ಮುಂಬೈ : ಇಷ್ಟು ದಿನ ಲವರ್ ಬಾಯ್ ಆಗಿ ಬಿಟೌನ್ನಲ್ಲಿ ಮೋಡಿ ಮಾಡಿದ್ದ ಆದಿತ್ಯ ರಾಯ್ ಕಪೂರ್ ಸದ್ಯ ಅಭಿಮಾನಿಗಳಿಗೆ 'ಏಕ್ ವಿಲನ್' ಆಗಲು ಹೊರಟಿದ್ದಾರೆ. 'ಆಶಿಕಿ -2' ನಂತರ ಮತ್ತೆ ನಟ ಆದಿತ್ಯ ರಾಯ್ ಕಪೂರ್ ಮತ್ತು ನಿರ್ದೇಶಕ ಮೋಹಿತ್ ಸೂರಿ ತೆರೆ ಮೇಲೆ ಮೋಡಿ ಮಾಡಲು ರೆಡಿಯಾಗಿದ್ದಾರೆ. 'ಏಕ್ ವಿಲನ್' ಚಿತ್ರ ನಿರ್ಮಾಣಕ್ಕೆ ಕೈ ಹಾಕಿದ್ದಾರೆ. ಈಗಾಗಲೇ ವಿಡಿಯೋ ಕಾಲ್ ಮೂಲಕ ಚಿತ್ರದ ಕುರಿತು ಮಾತುಕತೆ ನಡೆಸಿದ್ದಾರಂತೆ.
ತನಗೆ ಆದಿಯೊಂದಿಗೆ ಕೆಲಸ ಮಾಡೋದು ಅಂದ್ರೆ ತುಂಬಾ ಇಷ್ಟ. ಪ್ರತಿಸಲ ಅವರಿಗೆ ಉತ್ತಮವಾದುದನ್ನ ನೀಡುವ ಜವಾಬ್ದಾರಿ ನನ್ನ ಮೇಲಿದೆ. ಆದಿ ಖಳನಾಯಕನ ಪಾತ್ರದಲ್ಲಿ ನಟಿಸುತ್ತಿರುವುದು ಇದೇ ಮೊದಲು, ತುಂಬಾ ಖುಷಿಯಾಗುತ್ತಿದೆ ಅಂತಾ ನಿರ್ದೇಶಕ ಮೋಹಿತ್ ಸೂರಿ ಹೇಳಿಕೊಂಡಿದ್ದಾರೆ.
ಕೆಲದಿನಗಳ ಹಿಂದೆ ಮೋಹಿತ್ ಮತ್ತು ಆದಿ ಈ ಕುರಿತು ಚರ್ಚೆ ಮಾಡಿದ್ದರು. ರಾಜ್ಯದಲ್ಲಿ ಕೊರೊನಾ ಹಾವಳಿ ಹೆಚ್ಚಾದ ಹಿನ್ನೆಲೆ ದೇಶ ಲಾಕ್‌ಡೌನ್ ಆಗಿದೆ. ಚಿತ್ರದ ಪಾತ್ರ ಮತ್ತು ಕಥಾವಸ್ತುವಿನ ಕುರಿತು ಪ್ರತಿದಿನ ವಿಡಿಯೋ ಕಾಲ್ ಮೂಲಕ ಚರ್ಚೆ ನಡೆಸುತ್ತಿದ್ದಾರೆ ಎಂದು ಮೂಲಗಳಿಂದ ತಿಳುದು ಬಂದಿದೆ.ಚಿತ್ರದಲ್ಲಿ ಜಾನ್ ಅಬ್ರಾಹಂ, ದಿಶಾ ಪಟಾನಿ ಮತ್ತು ತಾರಾ ಸುತಾರಿಯಾ ನಟಿಸುತ್ತಿದ್ದಾರೆ. ಅಲ್ಲದೆ ಏಕ್ತಾ
ಕಪೂರ್ ಮತ್ತು ಭೂಷನ್ ಕುಮಾರ್ ಸಹ ಭಾಗಿತ್ವದಲ್ಲಿ ಚಿತ್ರ ನಿರ್ಮಾಣವಾಗಲಿದೆ.
