಕ ನಿರ್ದೇಶಕನಾಗಿ ಕೆಲಸ ಮಾಡಿದ್ದ ಸಚಿನ್ ರವಿ ನಿರ್ದೇಶನ ಮಾಡಿದ್ದಾರೆ.
'ಅವನೇ ಶ್ರೀಮನ್ನಾರಯಣ'ನಿಗೆ 'ಮಾಸ್ಟರ್ ಪೀಸ್' ಬೆಡಗಿ ಶಾನ್ವಿ ನಾಯಕಿಯಾಗಿದ್ದು, 'ಪೈಲ್ವಾನ್' ಚಿತ್ರದ ನಂತರ ಸ್ಯಾಂಡಲ್‌ವುಡ್‌ನ ಮತ್ತೊಂದು ಪಾನ್ ಇಂಡಿಯಾ ಸಿನಿಮಾ ರಿಲೀಸ್ ಆಗಲು ಅಭಿಮಾನಿಗಳು ಇನ್ನು ಕೆಲವು ದಿನಗಳಷ್ಟೇ ಕಾಯಬೇಕು.
-
ಅವನೇ ಶ್ರೀಮನ್ನಾರಾಯಣ 🕵️♂️ 27th December Guys 🤘🏼 #LastFridayOfTheYear
— Rakshit Shetty (@rakshitshetty) October 21, 2019 " class="align-text-top noRightClick twitterSection" data="
">ಅವನೇ ಶ್ರೀಮನ್ನಾರಾಯಣ 🕵️♂️ 27th December Guys 🤘🏼 #LastFridayOfTheYear
— Rakshit Shetty (@rakshitshetty) October 21, 2019ಅವನೇ ಶ್ರೀಮನ್ನಾರಾಯಣ 🕵️♂️ 27th December Guys 🤘🏼 #LastFridayOfTheYear
— Rakshit Shetty (@rakshitshetty) October 21, 2019
