'ಲವ್ ಯು ರಚ್ಚು' ಸ್ಯಾಂಡಲ್ವುಡ್ನಲ್ಲಿ ಒಂದಲ್ಲ, ಒಂದು ವಿಷಯಕ್ಕೆ ಸದ್ದು ಮಾಡುತ್ತಿರೋ ಸಿನಿಮಾ. ಅಜಯ್ ರಾವ್ ಜೊತೆ ರಚಿತಾ ರಾಮ್ ಮೊದಲ ಬಾರಿಗೆ ಸ್ಕ್ರೀನ್ ಹಂಚಿಕೊಂಡಿದ್ದು, ಸದ್ಯಕ್ಕೆ ಟ್ರೇಲರ್ನಿಂದಲೇ ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡ್ತಿದೆ.
ಮುದ್ದಾದ ಟೈಟಲ್ನಿಂದಲೇ ಕನ್ನಡ ಚಿತ್ರರಂಗದಲ್ಲಿ ಸೆನ್ಸೇಷನ್ ಕ್ರಿಯೇಟ್ ಮಾಡಿರೋ ಈ ಟೈಟಲ್ ಹುಟ್ಟಿದ್ದು ಹೇಗೆ ಅನ್ನೋದನ್ನ ನಟ ಅಜಯ್ ರಾವ್ ಬಿಚ್ಚಿಟ್ಟಿದ್ದಾರೆ. ಹೌದು, ಈ ಚಿತ್ರದ ಕಥೆಯನ್ನ ಬರೆದಿರುವ ನಿರ್ದೇಶಕ ಶಶಾಂಕ್ ಹಾಗು ಈ ಸಿನಿಮಾದ ಕ್ರಿಯೇಟಿವ್ ಹೆಡ್ ಆಗಿರುವ ಗುರು ದೇಶಪಾಂಡೆ ಜೊತೆ ಕುಳಿತು ಚರ್ಚೆ ಮಾಡಬೇಕಾದ್ರೆ ಸಿಕ್ಕಿದ್ದೇ ಲವ್ ಯು ರಚ್ಚು ಟೈಟಲ್ ಅಂತೆ.
ಅಜಯ್ ರಾವ್ಗೆ ಲವ್ ಸ್ಟೋರಿ ಎಂಬ ಪದ ಲಕ್ಕಿ ಅನ್ನೋದು ನಿರ್ದೇಶಕ ಶಶಾಂಕ್ ನಂಬಿಕೆ. ಯಾಕಂದ್ರೆ, ಅಜಯ್ ರಾವ್ ಲವ್ ಎಂಬ ಪದ ಬಳಸಿ ಇಟ್ಟಿರುವ ಟೈಟಲ್ ಸಿನಿಮಾಗಳು ಹಿಟ್ ಆಗಿವೆ. ಈ ಕಾರಣಕ್ಕೆ ಇಲ್ಲಿ ಕೂಡ 'ಲವ್ ಯು ರಚ್ಚು' ಎಂಬ ಟೈಟಲ್ ಇಡಲಾಗಿದೆಯಂತೆ. ಇದರ ಜೊತೆಗೆ ರಚ್ಚು ಅನ್ನೋದು ರಚಿತಾ ರಾಮ್ ಅವ್ರಿಗೆ ಕರೆಯುವ ಮತ್ತೊಂದು ಹೆಸರು. ಅಚ್ಚರಿ ಅಂದ್ರೆ ಈ ಸಿನಿಮಾ ಟೈಟಲ್ ಫಿಕ್ಸ್ ಮಾಡುವುದಕ್ಕಿಂತ ಮುಂಚೆಯೇ ರಚಿತಾ ರಾಮ್ ನಾಯಕಿ ಅಂತಾ ಮಾತುಕತೆ ಆಗಿತ್ತಂತೆ.
ಟ್ರೇಲರ್ ಹಾಗು ಹಾಡುಗಳಲ್ಲಿ ಅಜಯ್ ರಾವ್ ಹಾಗೂ ರಚಿತಾ ರಾಮ್ ರೊಮ್ಯಾಂಟಿಕ್ ಕೆಮಿಸ್ಟ್ರಿ ವರ್ಕ್ ಔಟ್ ಆಗಿದ್ದು, ಸಿನಿಮಾ ಪ್ರಿಯರಲ್ಲಿ ಒಂದಿಷ್ಟು ಕುತೂಹಲ ಮೂಡಿಸಿದೆ. ಯಾಕಂದ್ರೆ, ಟ್ರೇಲರ್ನಲ್ಲಿ ಮುದ್ದಾದ ಲವ್ ಸ್ಟೋರಿ, ಸಸ್ಪೆನ್ಸ್ ಹಾಗೂ ಥ್ರಿಲ್ಲಿಂಗ್ ಎಲಿಮೆಂಟ್ಸ್ ಅನ್ನು ಒಳಗೊಂಡಿದೆ.
ಈ ಚಿತ್ರದ ಕ್ರಿಯೇಟಿವ್ ಹೆಡ್ ಆಗಿರುವ ಗುರು ದೇಶಪಾಂಡೆ ನಿರ್ಮಿಸುತ್ತಿರುವ 'ಲವ್ ಯು ರಚ್ಚು' ಚಿತ್ರಕ್ಕೆ ಶಂಕರ್‌ ಎಸ್‌. ರಾಜ್‌ ನಿರ್ದೇಶನವಿದೆ. 'ಕೃಷ್ಣನ್‌ ಲವ್‌ಸ್ಟೋರಿ', 'ಕೃಷ್ಣ ಲೀಲಾ' ಸಿನಿಮಾಗಳ ಸಕ್ಸಸ್‌ ನಂತರ ನಿರ್ದೇಶಕ ಶಶಾಂಕ್, ನಟ ಅಜೇಯ್‌ ರಾವ್ ಅವರಿಗಾಗಿಯೇ ಮಾಡಿಕೊಂಡಿದ್ದ ಕಥೆ ಇದಾಗಿದ್ದು, ಚಿತ್ರಕ್ಕೆ ಶಶಾಂಕ್ ಕಥೆಯ ಜೊತೆಗೆ ಚಿತ್ರಕಥೆ, ಸಂಭಾಷಣೆಯನ್ನ ಬರೆದಿದ್ದಾರೆ. ಸಂಗೀತ ನಿರ್ದೇಶಕ ಮಣಿಕಾಂತ್ ಕದ್ರಿ ಕ್ಯಾಚೀ ಟ್ಯೂನ್ ಹಾಕಿದ್ದಾರೆ. ಶ್ರೀ ಕ್ರೇಜಿ ಮೈಂಡ್ಸ್‌ ಛಾಯಾಗ್ರಹಣ ಮತ್ತು ಸಂಕಲನವಿದೆ.
ಇದೇ ಡಿಸೆಂಬರ್ 31ಕ್ಕೆ ರಾಜ್ಯಾದ್ಯಂತ 'ಲವ್ ಯು ರಚ್ಚು' ಸಿನಿಮಾ ಬಿಡುಗಡೆ ಆಗುತ್ತಿದೆ. ಸದ್ಯ ಅಜಯ್ ರಾವ್, ರಚಿತಾ ರಾಮ್ ಜೋಡಿ ವರ್ಕ್ ಆಗಿದ್ದು, ಈ ಸಿನಿಮಾ ಸ್ಯಾಂಡಲ್ವುಡ್ನಲ್ಲಿ ಗೆಲ್ಲುವ ಸೂಚನೆ ಸಿಕ್ಕಿದೆ.
